Zakarii 6:11 - Mbeti ti Nzapa - Tënë so amu fini

¹¹ Fade mo mu wen ti nginza na lôro, mo leke na kpoto ti gbia, mo zia na li ti kota wayango-sandaga, Yeshua, molenge ti Yosadak.

Zakarii 6:11 Referans Kwoze

Zakarii 3:1

Na pekoni, na ya ti mbeni ye tongana bango-li, *KOTA GBIA asara si mbi baa kota wayango-sandaga Yeshua. Lo yeke luti na dawa ti *ange ti KOTA GBIA. Andaa Satan ayeke luti na mbage ti maboko ti lo ti koli, ti bi tënë na li ti lo.

Abia (Psaumes) 21:3

Mo mu na lo ye so be ti lo aye; ye so lo hunda na mo, mo gbanzi ni na lo pepe. Luti kete

B. ti abia 3:11

Ala amaseka-wali ti Sion, ala ga, abaa gbia Salomon. Lo yu kpoto ti gbia so mama ti lo amu na lo na lango ti mungo wali ti lo. Na lango ni so be ti lo asi singo na ngia.

Aye so Nzapa afa 19:12

Le ti lo ti bango na ndo ayeke za tongana menga ti wâ, akpoto mingi ti gbia ayeke na li ti lo. A su mbeni iri na tere ti lo so zo oko ahinga nda ni pepe, me gi lo oko.

Zakarii 3:5

Ange ni akiri atene: Ala kanga na li ti Yeshua mbeni nzoni bongo. Azo ni akanga na li ti lo nzoni bongo ni si na dawa ti ange ni, ala yu na lo bongo.

Aggée 1:1

Na ngu use ni so Darius ayeke gbia, na lango oko ti nze omene ni, tënë ti *KOTA GBIA asi na wayanga-Nzapa Aggée titene lo tene peko ni na Zorobabel, govoronere ti sese ti Juda, molenge ti Shealtiel. Lo tene nga peko ti tënë ni na kota wayango-sandaga Yeshua, molenge ti Yosadak.

Awayango-sandaga 8:9

Moïse azia na li ti lo bongo so a yeke kanga na li tongana kpoto. Na dawa ti kpoto ni, lo zia palata so a sara na lôro si akpa kongo ti fa atene, zo so a zia lo nde ndali ti Nzapa, alingbi na yanga so KOTA GBIA amu na Moïse.

Sigingo 39:30

Na pekoni, ala mu lôro ti nzoni ni, ala sara na mbeni palata so akpa kongo; ala kpaka na ndö ni mbeni tënë tongaso: “Ye so a zia nde ndali ti KOTA GBIA.” Ala kpaka ni tongana ti so a yeke kpaka iri na ndö ti têne.

Ahebro 2:9

Me ye so e baa ni ayeke so: Nzapa akiri na Jésus na gbe ti a-ange ndali ti kete ngoi. Na lege ti nzoni be ti Nzapa, Jésus akui ndali ti azo kue, nilaa Nzapa asara si azo agonda lo mingi si ane lo ndali ti kuâ so lo kui.

Aggée 1:14

KOTA GBIA amu ngangu na be ti Zorobabel, govoronere ti sese ti Juda, molenge ti Shealtiel; lo mu nga ngangu na be ti kota wayango-sandaga Yeshua, molenge ti Yosadak nga na tanga ti azo ti kodro ni. Ala ga si ala to nda ti sara kua ti kota da ti KOTA GBIA, Nzapa ti ala so ayeke na ndö ti dunia kue.

Aggée 2:4

Ti fadeso, Zorobabel, gbu ngangu! So tënë ti yanga ti KOTA GBIA laa. Yeshua, kota wayango-sandaga, molenge ti Yosadak, gbu ngangu! Ala azo ti kodro ni kue, ala gbu ngangu! So tënë ti yanga ti KOTA GBIA laa. Ala kue alondo, asara kua! Biani, mbi yeke na ala! So tënë ti yanga ti KOTA GBIA so ayeke na ndö ti dunia kue laa.

Esdras 3:2

Yeshua, molenge ti Yosadak, lo na amba ti lo awayango-sandaga, na Zorobabel, molenge ti Shealtiel, lo na a-ita ti lo alondo ti sara gbalaka ti Nzapa ti Israel. Ala ye ti ya asandaga so a yeke gbi ni kue na wâ na ndö ni alingbi na tënë so a su na ya ti *Ndia ti Moïse, zo ti Nzapa.

Sigingo 29:6

Mo yeke zia na li ti lo bongo so a yeke kanga na li tongana kpoto, mo yeke zia palata na ndö ti kpoto ni ti fa atene, a zia lo nde ndali ti Nzapa.

Aye so Nzapa afa 6:2

Mbi baa ndo si mbi baa mbeni vuru mbarata. Zo so aduti na ndö ti lo agbu kokora na maboko ti lo; a mu na lo mbeni kpoto ti gbia, lo gue tongana walombe so ahon ndö ti azo na bira awe titene lo kiri lo hon ndö ti azo na bira.

2 Samuel 12:30

David azi kpoto so ayeke na li ti nzapa ti azo ti Amon, so iri ti lo ayeke Milkom. A leke kpoto ni na lôro so nengo ni alingbi na kilo baleota; mbeni têne ti ngangu ngere ayeke na tere ni. A zia têne ni na tere ti kpoto ti gbia David. Aye so lo gbu na peko ti bira na ya ti gbata ni si lo gue na ni ayeke mingi.

Esdras 10:18

Na popo ti awayango-sandaga, akoli so amu awali so ayeke awande, ayeke so: ambeni koli ti kete mara ti Yeshua na a-ita ti lo, amolenge ti Yosadak: akoli ni ayeke Maaseya, Eliezer, Yarib na Gedalia.

Zakarii 6:14

‘Ti kpoto ti gbia ni, fade ayeke ngba na ya ti kota da ti KOTA GBIA titene azo adabe ti ala na Heldai, Tobia nga na Yedaya; ala dabe ti ala nga na nzoni be ti molenge ti Sefania.’ ”