Zakarii 4:7 - Mbeti ti Nzapa - Tënë so amu fini

⁷ Ange ni akiri atene: “Kota hoto, mo yeke nyen? Na dawa ti Zorobabel, mo ga kpangbara ndo. Na ndo so laa lo yeke sigigi na kozo têne ti gere ti da ni. Fade azo ayeke dekongo, atene: ‘So pendere têne! So pendere têne!’ ”

Zakarii 4:7 Referans Kwoze

Jérémie 51:25

Biani, Babilone, mbi na mo, e yeke baa ya ni; so tënë ti yanga ti KOTA GBIA laa. Titene mo buba ye, mo yeke na ngangu tongana mbeni kota hoto; mo yeke buba aye ti ndö ti sese kue! Mbi yeke yoro maboko na le ti mo; mbi yeke sara si mo londo kâ na li ti kota têne, mo ti na sese. Mbi yeke sara si mo ga tongana hoto so wâ agbi ni kue.

Zakarii 4:9

“Zorobabel laa alu agere ti kota da ni, lo laa lo yeke hunzi kua ti da ni.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi na ala.

Mishe 4:1

“Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara ayeke gue kâ tongana ngu so ayeke sua.

Abia (Psaumes) 118:22

Têne so azo ti sarango da ake ni, ni laa akiri aga ngangu têne ti gere ti da ni.

Abia (Psaumes) 114:4

Akota hoto ahuru tongana akoli-taba si akete hoto ahuru tongana akete taba.

1 Pierre 2:7

Ti ala, a-ita so ama na be, têne ni ane na le ti ala; me ti azo so ake ti ma na be, “têne so azo ti sarango da ake ni, ni laa akiri aga ngangu têne ti gere ti da ni.”

Awatokua 4:11

Jésus so laa Mbeti ti Nzapa atene tënë ti lo, atene: ‘Têne so azo ti sarango da ake ni, ni laa akiri aga ngangu têne ti gere ti da ni.’

Ésaïe 41:15

Baa, mbi yeke sara titene mo ga tongana fini wen so apondi ayeke na le ni si aza mingi. Fade mo yeke nika ahoto, mo yeke sara si ala ga fuku ti sese; mo yeke sara si akete hoto aga tongana poro ti le ti kobe.

Abia (Psaumes) 114:6

Akota hoto, nyen laa asara ala si ala huru tongana akoli-taba so? Akete hoto, nyen laa asara ala si ala huru tongana akete taba so?

Rome 11:6

Nzapa asoro azo na lege ti nzoni be ti lo, lo soro ala ndali ti sarango ye ti ala pepe. Tongaso pepe, ka nzoni be ti Nzapa angba nzoni be mbeni pepe.

Mishe 1:4

Ahoto aga tongana potopoto na gbe ti gere ti lo, apopo-hoto ayeke suru si aga tongana puru ti wotoro na le ti wâ, wala tongana ngu so atuku na ndö ti hoto si ayeke zu na gbeni.

Ésaïe 28:16

Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Aye so Nzapa afa 16:20

Azoa kue ahon, ahoto kue ahon nga.

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

Nzoni Tënë so Luc asu na mbeti 20:17

Me Jésus abaa le ti ala si lo tene na ala: “Nda ti tënë so a su na ya ti Mbeti ti Nzapa so atene nyen? Tënë so atene: ‘Têne so azo ti sarango da ake ni, ni laa akiri aga ngangu têne ti gere ti da ni.’

Nzoni Tënë so Luc asu na mbeti 3:5

Akota du kue ti apopo-hoto, ala kanga ni, akota hoto na akete hoto, ala de ni na sese si ndo ni aga kpangbara; alege so aba bango, ala leke ni si aga mbirimbiri, alege so atêne ayeke daa, ala zi atêne ni si alege ni aga nzoni’,

Matthieu 21:42

Na pekoni, Jésus ahunda ala, atene: “Tënë so a su na ya ti Mbeti ti Nzapa so, ala diko ni laoko pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni. Ye so alondo na *Kota Gbia, ye ni ayeke ye ti kpene na le ti e!’”

Jérémie 33:11

bia ti azo so tere ti ala anzere, bia ti azo so ayeke na ngia, bia ti akoli na awali so amu tere fini ni. A yeke ma nga bia ti azo so ayeke ga na *sandaga ti mungo singila na ya ti kota da ti KOTA GBIA, atene: ‘Ala mu singila na KOTA GBIA so ayeke na ndö ti dunia kue, ngbanga ti so lo yeke nzoni, nzoni be ti lo angba kpu na kpu!’ Biani, fade mbi yeke sara titene kodro so akiri na kozo ndo ti lo”; tënë so KOTA GBIA atene laa.

Marc 12:10

Tënë so a su na ya ti Mbeti ti Nzapa so, ala diko ni pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni.

Matthieu 21:21

Jésus akiri tënë na ala: “Mbi tene na ala taa-tënë: tongana ala yeke na mabe si ala dekite pepe, fade ala yeke sara ye so mbi sara na keke ti fige so. Ala lingbi nga ti tene na hoto so: ‘Londo na ndo so, mo ti na ya ti kota ngu-ingo’, fade ye ni ayeke si alingbi na ni.

Habakuk 3:6

Tongana lo luti, sese ayeke yingi. Tongana lo baa ndo, amara ayeke do na mbeto. Ahoto ti giriri, ya ni asungba, akete hoto ti giriri ayeke kungbi, ati na sese, akete hoto ni ayeke ando lege so lo yeke tambula daa.

Esdras 3:10

So azo ti lekengo kota da ti KOTA GBIA alu gere ti da ni awe, awayango-sandaga ayu abongo ti ala ti kua, ala mu atatalita si ala ga ti mu ndo ti ala. *Ahale ti Asaf, azo ti mara ti Lévi amu wen so atoto ngangu si ala na awayango-sandaga ni asepela KOTA GBIA alingbi na lege so David, gbia ti Israel, afa na ala.

Abia (Psaumes) 84:11

Dutingo lango oko na ya ti gbagba ti kota da ti mo ayeke nzoni ahon dutingo lango saki oko na mbeni ndo nde. Ti mbi, mbi ye ti duti gi na yanga ti da ti Nzapa ahon ti sara kodro na da ti azo ti sioni.

Zakarii 4:8

Tënë ti KOTA GBIA asi na mbi, atene: