Zakarii 6:10 - Mbeti ti Nzapa - Tënë so amu fini

¹⁰ “Azo so a gbu ala si a gue na ala na kodro wande amu aye na Heldai, Tobia nga na Yedaya si ala ga na ni. Mo wani, mo gue laso na da ti Yosia, molenge ti Sefania, fade mo yeke wara azo ni kâ; ala londo na Babilone, ala si fafadeso. Mo gue, mo mu aye ni na maboko ti ala.

Zakarii 6:10 Referans Kwoze

Awatokua 24:17

“Asara ngu mingi so mbi si na Jérusalem pepe, nilaa mbi ga na nginza ti mu maboko na azo ti mara ti mbi; mbi ga nga ti mu *sandaga na Nzapa.

Jérémie 28:6

lo tene: “Amen! Ayeke nzoni KOTA GBIA asara tongana ti so mo tene so! Ayeke nzoni KOTA GBIA asara ye alingbi gi na atënë so mo fa peko ni so: akungba ti ya ti kota da ti Nzapa na azo so kue a gbu ala si a gue na ala na Babilone, ayeke nzoni a kiri na ala na ndo so.

Ésaïe 66:20

Tongaso, azo ti amara ni ayeke mu a-ita ti ala, azo ti Israel kue ti kiri na ala: amara ni ayeke ga na a-ita ti ala ni na ndö ti mbarata, na ya ti apusu, na ya ti apusu ti mbarata so a sara da na ndö ni, na ndö ti *apâkârâ, na ndö ti *azambala ngbii ala si na Jérusalem, na ndö ti hoto ti mbi so ayeke nde si ayeke nzoni kue. Ye ni ayeke duti tongana *sandaga ti ala so ala mu na mbi. Mbi yeke yeda na ni tongana sandaga so azo ti Israel ayeke zia na ya ti sembe so ayeke *nzoni si ala yeke ga na ni na ya ti kota da ti mbi. Tënë so mbi KOTA GBIA, mbi tene laa.

2 Agbia 25:18

Makonzi ti aturugu ti batango gbia agbu Seraya, kota wayango-sandaga, lo na Sefania, use wayango-sandaga nga na awayango-sandaga ota so ayeke bata yanga ti kota da ti Nzapa.