Zakarii 6:14 - Mbeti ti Nzapa - Tënë so amu fini

¹⁴ ‘Ti kpoto ti gbia ni, fade ayeke ngba na ya ti kota da ti KOTA GBIA titene azo adabe ti ala na Heldai, Tobia nga na Yedaya; ala dabe ti ala nga na nzoni be ti molenge ti Sefania.’ ”

Zakarii 6:14 Referans Kwoze

Marc 14:9

Mbi tene na ala taa-tënë: na ndo so kue azo ayeke fa ande Nzoni Tënë daa, na ndö ti dunia kue, azo ayeke fa tënë ti ye so wali so asara si azo adabe ti ala na lo.”

Matthieu 26:13

Mbi tene na ala taa-tënë: na ndo so kue a yeke fa ande Nzoni Tënë so daa, na ndö ti dunia kue, azo ayeke fa tënë ti ye so wali so asara si azo ayeke dabe ti ala na lo.”

Sigingo 12:14

“Fade lango ni so ayeke duti lango ti dango be. Ala yeke sara kota matanga ndali ti mbi, KOTA GBIA: matanga ni ayeke duti mbeni ndia so ayeke ngba ngu na ngu ndali ti *ahale ti ala ti angoi kue.”

Awatokua 10:4

Le ti Corneille angba gi na ndö ti ange ni; mbeto asara lo si lo tene: “Nyen, *Kota Gbia?” Ange ni akiri tënë na lo: “Asambela ti mo na aye ti nzoni so mo sara na azo ti mawa so, Nzapa aye tënë ni, be ti lo agirisa na ni pepe.

Zakarii 6:10

“Azo so a gbu ala si a gue na ala na kodro wande amu aye na Heldai, Tobia nga na Yedaya si ala ga na ni. Mo wani, mo gue laso na da ti Yosia, molenge ti Sefania, fade mo yeke wara azo ni kâ; ala londo na Babilone, ala si fafadeso. Mo gue, mo mu aye ni na maboko ti ala.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.

Josué 4:7

Fade ala kiri tënë na ala, atene: ‘Ya ti ngu ti Jourdain akangbi use na ndembe so sanduku ti mbuki ti KOTA GBIA ayeke hon lani na ya ni. Na ndembe so sanduku ti mbuki ni ayeke hon na ya ti ngu ni, ya ti ngu ni akangbi use. Atêne so ayeke ga ande ye ti dango be ndali ti azo ti Israel kpu na kpu.’ ”

Wungo ti azo 31:54

Moïse na Elazar amu na maboko ti amakonzi so ayeke na li ti aturugu saki oko nga na ala so ayeke na li ti aturugu ngbangbo oko aye ti lôro ni kue, ala zia ni na ya ti da ti bongo so KOTA GBIA na azo ti lo ayeke wara tere daa, titene KOTA GBIA adabe ti lo na azo ti Israel.

Sigingo 28:29

“Tongaso, tongana Aaron ayeke li na ya ti da so ayeke nde si ayeke nzoni kue, fade lo yeke yu bozo ti fango ngbanga so na kate ti lo. A su iri ti amara baleoko na use ti Israel na ndö ti bozo ni. Na lege so, fade mbi KOTA GBIA, mbi yeke dabe ti mbi na ala lakue.

Sigingo 28:12

Mo yeke zia atêne use so na tere ti akamba ti ndö ti go ti efod ni. Atêne ni ayeke ga mbeni ye ti dango be ndali ti amara baleoko na use ti Israel. Tongaso, fade Aaron ayeke yo na ndö ti go ti lo iri ti ala ti gue na ni na dawa ti mbi KOTA GBIA. Ti mbi KOTA GBIA, mbi yeke dabe ti mbi na ala lakue.

2 Agbia 25:18

Makonzi ti aturugu ti batango gbia agbu Seraya, kota wayango-sandaga, lo na Sefania, use wayango-sandaga nga na awayango-sandaga ota so ayeke bata yanga ti kota da ti Nzapa.

Zakarii 6:11

Fade mo mu wen ti nginza na lôro, mo leke na kpoto ti gbia, mo zia na li ti kota wayango-sandaga, Yeshua, molenge ti Yosadak.