Zakarii 14:6 - Mbeti ti Nzapa - Tënë so amu fini

⁶ Na lango ni so, aye so ayeke su na le ti nduzu ayeke kiri ti su pepe, de ayeke kiri ti sara pepe, *glase ayeke kiri ti duti daa pepe.

Zakarii 14:6 Referans Kwoze

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

2 Pierre 1:19

Na ndö ni kue, tënë so awayanga-Nzapa atene so ayeke taa kpengbango tënë; tënë ni ayeke tongana lamba so ayeke za na ya ti vukongo ndo. So ayeke na legeni titene le ti ala angba na ndö ni ngbii ndo ahan si tongoro ti ndaperere aza na be ti ala.

Jean 12:46

Mbi so mbi yeke lumiere, mbi ga na ndö ti dunia so. Tongaso, zo so ama na be na mbi, lo yeke ngba na ya ti vukongo ndo pepe.

Abia (Psaumes) 112:4

Na ya ti vukongo ndo, lumiere ayeke za ndali ti zo so sarango ye ti lo ayeke na legeni; lo yeke zo ti mbirimbiri, lo yeke sara nzoni be na zo si lo yeke baa mawa ti zo.

Aye so Nzapa afa 11:3

Azo ti mbi use so ayeke tene taa-tënë na ndö ti mbi, ala so ayeke yu bongo ti mua so, fade mbi yeke mu lege na ala ti tene peko ti tënë ti yanga ti mbi na azo na ya ti lango saki oko ngbangbo use na baleomene.”

Kolose 1:12

Na ngia na be, ala mu singila na Nzapa Babâ so asara si ala lingbi ti wara anzoni ye so lo leke ndali ti azo ti lo na ya ti lumiere.

Jean 1:5

Lumiere aza na ya ti vukongo ndo si vukongo ndo ahon ndö ti lo pepe.

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Jérémie 4:23

Mbi baa sese: sese angba senge, ye oko ayeke daa pepe. Mbi baa le ti nduzu: vurungo ndo ayeke kâ mbeni pepe.

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Ésaïe 13:10

Fade atongoro ti le ti nduzu na ala so abongbi tere na ndo oko ayeke kiri ti za pepe. Gi na sigingo ti lâ tongaso, le ti lâ ni ayeke vuko si nze ayeke kiri ti su pepe.

Awatokua 2:16

Me tënë so Wayanga-Nzapa Joël atene ando so, ni laa asi awe so; lo tene:

Awatokua 2:19

Fade mbi yeke sara aye ti dongo be na le ti nduzu si mbi yeke sara aye ti kpene na ndö ti sese: mene, wâ na ngbongboro guru ti wâ,

Ésaïe 24:23

Le ti nze ayeke be na kamene, kamene ayeke gbu le ti lâ. Biani, KOTA GBIA so ayeke na ndö ti dunia kue, lo yeke duti gbia na Jérusalem nga na ndö ti hoto ti *Sion. Gonda ti lo ayeke za na dawa ti *akangba ti gbata ni.

Ezekiel 32:7

Na ndembe so fini ti mo ayeke hunzi, mbi yeke kanga le ti nduzu, mbi yeke sara si le ti atongoro avuko, mbi yeke sara si mbinda akanga le ti lâ si nze akiri ti su pepe.

Ezekiel 32:8

Ndali ti mo, mbi yeke sara titene aye so kue ayeke su na le ti nduzu avuko vukongo, mbi yeke sara si ndo avuko pitipiti na kodro ti mo. So tënë ti yanga ti Kota Gbia NZAPA laa.

Joël 2:2

Lango ni ayeke lango ti vukongo ndo, lango so ndo avuko pitipiti; lango ti ambinda na lango ti vuko mbinda. Baa, agbadola gbani gbani ayeke ga, ala yeke na ngangu, ala yeke tongana vukongo ndo so ayeke mu ndö ti ahoto kue. Ade zo abaa mara ti ye tongaso laoko pepe, zo ayeke kiri ti baa ni laoko pepe, ngbii asi na azo so ayeke du ala gbanda na peko, yongoro kâ.