Zakarii 5:9 - Mbeti ti Nzapa - Tënë so amu fini

⁹ Mbi yo le ti mbi na nduzu si na ya ti mbeni ye tongana bango-li, mbi baa awali use so ayeke ga. Amaboko ti ala ayeke daa tongana *kpangi ti kota ndeke. Pupu ayeke ya na ya ti kpangi ti ala si amu ala ahon na ala na le ti nduzu. Awali ni ayo sakpa ni ahon na ni na le ti nduzu, na popo ti sese na yayu.

Zakarii 5:9 Referans Kwoze

Osée 8:1

Ala azo, ala huru didi: sioni ye ayeke ga! Awato ayeke ti na ndö ti azo ti KOTA GBIA tongana *ngoalo, ngbanga ti so ala buba ya ti tënë ti mbuki ti mbi, ala sara ngangu li na ndia ti mbi.

Ndia ti fani use ni 28:49

KOTA GBIA ayeke tokua na ndö ti ala mbeni mara so alondo na yongoro ndo, na nda ti sese; mbeni mara so ayeke huru ti ti na ndö ti ala tongana *ngoalo, mara so ala ma yanga ti kodro ti lo pepe.

Awayango-sandaga 11:19

sigonye, na mara ti aheron nde nde, hipe nga na nyama ti ngia.

Matthieu 24:28

Ndo so akuâ ayeke daa, ndo so laa *angoalo ayeke bongbi tere ti ala daa.”

Awayango-sandaga 11:13

“Na popo ti andeke, ala so ala lingbi ti baa ala tongana ye ti sioni mingi si ala lingbi nga ti te ala pepe ayeke so: *ngoalo, zipaete na ngoalo ti ngu,

Abia (Psaumes) 104:17

Andeke asara da ti ala na ya ni, kota ndeke awara ndo ti duti ti lo na ya ti keke ti sipre.

Jérémie 8:7

Ataa sigonye so ayeke huru na le ti nduzu, lo hinga ngoi so lo yeke londo ti hon na mbeni ndo yongoro; ataa *kolokoto na hirondele nga na grive, ala hinga ngoi so ala yeke kiri ka na ni. Me azo ti mbi abaa andia ti mbi tongana senge ye.”

Zakarii 5:10

Mbi hunda ange so ayeke tene tënë na mbi so, mbi tene: “Ala yeke gue na sakpa ni na ndo wa?”