Zakarii 8:19 - Mbeti ti Nzapa - Tënë so amu fini

¹⁹ Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”

Zakarii 8:19 Referans Kwoze

Jérémie 39:2

Na lango gumbaya ti nze osio ni ti ngu baleoko na oko ni, azo ti Babilone akoro mbeni du na ya ti gbagba ti gbata ni.

Zakarii 8:16

Aye so alingbi ala sara ni ayeke so: Zo oko oko atene taa-tënë na mba ti lo; na ya ti afango ngbanga ti ala, ala fâ ngbanga na lege ti taa-tënë si siriri aga.

Zakarii 7:5

Mo tene na azo ti kodro ni kue nga na awayango-sandaga, mo tene: “Asara laso ngu balembarambara awe so ala yeke ke kobe si ala yeke toto na nze oku ni nga na nze mbarambara ni; ala sara aye ni so ndali ti mbi?

Zakarii 7:3

ti hunda tënë so na awayango-sandaga so ayeke sara kua na ya ti kota da ti KOTA GBIA so ayeke na ndö ti dunia kue nga na awayanga-Nzapa; hundango tënë ni ayeke so: “Alingbi e ngba ti toto, ti ke kobe na nze oku ni ti sambela tongana ti so e sara na ya ti angu mingi so ahon so?”

Jérémie 52:4

Na nze baleoko ni ti ngu gumbaya ni so Sedesias ayeke le-gbia, Nabukodonosor, gbia ti Babilone, lo na aturugu ti lo kue aga ti sara bira na Jérusalem. Lo sara bâbâ ti lo na tere ti gbata ni; azo ti lo abongbi sese aga *koto na tere ti gbagba ti gbata ni, angoro ni kue.

2 Agbia 25:25

Me na nze mbarambara ni, Ismael, molenge ti Netania, molenge ti Elishama amu azo baleoko na peko ti lo si ala ga na tere ti Gedalia na gbata ti Mispa. Ismael ayeke zo ti sewa ti gbia. Lo na azo baleoko so ayeke na peko ti lo apika Gedalia si lo kui; ala fâ nga azo ti Juda na azo ti Babilone so ayeke na tere ti lo na Mispa.

Abia (Psaumes) 30:11

KOTA GBIA, ma mbi, baa mawa ti mbi! KOTA GBIA, mu maboko na mbi!”

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Esther 9:22

Na ya ti alango ni so laa azuife awara lege ti wu pupu na maboko ti awato ti ala; na ya ti nze so laa vundu ti ala aga ngia si mawa ti ala aga lango ti matanga. Alango ni so aga alango so ala yeke sara matanga ti tengo kobe, ala yeke sara ngia; ala yeke tokua kobe na amba ti ala na popo ti ala si ala yeke mu aye na azo ti mawa.

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!

Ésaïe 51:11

Azo so KOTA GBIA azi ala, fade ala yeke kiri; ala yeke dekongo na ngia si ala yeke linda na ni na *Sion. Ngia so angba lakue lakue ayeke za na ndö ti le ti ala, nzerengo tere so asi singo ayeke duti na ala, pasi na demango tere ayeke kpe ti hon.

Esther 8:17

Na kodro-sese oko oko wala na ya ti gbata oko oko so ndia ni wala mbela ni asi daa, be ti azuife kue asi singo na ngia, ala yeke dodo na ngia si ala yeke sara amatanga gbani gbani. Azo mingi ti ambeni kodro so abaa aye ni tongaso, kota mbeto agbu ala sara tere ti ala tongana azuife.

Jérémie 36:6

Me ti mo, mo yeke gue ande kâ na mbeni lango ti kengo kobe. Fade mo yeke diko na mê ti azo so kue ayeke na ya ti kota da ti Nzapa, atënë ti KOTA GBIA so asigigi na yanga ti mbi si mo su na le ti rulo so. Mo yeke diko nga ni na mê ti azo ti Juda so kue alondo na ya ti agbata ti Juda si aga.

Zakarii 8:3

Tënë so KOTA GBIA atene ayeke so: Fade mbi yeke kiri ti ga na Sion, mbi yeke kiri ti duti taa na Jérusalem. Fade a yeke mu mbeni iri na Jérusalem, atene: ‘Gbata so abata tënë ti yanga ti Nzapa’ si a yeke mu nga iri na hoto ti KOTA GBIA so ayeke na ndö ti dunia kue, atene: ‘Hoto so ayeke nde si ayeke nzoni kue’.

Zakarii 8:18

Tënë ti *KOTA GBIA so ayeke na ndö ti dunia kue asi na mbi, atene:

2 Agbia 25:1

Na nze baleoko ni ti ngu gumbaya ni so Sedesias ayeke le-gbia, Nabukodonosor, gbia ti Babilone, lo na aturugu ti lo kue aga ti sara bira na Jérusalem. Lo sara bâbâ ti lo na tere ti gbata ni; lo na azo ti lo abongbi sese aga koto na tere ti gbagba ti gbata ni, angoro ni kue.

Abia (Psaumes) 34:15

Mo ke lege ti sioni ye, mo sara nzoni ye; mo gi lege ti siriri, mo ngba daa.

Ezekiel 18:8

Tongana lo sara boon ti nginza na mbeni zo, lo yeke hunda mbeni nginza na ndö ni pepe, lo yeke gi ti wara ye na peko ni pepe; lo yeke yoro tere ti lo na ya ti ye ti kirikiri pepe, lo yeke fâ ya ti ngbanga na legeni.

Ezekiel 24:1

Na lango baleoko ti nze baleoko ti ngu gumbaya ni so a gbu azo, a gue na ala na kodro wande, tënë ti *KOTA GBIA asi na mbi, atene: