Zakarii 14:12 - Mbeti ti Nzapa - Tënë so amu fini

¹² Amara so atiri lani bira na azo ti Jérusalem so, baa, aye ti sioni so KOTA GBIA ayeke sara titene ati na ndö ti ala laa: so ala ngba na le ti ala gi tongaso, fade kasa ti tere ti ala ayeke fun gi fungo, le ti ala ayeke fun na ya ti da ni, menga ti ala ayeke fun na ya ti yanga ti ala.

Zakarii 14:12 Referans Kwoze

Zakarii 12:9

*KOTA GBIA atene: “Na lango ni so, mbi yeke sara kue ti fâ amara so kue ti hunzi ala; amara so ayeke ga ti tiri bira na azo ti Jérusalem.

Zakarii 14:3

Na pekoni, fade KOTA GBIA ayeke londo ti tiri bira na amara so; lo yeke tiri na ala tongana ti so lo yeke sara lakue na ngoi ti bira.

Abia (Psaumes) 90:11

Zo wa laa alingbi ti hinga ngangu ti ngonzo ti mo? Zo so akpe mbeto ti mo laa ahinga ngonzo ti mo nzoni mingi!

2 Mbai 21:15

Ti mo wani, fade angangu kobela nde nde ayeke so mo. Mbeni kobela ni ayeke so mo na ya ti vi ti mo; ayeke ga ngangu ngangu na ya ti lango oko oko ti gue na ni ngbii avi ti mo ni kue asigigi ndali ti songo ti kobela ni.”

Ndia ti fani use ni 28:59

Tongaso pepe, fade KOTA GBIA ayeke tokua na tere ti ala, ala na *ahale ti ala amara ti aka nde nde nga na mara ti angangu kobela nde nde so ayeke hunzi pepe.

Ndia ti fani use ni 28:22

Fade KOTA GBIA ayeke sara si ala nge ngengo na nduzu; lo yeke tokua kobela ti wâ, kobela ti sukungo tere; aye ayeke gbi tere ti ala. Lo yeke tokua sioni buru; akobela ayeke sara gere ti akobe ti ala na yaka si akobe ni ayeke fun si ahole. Asioni ye so ayeke si ngbii ala hunzi kue.

Awayango-sandaga 26:28

fade mbi nga, na sioni ngonzo na be ti mbi, mbi yeke sara ngangu li na ala; mbi wani, mbi yeke kiri ti pika ala fani mbarambara ndali ti asiokpari ti ala.

Awayango-sandaga 26:24

fade mbi nga, mbi yeke sara ngangu li na ala, mbi yeke kiri ti pika ala fani mbarambara ndali ti asiokpari ti ala.

Awayango-sandaga 26:21

“Tongana ala ngba ti sara ngangu li na mbi si ala ke ti ma yanga ti mbi, fade mbi yeke kiri ti pika ala ngangu fani mbarambara ndali ti asiokpari ti ala.

Awayango-sandaga 26:16

baa ye so mbi yeke sara ande na ala ayeke so: “Fade mbi yeke tokua na ndö ti ala akota kpale: ala yeke nge ngengo, kobela ti wâ ti tere ayeke sara ala; akobela ni ayeke vuko le ti ala si ayeke woko ala. Ala yeke lu ale ti kobe senge senge, awato ti ala laa ayeke te ni.

Aye so Nzapa afa 17:16

Adidi baleoko so mo baa so, ala na nyama ni ayeke ke ande wali-ndumba ni. Fade ala yeke mu aye so kue lo yeke na ni si ala yeke zia lo tere ti lo senge, ala yeke te kasa ti tere ti lo si ala yeke gbi lo na wâ.

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

Awayango-sandaga 26:18

“Na peko ti aye so kue, tongana ala ma yanga ti mbi pepe, fade mbi yeke kiri ti pika ala ngangu fani mbarambara ndali ti asiokpari ti ala.

Ndia ti fani use ni 28:21

Lo yeke tokua sioni kobela ti bubango kodro na tere ti ala ngbii kobela ni afâ ala kue ahunzi ala na ndö ti sese so ala yeke gue ti mu ni titene aga ti ala.

Mbeti ti Job 18:13

Mbeni kobela ayeke te poro ti tere ti lo; sioni kobela ayeke buba ambage ti tere ti lo kue.

Zakarii 14:15

Anyama kue ti awato ni: ambarata, *apâkârâ, azambala na alele, mara ti aye ti sioni so ayeke si nga na ala tongana ti so asi na azo.

Zakarii 14:18

Tongana azo ti Ezipte ake ti gue na Jérusalem ti sara matanga ti Akpangba, fade ye ti sioni so ayeke ti nga na ndö ti ala tongana ti so KOTA GBIA asara si ati na ndö ti amara so ake ti gue ti sara matanga ni so.

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.

Zakarii 2:4

Mbi hunda ndo, mbi tene: “Ala ga ti sara nyen?” Lo kiri tënë na mbi, lo tene: “Azo ti pikango ndao ni aga ti zia mbeto nga ti tumba angangu mara so akangbi azo ti Juda na ando nde nde; mbeni zo oko so agbu le ni na angangu mara ni ayeke daa pepe.”