Zakarii 5:6 - Mbeti ti Nzapa - Tënë so amu fini

⁶ Mbi hunda lo, mbi tene: “Ye ni aye ti fa nyen?” Lo kiri tënë: “Sakpa laa ayeke ga so.” Lo kiri lo tene: “Asioni ye ti kodro ni kue laa ayeke na ya ni so.”

Zakarii 5:6 Referans Kwoze

Amos 8:5

Ala yeke tene: “Lawa laa matanga ti fini nze ayeke hunzi si e lingbi ti ka kobe ti e so-oo? Lawa laa *lango ti wungo tere ayeke hunzi si e lingbi ti zi yanga ti ada ti kango ale ti kobe ti e so-oo? Fade e yeke pika ngbonda ti sembe ti hakango na ye, e yeke pusu ngere na nduzu, e yeke sanze kilo ti nzi azo na ni.

Awayango-sandaga 19:36

Alingbi ala mu kilo so ayeke na legeni, sembe ni nga na aye ti hakango na ye so ayeke na legeni ti haka na ye na azo. Mbi laa mbi yeke KOTA GBIA, Nzapa ti ala so mbi mu ala na kodro ti Ezipte, mbi sigigi na ala.

Zakarii 5:7

Na ndembe ni so, yanga ti sakpa ni so a sara na nengo wen so azi; yanga ti sakpa ni ayeke *kerebende. Baa, mbeni wali ayeke duti na ya ti sakpa ni!

Amos 8:4

Ala ma tënë so nzoni si, ala so ayeke te aye ti azo ti mawa na mbana so. Ataa asenge zo ti kodro ni, ala ye titene ala ngba na ya ti kodro ni pepe.

Amos 8:6

E yeke kiri ti ka asaka ti kobe ni na azo, e yeke vo azo ti mawa gi na kete nginza si awayere, e yeke vo ala gi na ngere ti pâpä.”

Mishe 6:10

Amosoro so azo ti sioni awara na lege ti nzi angba na ya ti da ti ala, sembe ti hakango na ye so a pika ngbonda ni angba na ya ti da ti ala. Mbi lingbi ti kanga be ti mbi na fungo ye tongaso?

Sofonii 1:9

Na lango ni so, fade mbi yeke ga na tere ti azo so kue ayeke huru hurungo ti li na ya ti da, ala so ayeke sara si ya ti da ti makonzi ti ala asi singo na aye so ala gbu na ngangu nga na aye so ala wara na lege ti handango zo.