Zakarii 14:13 - Mbeti ti Nzapa - Tënë so amu fini

¹³ Na lango ni so, fade KOTA GBIA ayeke bi kota mbeto na popo ti ala; zo oko oko ayeke londo ti tiri na mba ti lo, ala yeke gbu tere na tiri na popo ti ala.

Zakarii 14:13 Referans Kwoze

Zakarii 12:4

So tënë ti yanga ti KOTA GBIA laa: Na lango ni so, fade mbi yeke bi tomboka na li ti ambarata kue, mbi yeke bi fuu na li ti azo ti kpengo na ambarata ni. Ti azo ti Juda, mbi yeke baa ndo na ndö ti ala, me mbi yeke sara si le ti ambarata kue ti amara abuba.

Zakarii 11:6

Biani, mbi nga, fade mbi yeke baa mawa ti azo ti sese so pepe; so tënë ti yanga ti KOTA GBIA laa. Fade mbi yeke zia zo oko oko na maboko ti mba ti lo so ayeke nduru na lo, nga na maboko ti gbia ti kodro ti lo. Agbia ni ayeke buba sese biani biani, me mbi yeke zi zo oko na maboko ti agbia ni pepe.”

Ezekiel 38:21

Na ndö ti ahoto ti mbi kue, mbi yeke ga na bira na tere ti mo, Gog. So tënë ti yanga ti mbi, Kota Gbia NZAPA laa. Fade zo oko oko ayeke fâ ita ti lo na yongoro zeme.

Awafango-ngbanga 7:22

Na ndembe so azo ngbangbo ota so angba ti huru tatalita, KOTA GBIA asara si azo ti ya ti bâbâ ni kue alondo ti fâ tere na yongoro zeme. Ala so angba so akpe ngbii, ala si na Bet-Shita so ayeke na lege ti guengo na Sereda; ala kpe nga na gbata ti Abel-Mehola so ayeke nduru na Tabat.

Zakarii 14:14

Azo ti Juda ayeke londo ti tiri bira ndali ti gbata ti Jérusalem. Ala yeke mu amosoro kue ti amara so ayeke lango nduru na Jérusalem: lôro, wen ti nginza na abongo gbani gbani.