Zakarii 14:16 - Mbeti ti Nzapa - Tënë so amu fini

¹⁶ Ti londo na lango ni so, amara so atiri lani bira na azo ti Jérusalem si azo ni angba na fini so, na ya ti ngu oko oko, ala yeke gue na ya ti gbata ni ti voro KOTA GBIA so ayeke na ndö ti dunia kue si ala yeke sara matanga ti Akpangba.

Zakarii 14:16 Referans Kwoze

Ésaïe 66:23

Tongaso, na matanga ti fini nze oko oko, na *lango ti wungo tere oko oko, fade azo kue ayeke ga ti kuku ti kpo li ti ala na dawa ti mbi; tënë so mbi KOTA GBIA, mbi tene laa.

Aye so Nzapa afa 19:16

A su iri na ndö ti kota bongo ti lo nga na ndö ti gere ti lo; iri ni ayeke: “Gbia ti agbia, *Kota Gbia ti akota gbia.”

Aye so Nzapa afa 11:13

Gi na ndembe ni so sese ayingi ngangu; mbeni mbage oko na popo ti ambage baleoko ti gbata ni ati, azo saki mbarambara akui na ya ti ye ti ngangu so. Kota mbeto agbu tanga ti azo so angba na fini so si ala gonda Nzapa so ayeke na yayu.

Rome 11:26

Tongaso laa, fade a yeke soo azo ti Israel kue na kuâ, tongana ti so Mbeti ti Nzapa atene: “Fade zo ti zingo azo ayeke londo na *Sion ti ga, lo yeke zi asioni kue na popo ti azo ti mara ti Jacob.

Rome 11:16

Tongana a zia akozo mapa nde ndali ti Nzapa, tanga ti mapa ni kue ayeke ti lo. Tongana zo amu gunda ti keke na Nzapa, amaboko ti keke ni kue ayeke nga ti lo.

Rome 11:5

Na ngoi ti fadeso nga, tanga ti ambeni zo angba, ala so Nzapa asoro ala na lege ti nzoni be ti lo.

Awatokua 15:17

Tongaso, fade tanga ti azo kue ayeke gi *Kota Gbia, ala na amara so kue mbi iri ala ti ga azo ti mbi. Baa, tënë so Kota Gbia atene laa. Aye so lo sara,

Jean 7:2

Matanga ti azuife so ayeke matanga ti Akpangba aga nduru awe.

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Nzoni Tënë so Luc asu na mbeti 19:38

Ala tene: “Ayeke nzoni Nzapa asara tufa na ndö ti gbia so aga na iri ti Kota Gbia! Siriri aduti na yayu kâ si a gonda Nzapa so ayeke na yayu kâ na ndö ti aye kue!”

Malashii 1:14

Deba aga na ndö ti zo ti mayere so lo yeke na nzoni koli-nyama na popo ti anyama ti lo! Lo mu fade yanga ti mu nzoni nyama ni na mbi na sandaga, me na pekoni, lo mu gi nyama so mbeni mbage ti tere ti lo abuba awe. Biani, mbi yeke kota gbia so amara nde ayeke kpe mbeto ti mbi. Tënë so KOTA GBIA so ayeke na ndö ti dunia kue atene laa.”

Zakarii 9:7

mbi yeke zi na yanga ti ala anyama so mene angba daa; akobe so a mu na anzapa nde si aga sioni so, ala yeke kiri ti te ni pepe. Azo ti Filistii so angba, ala yeke ga ande azo ti mbi, mo baa mo tene, ala yeke fade tongana mbeni kete mara ti Juda. Azo ti Ekron ayeke li na popo ti azo ti mbi tongana ti so azo ti mara ti Yebus asara so.

Osée 12:9

Mo tene ti mo, mo tene: ‘Taa-tënë, mbi wara mosoro mingi, mbi wara anzoni ye mingi. Me na ya ti aye so kue mbi wara so, zo oko alingbi ti wara sioni wala siokpari daa pepe.’

Jérémie 51:57

“Mbi yeke mu samba na akota zo ti lo nga na azo ti ndara ti lo, agovoronere ti lo, akota komanda nga na angangu turugu ti lo. Fade azo ni ayeke lango kpu na kpu, ala yeke kiri ti zingo pepe; so tënë ti yanga ti Gbia laa, lo so iri ti lo ayeke KOTA GBIA so ayeke na ndö ti dunia kue.”

Jérémie 48:15

Ka so kodro ti Moab abuba kue awe so, azo alondo ti tiri bira na agbata ni si ala mu angangu maseka ti lo ti gue na ala na ndo ti fango azo so!” Gbia so iri ti lo ayeke KOTA GBIA so ayeke na ndö ti dunia kue, tënë so lo tene ayeke so:

Jérémie 46:18

Fini ti mbi! So tënë ti yanga ti Gbia, lo so iri ti lo ayeke ‘KOTA GBIA so ayeke na ndö ti dunia kue’: fade wato ayeke ga; lo yeke ga biani tongana ti so Tabor aluti nganganga na popo ti ahoto, tongana ti so Karmel ayeke na ndö ti kota ngu-ingo!

Ésaïe 6:5

Tongaso mbi tene: “Mawa na mbi, mbi kui awe! Mbi yeke zo so tënë ti yanga ti mbi ayeke *sioni, mbi yeke lango na popo ti azo so tënë ti yanga ti ala ayeke *sioni. Mbi baa na le ti mbi wani Gbia, KOTA GBIA so ayeke na ndö ti dunia kue.”

Esdras 3:4

Azo ti Israel asara matanga ti Akpangba, alingbi na tënë so a su na mbeti. Na ya ti lango oko oko, ala ya na Nzapa asandaga so a yeke gbi ni kue na wâ, alingbi na wungo ni so ndia afa.

2 Mbai 8:13

Lo yeke mu asandaga ni na ya ti lango oko oko alingbi na ndia so Moïse afa: na *lango ti wungo tere, na matanga ti fini nze nga na alango ti akota matanga ota so ayeke na ya ti ngu oko: matanga ti Mapa so a sara na mama ni pepe, matanga ti Pantekote na matanga ti Akpangba.

Abia (Psaumes) 66:4

Azo ti sese kue ayeke kuku na gbe ti mo, ala yeke he bia na mo, ala yeke he bia ndali ti iri ti mo.” Luti kete

Ésaïe 18:7

Na ngoi ni so, fade azo ayeke ga na anzoni ye na KOTA GBIA so ayeke na ndö ti dunia kue; azo ni ayo mingi, poro ti tere ti ala ayeke za zango, ala yeke zia mbeto na be ti azo na ndo so ngbii asi na ndo kue, ala yeke nika awato ti ala, abale ahon na ya ti kodro ti ala. Fade a yeke ga na anzoni ye na li ti hoto ti *Sion, ndo so KOTA GBIA so ayeke na ndö ti dunia kue ayeke duti daa.

Ésaïe 19:21

KOTA GBIA ayeke sara si azo ti Ezipte ahinga lo; na lango ni so, ala yeke hinga lo si ala yeke sara na lo na mungo na lo asandaga nga na anzoni ye. Ala yeke mu zendo na KOTA GBIA si ala yeke sara ye ti peko ti zendo ni.

Ésaïe 27:13

Na lango ni so, mbeni kota didi ayeke toto. Tongaso azo so agirisa ando na sese ti Asirii, na azo so akangbi na sese ti Ezipte, ala kue ayeke kiri. Ala yeke ga ti kuku na gbe ti KOTA GBIA na Jérusalem, na li ti hoto so ayeke nde si ayeke nzoni kue.

Mishe 4:2

Fade amara nde gbani gbani ayeke gue kâ si ala yeke tene: ‘Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.’ Biani, ndia ti KOTA GBIA alondo na *Sion, tënë ti lo alondo na Jérusalem.

Zakarii 14:9

Fade KOTA GBIA ayeke duti gbia ti sese kue. Na lango ni so, lo yeke duti oko Nzapa so azo ayeke voro lo si ala yeke hinga gi iri ti lo oko.