Zakarii 12:11 - Mbeti ti Nzapa - Tënë so amu fini

¹¹ Na lango ni so, azo ayeke toto kuâ mingi na Jérusalem tongana ti so azo ayeke toto kuâ ti Hadad-Rimon na popo-hoto ti Megido.

Zakarii 12:11 Referans Kwoze

2 Mbai 35:24

Azo ti kua ti lo azi lo na ya ti pusu ti mbarata ti lo ti bira, ala zia lo na ya ti use pusu ti mbarata ti lo si ala gue na lo na Jérusalem. Yosias akui kâ si ala lu lo na ya ti sende ti kuâ ti akotara ti lo. Azo ti Juda kue na azo ti Jérusalem asara mua ti lo.

2 Agbia 23:29

Na ngoi so Yosias ayeke gbia, Faraon Neko, gbia ti Ezipte ague ti wara tere na gbia ti Asirii na mbage ti *bale ti Efrate. Gbia Yosias ague ti tiri bira na lo, me gi na ya ti kozo tengbingo tere ni, a fâ Yosias na Megido.

Matthieu 24:30

Tongaso, mbeni ye ayeke sigigi na ya ti mbinda na le ti nduzu si ayeke fa na azo tënë ti gango ti *Molenge ti Zo. Amara ti dunia kue ayeke zia maboko na ndö ti go ti ala si ala yeke dema tere, ala yeke baa Molenge ti Zo so ayeke ga na ya ti ambinda na ngangu ti lo kue, na gonda ti lo kue.

Aye so Nzapa afa 1:7

Ala baa, lo yeke na ya ti mbinda si lo yeke ga! Fade le ti azo kue ayeke baa lo, ataa ala so lani akpo lo. Fade amara ti dunia kue ayeke toto ndali ti aye so a sara na lo. So ayeke taa-tënë! Amen.

Aye so Nzapa afa 16:16

Ayingo ni abongbi agbia ni na ndo so a iri ni na yanga ti hebro “Harmagedon”.

Zakarii 12:12

Fade akete mara oko oko ti kodro ni ayeke duti nde nde ti toto kuâ: ahale ti David ayeke duti nde, akoli na mbage, awali na mbage. Ahale ti Natan ayeke duti nde, akoli na mbage, awali na mbage.

2 Mbai 35:22

Me Yosias aye gi ti tiri bira na Neko. Tënë so Nzapa azia na yanga ti Neko si lo tene so, Yosias ama ni pepe. Tongaso, lo zi bongo ti lo si lo yu mbeni nde titene azo ahinga lo pepe si lo gue ti tiri bira na popo-hoto ti Megido.