Biblia Todo Logo
Bib sou entènèt

- Piblisite -




Zakarii 14:10 - Mbeti ti Nzapa - Tënë so amu fini

10 Ti londo na Geba ngbii asi na Rimon, na Mbongo ti Jérusalem, fade kodro ni kue ayeke ga lando. Jérusalem ayeke duti na ndo so ayeke na nduzu; gbata ni ayeke londo na yanga ti gbagba ti Benjamin ngbii asi na yanga ti gbagba so iri ni Ti-Ndangoro, ayeke gue ngbii asi na ngbene yanga ti gbagba ni; akiri ague ngbii asi na kota da ti Hananeel so ayo na nduzu, ngbii asi na ndo so a yeke pete vin ti gbia daa.

Gade chapit la Kopi




Zakarii 14:10
28 Referans Kwoze  

Na lango ni so, fade mbi yeke sara titene amakonzi ti Juda aduti tongana mbeni kota le ti wâ na ya ti gbako, wala tongana mbeni *tanda so a zia wâ daa na gbe ti gba ti ale ti kobe. Fade ale ti wâ ni ayeke te mbage na mbage kue amara so kue angoro ala. Me azo ti Jérusalem ayeke ngba ti duti gi na ya ti gbata ti ala.”


Lebaot, Shilim na En-Rimon. Agbata ni kue ayeke baleuse na gumbaya, ala na akete kodro so ayeke na tere ni.


So lo si na yanga ti gbagba ti Benjamin, lo tengbi na mbeni makonzi ti aturugu ti batango gbia so iri ti lo Iria, molenge ti Shelemia, molenge ti Hanania. Iria agbu wayanga-Nzapa Jérémie si atene na lo: “Mo yeke kpe ti kiri na mbage ti azo ti Babilone laa!”


Tënë so KOTA GBIA atene ayeke so: “Fade mbi yeke sara si azo ti da ti Jacob akiri na kozo ndo ti ala; mbi yeke baa mawa ti da ti ala. Gbata so lani abuba, a yeke kiri ti leke ni na ndö ti angbene da so atuku na sese; a yeke kiri ti sara apendere da gi na oko ndo so lani ada ni ayeke daa so.


Tongaso gbia Asa airi azo ti sese ti Juda kue, lo zia zo oko pepe. Ala ga si ala ro atêne na akeke so Basha ayeke sara na ngangu gbagba na tere ti gbata ti Rama so, ala gue na ni. Asa amu atêne na akeke ni si lo sara na ngangu gbagba na tere ti gbata ti Geba, ti Benjamin na ti Mispa.


Mbi hunda ndo, mbi tene: “Ala ga ti sara nyen?” Lo kiri tënë na mbi, lo tene: “Azo ti pikango ndao ni aga ti zia mbeto nga ti tumba angangu mara so akangbi azo ti Juda na ando nde nde; mbeni zo oko so agbu le ni na angangu mara ni ayeke daa pepe.”


Andaa Ebed-Melek, mbeni zo ti Etiopii ayeke daa. Lo yeke mbeni kota zo so ayeke sara kua na yangbo ti gbia; lo ma a tene, a zia Jérémie na ya ti du ti ngu. Me gbia ayeke duti na yanga ti gbagba so iri ni Benjamin.


Kota wayango-sandaga Eliashib alondo ti gbu kua ni, lo na amba ti lo awayango-sandaga. Ala kiri aleke yanga ti gbagba so iri ni Ti-ataba. So ala zia ayanga ti gbagba ni daa awe, ala zia ni nde ndali ti Nzapa. Na pekoni, ala kiri aleke gbagba ni ague ngbii asi na tere ti kota da so ayo na nduzu so iri ni Ngbangbo. Ala zia nga ni nde ndali ti Nzapa. Ala hon ala si na kota da ti Hananeel so ayo na nduzu.


Azo ngbangbo omene akpe na mbage ti benyama, na lege ti kota têne ti Rimon; ala duti kâ nze osio.


Ambeni zo ti Benjamin akpe na mbage ti benyama, na lege ti kota têne ti Rimon; a fâ azo saki oku na popo ti ala na ndö ti alege. A tumba peko ti ambeni ngbii asi na Gidom; a fâ ambeni saki use.


“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.


Ala hon na lege so ange ngengo si ala tene: “Na bi so, e yeke lango na Geba.” Na Rama, azo ayeke do na mbeto. Na Gibea, gbata ti Saul, azo ayeke kpe.


Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.


E kiri e hon na ndö ti yanga ti gbagba so iri ni Ti-Efraim, na ndö ti yanga ti gbagba so iri ni Ti-Yeshana nga na ndö ti yanga ti gbagba so iri ni Ti-asusu. Na pekoni, e londo na kota da ti Hananeel so ayo na nduzu nga na kota da so iri ni Ngbangbo, e hon yanga ti gbagba so iri ni Ti-ataba si e gue, e luti na yanga ti gbagba so iri ni Ti-aturugu.


Na Bet-Shemesh, Yoas, gbia ti Israel agbu Amasia, gbia ti Juda, molenge ti Yoas, molenge ti Ahazia. Yoas ague na Amasia na Jérusalem. Yoas akungbi mbage ti gbagba ti Jérusalem nduru na metere ngbangbo use, alondo na yanga ti gbagba so iri ni Ti-Efraim ngbii asi na mbeni yanga ni so iri ni Ti-Ndangoro.


Ala yeke lango nga lani na ya ti agbata ti Etam, ti Ain, ti Rimon, ti Token nga na ti Ashan;


Na pekoni, bongbi ti azo ti Israel atokua azo na azo ti Benjamin so ayeke na tere ti kota têne ti Rimon ti tene tënë ti siriri na ala.


Na sese ti azo ti mara ti Benjamin, a mu na ala Gabaon, Geba,


Na Bet-Shemesh, Yoas, gbia ti Israel agbu Amasia, gbia ti Juda, molenge ti Yoas, molenge ti Ahazia. Lo gue na Jérusalem si lo kungbi mbage ti gbagba ti Jérusalem nduru na metere ngbangbo use, alondo na yanga ti gbagba so iri ni Ti-Efraim ngbii asi na mbeni yanga ni so iri ni Ti-Ndangoro.


Tongaso, lo pika mê ti wayanga-Nzapa Jérémie si lo mu yanga titene a kanga lo na ya ti olongbo so ayeke na yanga ti kota da ti Nzapa, ti mbage ti nduzu so iri ni ti Benjamin, ndo so azo ayeke hon daa ti li na ya ti kota da ti KOTA GBIA.


Lo sara akota da so ayo na nduzu na Jérusalem, na yanga ti gbagba so iri ni Ti-Ndangoro, na yanga ni so iri ni Ti-popo-hoto nga na ndo so gbagba ni asi daa si angoro ti gue.


“Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara ayeke gue kâ tongana ngu so ayeke sua.


Tënë so KOTA GBIA atene ayeke so: Fade mbi yeke kiri ti ga na Sion, mbi yeke kiri ti duti taa na Jérusalem. Fade a yeke mu mbeni iri na Jérusalem, atene: ‘Gbata so abata tënë ti yanga ti Nzapa’ si a yeke mu nga iri na hoto ti KOTA GBIA so ayeke na ndö ti dunia kue, atene: ‘Hoto so ayeke nde si ayeke nzoni kue’.


Swiv nou:

Piblisite


Piblisite