Zakarii 9:17 - Mbeti ti Nzapa - Tënë so amu fini

¹⁷ So nzoni dutingo na ala ande! So pendere na ala! Fade ale ti *ble ayeke mu ngangu na amaseka-koli, fini vin ayeke mu ngangu na amaseka-wali.

Zakarii 9:17 Referans Kwoze

Ésaïe 33:17

Fade le ti mo ayeke baa gbia na ya ti pendere ti lo, mo yeke baa kota le ti sese ni kue.

B. ti abia 7:9

Mbi tene: “Fade mbi yeke ko na ndö ti keke ti mburu, mbi yeke ro ale ti mburu ni.” Ayeke nzoni ame ti mo aduti ndali ti mbi tongana gba ti ale ti vinye si fungo ti pupu ti hon ti mo afun pendere tongana anzoni le ti keke.

B. ti abia 5:10

Kamba ti be ti mbi, lo pendere mingi, lo be bengo; akoli saki baleoko alingbi na lo pepe.

Abia (Psaumes) 90:17

Kota Gbia, Nzapa ti e, sara si nzoni be ti mo aduti na ndö ti e! Sara si peko ti kua ti maboko ti e aga nzoni. Biani, sara si peko ti kua ti maboko ti e aga nzoni.

Abia (Psaumes) 50:2

Na *Sion, pendere gbata, Nzapa alondo kâ asigigi tongana lâ, lâ so aza amu ndo kue so.

Abia (Psaumes) 45:2

Be ti mbi asi singo na anzoni tënë ti tenengo ni; mbi yeke he nzoni bia ti mbi na gbia. Ayeke nzoni yanga ti mbi ayapu na bia ni tongana keke ti mbeti ti zo so ahinga ti su mbeti nzoni.

Abia (Psaumes) 36:7

Mbirimbiri ti mo ayeke kota mingi ahon akota hoto; fango ngbanga ti mo alinda mingi tongana kota ngu-ingo. KOTA GBIA, mo yeke soo azo na anyama.

Abia (Psaumes) 31:19

Ayeke nzoni ala ga abuburu, azo ti tenengo mvene so. Ala yeke tene atënë ti baba, ala yeke zonga zo ti mbirimbiri si ala yeke baa lo tongana mbumbuse zo.

Sigingo 15:11

KOTA GBIA, na popo ti anzapa, lo so wa laa ayeke tongana mo? Zo wa laa alingbi na gonda, lo yeke nde si lo yeke nzoni kue tongana mo? Zo wa laa alingbi ti sara akota ye tongana mo? Zo wa laa alingbi ti sara aye ti kpene tongana mo?

Rome 5:20

Ndia aga ti sara si sioni awu mingi; me ndo so siokpari awu daa mingi, nzoni be ti Nzapa awu ahon ndoni.

Rome 5:8

Me Nzapa afa ndoye ti lo na e na lege so: na ngoi so e ngba lani azo ti siokpari, Christ akui ndali ti e.

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Joël 2:26

Fade ala yeke te kobe, ya ti ala asi, ala yeke sepela KOTA GBIA, Nzapa ti ala, lo so lo sara akota ye ndali ti ala so. Kamene ayeke kiri ti gbu le ti azo ti mbi laoko pepe.

Jérémie 31:12

Fade ala yeke ga, ala yeke dekongo na ngia na ndö ti hoto ti *Sion; yanga ti ala ayeke na ngia ti wara anzoni ye so KOTA GBIA ayeke mu na ala: ble, fini vin, mafuta, ataba, angasa na abagara. Fini ti ala ayeke duti tongana yaka so a tuku ngu daa; ala yeke kiri ti woko pepe.

Ésaïe 63:15

*KOTA GBIA, na yayu kâ, zi le ti mo, mo baa ndo. Na pendere ndo ti mo so ayeke nde si ayeke nzoni kue, baa ye so asi na e: ndoye so ayeke gbi be ti mo tongana wâ ndali ti e, ayeke na ndo wa? Ngangu ti mo ayeke na ndo wa? Mo ke ti baa mawa ti e, mo ke ti sara nzoni be na e awe?

Ésaïe 63:7

Fade mbi yeke dabe ti azo na nzoni be ti *KOTA GBIA, mbi yeke fa nda ni so azo alingbi ti sepela lo: anzoni ye so kue lo sara na e, akota nzoni ye so lo sara na azo ti Israel, aye so kue lo sara na lege ti ndoye, na lege ti kota nzoni be ti lo.

Abia (Psaumes) 145:7

Fade azo ayeke tene tënë ti dabe ti ala na gba ti anzoni ye so mo sara, ala yeke dekongo na tënë ti mbirimbiri ti mo!

Abia (Psaumes) 86:15

Me mo Kota Gbia, mo yeke Nzapa so mo yeke baa mawa ti zo si mo yeke sara nzoni be na zo; mo yeke sara ngonzo hio hio pepe, nzoni be ti mo asi singo si mo yeke bata tënë ti yanga ti mo lakue.

Abia (Psaumes) 86:5

Kota Gbia, mo yeke nzoni, mo yeke zi tënë na li ti zo, mo yeke sara nzoni be mingi na azo so kue ayeke iri mo.

Abia (Psaumes) 27:4

Mbi hunda gi ye oko na KOTA GBIA, ye so be ti mbi aye mingi ayeke so: mbi ye ti duti na ya ti kota da ti lo, mbi ye ti duti kâ na lango ti fini ti mbi kue ti ngba ti baa pendere ti lo lakue. Kâ, mbi yeke ku titene lo kiri tënë na mbi.

Jérémie 31:14

Mbi yeke mu na awayango-sandaga gba ti kasa ti mafuta, mbi yeke sara si aye ti nzoni asi singo na azo ti mbi; so tënë ti yanga ti KOTA GBIA laa.

Abia (Psaumes) 144:12

Ayeke nzoni amolenge ti e ti koli akono nzoni na ya ti maseka ti ala tongana akeke so akono nzoni! Amolenge ti e ti wali aga tongana angbongboro têne so a sara ni na kode si ayeke sara pendere ti ya ti yangbo ti agbia!