Zakarii 7:2 - Mbeti ti Nzapa - Tënë so amu fini

² Azo ti gbata ti Betel atokua lani Sareser, lo na Regem-Melek nga na ambeni zo na tere ti ala titene ala gue na ya ti kota da ti KOTA GBIA. A tokua ala ti voro tere ti ala na KOTA GBIA ti sara si be ti lo ade,

Zakarii 7:2 Referans Kwoze

Zakarii 8:21

Fade azo ti mbeni gbata ayeke tene na azo ti mbeni gbata nde, atene: ‘Ala ga, e gue, e voro KOTA GBIA, e gi le ti KOTA GBIA so ayeke na ndö ti dunia kue.’ Fade azo ni ayeke kiri tënë: ‘E nga, e yeke gue!’

Jérémie 26:19

Gbia Ezekias na azo ti Juda afâ wayanga-Nzapa Mishe ndali ni? Oko pepe, me ala kpe mbeto ti KOTA GBIA, nilaa ala sara kue ti de be ti lo. Tongaso, sioni kpale so KOTA GBIA atene tënë ti tokuango ni na ndö ti ala, lo zia lege ni. Ti e, tongana e fâ ngbanga fadeso na li ti koli so, andaa e sara sioni mingi na e wani.”

1 Agbia 13:6

Gbia amu tënë si lo tene na zo ti Nzapa so, lo tene: “Mbi gbu gere ti mo, mo toto na KOTA GBIA, Nzapa ti mo titene ngonzo ti lo ade. Mo sambela lo ndali ti mbi titene mbi kiri na maboko ti mbi na tere ti mbi.” Zo ti Nzapa so asambela si ngonzo ti KOTA GBIA ade; gbia akiri na maboko ti lo na tere ti lo tongana ti kozoni.

1 Samuel 13:12

Tongaso, mbi tene na be ti mbi, mbi tene: Azo ti Filistii ayeke ga fadeso na Gilgal ti gbu mbi; me ade mbi sara ye ti zia ngia na be ti KOTA GBIA pepe! Ndani laa mbi kanga be ti mbi si mbi wani, mbi mu na Nzapa sandaga so a yeke gbi ni kue na wâ.”

Zakarii 6:10

“Azo so a gbu ala si a gue na ala na kodro wande amu aye na Heldai, Tobia nga na Yedaya si ala ga na ni. Mo wani, mo gue laso na da ti Yosia, molenge ti Sefania, fade mo yeke wara azo ni kâ; ala londo na Babilone, ala si fafadeso. Mo gue, mo mu aye ni na maboko ti ala.

Ésaïe 60:7

Angasa na ataba ti Kedar ayeke bongbi na ndo ti mo. Akoli-taba ti Nebayot ayeke ga ye ti kua ti mo. A yeke zia ala na ndö ti gbalaka ti KOTA GBIA, *sandaga tongaso laa ayeke nzere na lo. Sandaga ni ayeke mu nengo na kota da ti lo.

Esdras 6:10

Tongaso si fade awayango-sandaga ni ayeke ya na Nzapa ti yayu asandaga so fion ni anzere na lo, ala yeke sambela ndali ti fini ti gbia na ti amolenge ti lo.

Sigingo 32:11

Me Moïse avoro tere ti lo na KOTA GBIA, Nzapa ti lo, atene: “KOTA GBIA, azo ti mo so, na lege ti kota ngangu ti mo nga na lege ti ngangu ti maboko ti mo, mo sara si ala sigigi na kodro ti Ezipte so, ngbanga ti nyen si mo ye ti tuku ngonzo ti mo ti wâ na ndö ti ala?

Esdras 2:28

akoli ti kodro ti Betel na ti Ai ayeke 223;