Matie 12:17 - TAFO AYO

¹⁷ Tshe mbœrœ lima ataa adœke o'o á Ndjaba pa dœ awa nœ ayi kœgbara o'o Isaya kœmbœrœ tœ endje.

Matie 12:17 Referans Kwoze

Matie 21:4

Œ wuta ataa mbœrœ á o'o á ayi kœgbara o'o pa lima kœmbœrœtœ endje. Tshe pa lima adœke:

Matie 13:35

Tshe mbœrœ lima ataa mbœrœ á o'o á ayi kœgbara o'o gbara lima kœmbœrœtœ endje. Tshe gbara lima adœke: «Mœ pa bala o'o lœ ndœma toro, mœ mɨndœ œrœ á zatœ ye yiwa tœnœ kœto ɓa tœ ali kœmbœrœ tshapashɔ.»

Akwa 13:27

Azu Yerusaleme œdœ pe agbozu tshapa endje wuwusœ Yisu nene, endje wuwu ndje sœ ádá o'o má aayi kœgbara o'o su á endje sœ kœdɨ tœnœ ɔlɔ sabata bale dœ bale nene. Kashe endje wa ɔgbɔ ngbanga ga pa Yisu liaka o'onœ asœmœ.

Matie 8:17

Tshe mbœrœ lima ataa mbœrœ o'onœ á Isaya ayi kœgbara o'o nœ Ndjaba pa lima kœmbœrœtœ endje. Tshe pa lima adœke: «Œshe dá ko gbakɨndɨ nœ azœ yé á ko koɓa nœ azœ ga pa ye.»

Matie 12:16

kashe œ pa fœ endje dœ ɔgbɔ adœke endje papa o'o tœ upu nœ œne fœ uzu bale nene.

Matie 12:18

Tshe pa lima adœke: «Wu ayi akwa nœ mœ á mœ ke she dœke, mœ yindœ ye waa yé mœ sœ dœ yanga mbœrœ she. Mœ vwa Ɨshirɨ nœ mœ kœjerœ ga pa ye, yé tshe yisœ ɔtshɔ awa fœ azu tshapashɔ kɔ.