Zakarii 8:17 - Mbeti ti Nzapa - Tënë so amu fini

¹⁷ Ayeke nzoni ala gbu li ti ala pepe ti sara sioni na popo ti ala. Ala ke tënë ti dengo ba ti mvene, ngbanga ti so mbi ke aye so kue”; so tënë ti yanga ti KOTA GBIA laa.

Zakarii 8:17 Referans Kwoze

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Habakuk 1:13

Le ti mo alingbi na bango asioni ye pepe, ngangu so zo ayeke sara na mba ti lo, mo lingbi ti yeda ti baa ni pepe. Azo so ayeke ka amba ti ala so, mo lingbi ti yeda ti baa ala? So azo ti sioni ayeke buba azo so ayeke mbirimbiri ahon ala so, mo ke ti zi yanga ti mo daa ngbanga ti nyen?

Jérémie 44:4

Mbi mu ngoi ti mbi kue ti tokua na ala na peko ti tere, na peko ti tere, azo ti kua ti mbi so ayeke awayanga-Nzapa ti tene na ala: ‘Be ti mbi ake asioni sarango ye so zo alingbi ti baa na le ti lo fani use pepe so; ala sara ni pepe!

Jérémie 4:14

“Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Amato 3:29

Mba ti mo so aduti nduru na mo si lo zia be ti lo na ndö ti mo so, mo gbu li ti mo ti sara sioni na lo pepe.

Abia (Psaumes) 10:3

Zo ti sioni ni apika kate ti lo ndali ti aye so nzara ni ayeke na be ti lo; so lo wara aye ni awe, lo zonga KOTA GBIA, lo he lo na ngia.

Matthieu 15:19

Biani, aye tongana asioni tënë ti be ti zo, fango zo, gingo wali wala koli ti zo, sarango aye ti ndumba, nzi, tenengo mvene na le ti ngbanga na zongango ndo, alondo kue na be ti zo si asigigi.

Matthieu 12:35

Nzoni zo ayeke sigigi na anzoni ye so ayeke na be ti lo; sioni zo ayeke sigigi na asioni ye so ayeke na be ti lo.

Matthieu 5:28

Ti mbi, mbi tene na ala: zo so abaa wali ti mba ti lo si asara nzara ti wali ni, andaa na be ti lo, lo gi wali ni awe.

Zakarii 7:10

Ala sara mbana pepe na awali-mua nga na anyindu, wala na agene nga na azo ti mawa. Ayeke nzoni zo agbu li ti lo pepe ti sara sioni na mba ti lo.”

Jérémie 4:2

Tongana mo deba yanga ti mo na lege ti taa-tënë nga na lege ti tënë so ayeke na legeni si ayeke mbirimbiri, mo tene: ‘KOTA GBIA ayeke na fini’, fade amara nde ayeke sara tufa na ndö ti ala wani na lege ti lo si ala yeke pika kate ti ala ndali ni.

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Amato 6:14

Gi atënë ti kirikiri laa ayeke na be ti lo; lo yeke gbu li ti lo lakue ti sara sioni ye; lo yeke bi tënë ti papa na popo ti azo.

Zakarii 8:18

Tënë ti *KOTA GBIA so ayeke na ndö ti dunia kue asi na mbi, atene:

Abia (Psaumes) 101:3

Fade mbi yeke zia le ti mbi angba na ndö ti ye ti sioni pepe. Be ti mbi ake sarango ye ti azo so ake mo, ngbanga ti mbi ayeke na sarango ye ti ala ni pepe.