Zakarii 11:17 - Mbeti ti Nzapa - Tënë so amu fini

¹⁷ Mawa na wabatango-taba so lo hinga ndo pepe, lo so lo do ataba ti lo, lo zia ala so! Ayeke nzoni a de maboko ti lo si a koro le ti lo ti mbage ti koli na ya ti bira! Ayeke nzoni maboko ti lo ahole biani biani, le ti lo ti mbage ti koli amingo biani biani!

Zakarii 11:17 Referans Kwoze

Jérémie 23:1

“So mawa! Awabatango-taba azia ataba ti mbi, ala yeke kui si ala yeke kangbi kirikiri!” So tënë ti yanga ti *KOTA GBIA laa.

Ezekiel 13:3

Tënë so mbi Kota Gbia NZAPA, mbi tene ayeke so: Mawa na ala, awayanga-nzapa so ahinga ndo pepe! Ala so abaa ye oko pepe si ala mu gi atënë ti ya ti li ti ala si ayeke tene so.

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

Ezekiel 34:2

“*Molenge ti zo, tene peko ti tënë ti yanga ti mbi na tere ti awabatango-zo ti Israel. Tene peko ti tënë ti yanga ti mbi na tere ti ala, mo tene: Tënë so Kota Gbia NZAPA atene ayeke so: Mawa na awabatango-zo ti Israel! Ala yeke gi kobe gi ndali ti ala wani! Awabatango-taba alingbi fade ti gi kobe ndali ti ataba pepe?

Matthieu 23:16

“Mawa na ala, ala awaziba so ayeke fa lege na amba ti ala! Ala yeke tene: ‘Zo so adeba na iri ti kota da ti Nzapa, so ayeke senge; me tongana lo deba na iri ti lôro so ayeke na ya ti kota da ti Nzapa ni, andaa lo kanga tere ti lo awe.’

Jérémie 23:32

Awayanga-Nzapa so ayeke tene peko ti bango-li ti mvene so, mbi na ala, e yeke baa ya ni; so tënë ti yanga ti KOTA GBIA laa. Na tenengo peko ti bango-li ni, ala yeke handa azo ti mbi ti gue kirikiri na lege ti atënë ti mvene ti ala nga na lege ti baba ti ala. Mbi, mbi tokua ala pepe, mbi mu yanga na ala pepe; ala yeke sara nzoni na azo ti mbi oko pepe; so tënë ti yanga ti KOTA GBIA laa.”

Rome 11:7

Nyen? Ye so azo ti Israel agi, ala wara ni pepe, gi azo so Nzapa asoro ala laa awara ye ni. Me ti tanga ti azo ni, Nzapa asara si mango ya ti tënë ni aga ngangu na ala,

Jean 12:40

“Nzapa asara si le ti ala akanga, lo sara si ala hinga ndo pepe. Tongaso si ala baa ndo pepe, ala hinga ndo pepe si ala zia ngbene lege ti sarango ye ti ala pepe. Tongaso si mbi kai kobela ti ala pepe.”

Jean 9:39

Jésus atene: “Mbi ga na dunia so ti fâ ngbanga: tongaso si awaziba abaa ndo si azo so ayeke baa ndo, akiri aga awaziba.”

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Jérémie 22:1

Tënë so *KOTA GBIA atene na Jérémie ayeke so: “Gue na yangbo ti gbia ti Juda, mo tene tënë so kâ.

Ésaïe 44:10

So ye ti buba ti nyen titene zo aleke mbeni nzapa, wala lo kporo wen ti sara na yanda so lo yeke wara ye na peko ni pepe!

Ésaïe 29:10

Biani, *KOTA GBIA asara si yingo ti kota lango aga na ndö ti ala. Lo kanga le ti awayanga-Nzapa ti ala, lo bi bongo na le ti azo ti bango nda ti aye ti ala.

Ésaïe 9:15

Azo so afa lege na azo ni so, ala fa na azo ni sioni lege; azo so azo ni afa lege na ala so, ala mu sioni lege.

1 Agbia 13:4

Gi so Yeroboam ama tënë so zo ti Nzapa atene na tere ti gbalaka ti Betel, lo yoro maboko ti lo na ndö ti gbalaka ni, lo dekongo, lo tene: “Ala gbu koli so!” Me maboko ti lo so lo yoro so angba gi na nduzu, ahole; lo lingbi ti kiri na ni na tere ti lo pepe.

1 Samuel 2:31

Baa, lango titene mbi zi ngangu ti mo na ti azo ti kete mara ti mo kue aga nduru awe. Fade a yeke kiri ti wara mbeni mbakoro na ya ti sewa ti mo pepe.

Zakarii 10:2

Anzapa ti da ayeke kiri na ala atënë ti mvene, azo ti bango nda ti aye ayeke fa na ala nda ti ye na legeni pepe; abango-li ti ala ayeke gi asenge ye, atënë ti dengo be so ala yeke tene na azo ayeke gi ye ti handango azo ni. Ndani laa azo ni ague, mawa na be ti ala tongana ataba so zo ti batango ala ayeke daa pepe.

Zakarii 11:15

KOTA GBIA akiri atene na mbi: “Fadeso, mo sara tere ti mo tongana mbeni wabatango-taba so li ti lo ayeke daa pepe.