Zakarii 9:15 - Mbeti ti Nzapa - Tënë so amu fini

¹⁵ Fade KOTA GBIA so ayeke na ndö ti dunia kue ayeke bata azo ti lo. Azo ti lo ni ayeke kinda awato ti ala tongana ti so zo ayeke zia têne na ya ti *mvingi ti bi ni; ala yeke nyon mene ti awato ti ala tongana ti so zo ayeke nyon vin; mene ni ayeke si ya ti ala tongana mene ti anyama so a tuku na ya ti kopo si a yeke fi na ndö ti adidi osio ti gbalaka.

Zakarii 9:15 Referans Kwoze

Zakarii 12:6

Na lango ni so, fade mbi yeke sara titene amakonzi ti Juda aduti tongana mbeni kota le ti wâ na ya ti gbako, wala tongana mbeni *tanda so a zia wâ daa na gbe ti gba ti ale ti kobe. Fade ale ti wâ ni ayeke te mbage na mbage kue amara so kue angoro ala. Me azo ti Jérusalem ayeke ngba ti duti gi na ya ti gbata ti ala.”

Zakarii 10:7

Azo ti mara ti Efraim ayeke duti na ngangu tongana angangu zo ti bira; be ti ala ayeke si singo na ngia tongana ti zo so anyon vin. Na bango ala, tere ti amolenge ti ala ayeke nzere si ala yeke dodo na ngia ndali ti KOTA GBIA.

Zakarii 12:8

Na lango ni so, fade KOTA GBIA ayeke bata azo ti Jérusalem: azo so ayeke na popo ti ala si ayeke na ngangu pepe, ala yeke ga azo ti ngangu tongana David. Ahale ti David ayeke duti na le ti azo ni tongana Nzapa, tongana *ange ti KOTA GBIA so ayeke tambula na dawa ti ala.

Zakarii 10:5

Amakonzi ni ayeke duti tongana angangu zo ti bira; ala yeke do azo so ayeke tiri bira na ala tongana ti so zo ayeke do potopoto ti ndö ti lege. Ala yeke tiri bira ni tongaso, ngbanga ti so mbi KOTA GBIA, mbi yeke na ala. Fade kamene ayeke gbu le ti azo ti kpengo na mbarata so ayeke awato ti ala.

Sigingo 27:2

Ala yeke sara adidi na andangoro osio ti gbalaka ni, adidi ni na gbalaka ni ayeke bongbi kue ti ga gi ye oko. Ala yeke zia bengba wen na tere ni kue.

Abia (Psaumes) 78:65

Na pekoni, KOTA GBIA azingo na lango tongana zo so azingo na lango, tongana ngangu zo ti bira so samba ayapu lo.

Awayango-sandaga 4:25

Wayango-sandaga ayeke yoro li ti maboko ti lo na ya ti mene ti koli-ngasa ni si lo yeke zia na tere ti adidi ti gbalaka so a yeke ya na ndö ni sandaga so a yeke gbi ni kue na wâ. Na pekoni, lo yeke tuku tanga ti mene ni na gere ti gbalaka ni.

Awayango-sandaga 4:18

Lo yeke zia nga mene ni na tere ti adidi ti gbalaka, na dawa ti KOTA GBIA na ya ti da ti bongo so KOTA GBIA na azo ti lo ayeke wara tere daa. Na pekoni, lo yeke tuku tanga ti mene ni na gere ti gbalaka so a yeke ya na ndö ni sandaga so a yeke gbi ni kue na wâ si ayeke na dawa ti da ti bongo so KOTA GBIA na azo ti lo ayeke wara tere daa.

Efeze 5:18

Ala nyon samba ahon ndö ti ala pepe: nyongo samba ahon ndoni ayeke buba gigi ti ala; me ala zia lege na Yingo-Vuru ti si ala singo.

1 Korente 1:18

Biani, tënë ti keke ti kroa so e yeke fa ayeke buba tënë na le ti azo so ayeke mu lege ti kuâ; me ti e so e yeke soo kuâ, tënë ni ayeke ngangu ti Nzapa.

Zakarii 14:20

Na lango ni so, ye so a kanga na go ti ambarata si ayeke toto so, fade a yeke su mbeti na ndö ni, atene: “Ye so a zia nde ndali ti KOTA GBIA”. Atawa ti ya ti kota da ti KOTA GBIA, fade ayeke ga tongana kopo na dawa ti gbalaka, kopo so a yeke zia mene daa ti fi na tere ti aye.

Zakarii 9:17

So nzoni dutingo na ala ande! So pendere na ala! Fade ale ti *ble ayeke mu ngangu na amaseka-koli, fini vin ayeke mu ngangu na amaseka-wali.

Mishe 5:8

“Sara bira na awato ti mo, mo fâ ala kue!”

Ésaïe 55:1

Ala so kue nzara ti ngu asara ala, baa ngu laa, ala ga! Ataa ala yeke na nginza pepe, ala ga! Ala mu kobe, ala te; ala mu vin, ala mu ngu ti me ti bagara senge senge, ala yeke vo ni vongo pepe.

Ésaïe 37:35

Fade mbi yeke bata gbata so si mbi yeke soo ni ndali ti mbi nga ndali ti David, zo ti kua ti mbi.”

B. ti abia 7:9

Mbi tene: “Fade mbi yeke ko na ndö ti keke ti mburu, mbi yeke ro ale ti mburu ni.” Ayeke nzoni ame ti mo aduti ndali ti mbi tongana gba ti ale ti vinye si fungo ti pupu ti hon ti mo afun pendere tongana anzoni le ti keke.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

B. ti abia 1:4

Gbu maboko ti mbi, e kpe loro. Gbia ti mbi, gue na mbi na ya ti kubu ti mo, e sara si tere ti e anzere, e sara si e duti na ngia ndali ti mo. Ngia so mo sara na tere ti mbi so, e gonda ni ahon vin. Taa-tënë, amaseka-wali aye mo na legeni.

1 Samuel 17:45

David atene na zo ti Filistii ni: “Mo mu yongoro zeme na likongo nga na kota likongo ti ga ti tiri na mbi. Ti mbi, mbi yeke ga ti tiri na mo na iri ti KOTA GBIA so ngangu ti lo ahon angangu kue, Nzapa ti aturugu ti Israel so mo gi yanga ti lo so.

Awayango-sandaga 4:7

Lo yeke zia nga mene ni na tere ti adidi ti gbalaka, na ndo so a yeke zö dukani daa na dawa ti KOTA GBIA na ya ti da ti bongo so KOTA GBIA na azo ti lo ayeke wara tere daa. Na pekoni, lo yeke tuku tanga ti mene ni na gere ti gbalaka so a yeke ya na ndö ni sandaga so a yeke gbi ni kue na wâ si ayeke na dawa ti da ti bongo so KOTA GBIA na azo ti lo ayeke wara tere daa.

Zakarii 14:3

Na pekoni, fade KOTA GBIA ayeke londo ti tiri bira na amara so; lo yeke tiri na ala tongana ti so lo yeke sara lakue na ngoi ti bira.

Zakarii 2:9

So tënë ti yanga ti *KOTA GBIA laa: ‘Ti mbi, fade mbi yeke duti daa; mbi yeke duti tongana ngangu gbagba ti wâ na tere ti gbata ni kue. Taa gi na ya ti gbata ni, mbi laa mbi yeke sara gonda ni.’ ”