Zakarii 14:21 - Mbeti ti Nzapa - Tënë so amu fini

²¹ Atawa so kue ayeke na Jérusalem na atawa so kue ayeke na Juda, fade a yeke zia ni nde ndali ti KOTA GBIA so ayeke na ndö ti dunia kue. Azo so kue ayeke ga ti ya *sandaga, ala yeke mu atawa ni ti to na anyama ti sandaga ni. Tongana lango ni so alingbi, fade a yeke kiri ti baa azo ti dengo buze na ya ti kota da ti KOTA GBIA pepe, lo so lo yeke na ndö ti dunia kue so.

Zakarii 14:21 Referans Kwoze

Ezekiel 44:9

Tënë so mbi Kota Gbia NZAPA, mbi tene ayeke so: Wande oko so afâ ganza pepe si afâ ganza ti be pepe, lo yeke kiri ti li pepe na ndo so a zia ni nde ndali ti mbi; ataa wande ni ayeke lango na popo ti azo ti Israel.”

1 Korente 10:31

Tongaso, ataa ala yeke te, ataa ala yeke nyon, ataa ye so kue ala yeke sara, ala sara ni kue ndali ti gonda ti Nzapa.

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!

Aye so Nzapa afa 21:27

Mbeni ye ti *sioni oko ayeke li na ya ti gbata so pepe, ataa zo ti sarango aye ti sioni so zo alingbi ti baa na le ti lo fani use pepe, ataa zo ti mvene, ayeke li daa pepe. Me gi azo so iri ti ala ayeke na ya ti mbeti ti Molenge ti Taba, mbeti so a su iri ti azo so ayeke na taa fini daa, ala laa ayeke li na ya ti gbata ni.

Néhémie 8:10

Esdras akiri atene na azo ni: “Ala kiri na ndo ti ala. Ala gue, ate anzoni kobe, ala nyon anzerengo samba, ala mu ambeni kobe ni na azo so ayeke na ye pepe, ngbanga ti so a zia lango so nde ndali ti KOTA GBIA ti e. Ala sara vundu pepe, ngbanga ti so ngia so alondo na KOTA GBIA laa ayeke ngangu ti ala!”

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

1 Timothée 3:15

Me tongana mbi si hio pepe, mbi ye mo hinga lege ti duti na popo ti azo ti Nzapa, so ti tene na popo ti azo ti *Eglize ti Nzapa, lo so lo yeke na fini. Eglize ni ayeke ya taa-tënë na nduzu si ayeke gbu ni ngangu.

Zakarii 14:20

Na lango ni so, ye so a kanga na go ti ambarata si ayeke toto so, fade a yeke su mbeti na ndö ni, atene: “Ye so a zia nde ndali ti KOTA GBIA”. Atawa ti ya ti kota da ti KOTA GBIA, fade ayeke ga tongana kopo na dawa ti gbalaka, kopo so a yeke zia mene daa ti fi na tere ti aye.

Zakarii 7:6

So lani ala yeke te si ala yeke nyon so, ala sara ni gi ndali ti ala wani pepe?”

Osée 12:7

“Ti mo Jacob, alingbi mo kiri na mbi, Nzapa ti mo. Sara ye na lege ti nzoni be, sara ye na legeni; zia be ti mo lakue ti ku Nzapa ti mo.”

Ésaïe 35:8

Na ndo so, a yeke suru mbeni lege so a di iri ni “Lege so a zia nde”. Zo ti *sioni oko alingbi ti hon daa pepe, a yeke bata ni ndali ti azo ti KOTA GBIA titene ala tambula daa. Azo ti buba ayeke girisa lege na ndo so pepe.

Ésaïe 4:3

Tongaso, azo so ayeke ngba na Jérusalem na tanga ti azo so angba na fini na *Sion, fade a yeke mu na ala mbeni iri so atene: “Azo so a zia ala nde ndali ti KOTA GBIA”; so ti tene azo so kue KOTA GBIA asu iri ti ala na ya ti mbeti ti lo titene ala duti na fini na Jérusalem.

Ndia ti fani use ni 12:12

Kâ na ya ti da ti KOTA GBIA Nzapa ti ala, fade be ti ala ayeke si singo na ngia, ala na amolenge ti ala ti koli na ti wali, na azo ti kua ti ala ti koli na ti wali nga na azo ti mara ti Lévi so ayeke duti na ya ti agbata ti ala. Biani, azo ti mara ti Lévi awara sese pepe ti ga ti ala tongana ti so ala, atanga ti azo ti mara ti Israel, awara ni.

Ndia ti fani use ni 12:7

Kâ na ya ti da ti KOTA GBIA Nzapa ti ala laa ala yeke te ande kobe ti amatanga, ala na asewa ti ala; be ti ala ayeke si singo na ngia ndali ti anzoni ye so ala wara na lege ti akua so kue ala sara, ngbanga ti so fade KOTA GBIA Nzapa ti ala ayeke sara tufa na ndö ti ala.

Ésaïe 52:1

*Sion, zingo, zingo hio si! Mo fa ngangu ti mo! Jérusalem, gbata so ayeke nde si ayeke nzoni kue, yu apendere bongo ti mo! Biani, azo so afâ *ganza pepe nga na azo so aga *sioni awe ayeke kiri ti si na ndo ti mo pepe.

Ezekiel 45:1

“Tongana ala yeke kangbi ande sese ni, ala bata mbeni ndali ti *KOTA GBIA, ala zia ni nde ndali ti lo. Fade ayo kudee 25 000 na mbage, kudee 20 000 na mbeni mbage; sese ni kue ayeke nde si ayeke nzoni kue.

Sofonii 1:11

Ala azo ti vaka Ti-gbeni, ala dekongo ngangu, ngbanga ti so a fâ azo ti kango ye kue awe, a hunzi azo ti dengo buze kue awe.