Zakarii 11:5 - Mbeti ti Nzapa - Tënë so amu fini

⁵ Azo so ayeke vo ataba ni, ala yeke fâ go ti ala, me ala baa ti ala atene, tënë ayeke na li ti ala pepe. Ala so ayeke ka ataba ni ayeke tene: ‘E mu singila na KOTA GBIA. Baa, e ga azo ti mosoro awe!’ Me taa awabatango-taba ni ayeke baa mawa ti ataba ni oko pepe.

Zakarii 11:5 Referans Kwoze

Jérémie 50:7

Azo so kue awara ala ayeke te ala. Awato ti ala ayeke tene: ‘E sara ti e sioni oko pepe! Biani, azo ni laa asara siokpari ti ke KOTA GBIA, lo so lani lo yeke ndo ti dutingo mbirimbiri ti ala, lo so akotara ti ala azia ando be ti ala ti ku lo.’

Osée 12:8

KOTA GBIA atene: “Efraim, mo yeke tongana azo ti Kanaan; mo gbu na maboko ti mo mbeni kilo ti handango na azo; mo ye sarango ye ti nzi.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.

Jean 16:2

Fade azo ayeke tumba ala na ya ti ada ti sambelango Nzapa. Na ndö ni, ngbonga ni ayeke ga so fade ambeni zo ayeke fâ ala si azo ni ayeke tene na be ti ala atene, kua ti Nzapa laa ala yeke sara so.

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Ezekiel 34:21

Ala pusu angengo taba ni na kate ti ala, ala pusu ala na ndö ti go ti ala; ala mu didi akpo na ataba so kue ayeke na kobela; ala sara ngbii ataba ni akangbi kirikiri, yongoro na ndo ti tengo pere.

Ezekiel 34:10

Tënë so mbi Kota Gbia NZAPA, mbi tene ayeke so: Mbi yeke ga na tere ti awabatango-taba ni. Mbi yeke gi ataba ti mbi, mbi yeke zi ala na maboko ti ala; mbi yeke zi ala na kua ti batango ataba ni, tongaso si awabatango-taba ni alingbi ti gi kobe ndali ti ala wani mbeni pepe. Mbi yeke gboto ataba ni na yanga ti ala si ataba ni ayeke kiri ti duti kobe ti ala pepe.

Ezekiel 34:6

Ataba ti mbi ahon kirikiri na ndö ti akota hoto kue nga na ndö ti akete hoto kue; ataba ti mbi akangbi kirikiri, mbage na mbage na ndö ti sese kue. Zo oko ti baa tënë ti ala ayeke daa pepe; zo oko ti gi ala ayeke daa pepe.

Jérémie 2:3

Israel, mo yeke ando ye so a bata nde gi ndali ti KOTA GBIA. Mo yeke tongana akozo le ti kobe so ayeke ti lo; tongana ambeni zo ate ni, ala yeke wara tënë: sioni ye ayeke wara ala.’ So tënë ti yanga ti KOTA GBIA laa.”

Néhémie 5:8

Mbi tene na ala: “A-ita ti e azuife so a ka ala lani na amara nde, e laa e kiri e vo ala alingbi na nginza so e yeke na ni. Fadeso ala laa akiri ayeke ka a-ita ti ala? Ala ye ti ka ala taa na e amba ti ala, amolenge ti kodro?” Yanga ti ala ade sui, zo oko akiri azi yanga pepe.

2 Agbia 4:1

Mbeni lâ, mbeni wali so koli ti lo ayeke na ya ti bongbi ti awayanga-Nzapa, aga ti baa Élisée si atene: “Koli ti mbi so ayeke lani zo ti kua ti mo, akui awe. Lo yeke kpe ando mbeto ti *KOTA GBIA mingi; mo hinga kue. Fadeso mbeni koli so boon ti lo ayeke na li ti e aga ti mu amolenge ti mbi use titene ala ga angbaa ti lo.”

Aye so Nzapa afa 18:13

anzoni ye nde nde ti tongo na kobe, amara ti yombo nde nde, *mire, dukani, vin, mafuta, farini, *ble, abagara, ataba, ambarata, apusu ti mbarata, angbaa na azo so a gbu ala na ya ti bira.

Jean 10:1

Jésus atene: “Biani, mbi tene na ala taa-tënë: zo so ali na ya ti gbagba ti ataba na yanga ti gbagba ni pepe, me lo li na mbeni lege nde, andaa lo yeke zo ti nzi si lo yeke sioni zo.

Aye so Nzapa afa 3:17

Mo yeke tene: ‘Mbi yeke zo ti mosoro, mbi wara mosoro mingi, mbeni ye atia mbi pepe.’ Andaa mo hinga pepe mo tene, mo yeke zo ti mawa, zo so ye ahon ndö ti lo, zo ti iringo ye, waziba na zo so bongo ayeke na tere ti lo pepe.

Osée 12:9

Mo tene ti mo, mo tene: ‘Taa-tënë, mbi wara mosoro mingi, mbi wara anzoni ye mingi. Me na ya ti aye so kue mbi wara so, zo oko alingbi ti wara sioni wala siokpari daa pepe.’

Amos 2:6

Tënë so KOTA GBIA atene ayeke so: “Mbi yeke na tënë na azo ti Israel ndali ti asioni ye ota, wala osio so ala sara: ala ka zo ti mbirimbiri ti wara na nginza, ala ka wayere ti wara na pâpä. Ndani laa, ngbanga so mbi fâ na li ti ala, mbi yeke kiri na ndö ni oko pepe.