Tite 3:4 - Mbeti ti Nzapa - Tënë so amu fini

⁴ Me na ndembe so Nzapa, Wasongo e, afa nzoni be ti lo na azo si lo fa nga yengo so lo ye azo na ni,

Tite 3:4 Referans Kwoze

1 Timothée 4:10

Biani, pasi so e yeke baa wala bira so e yeke tiri ayeke ndali ti so e zia be ti e ti ku Nzapa so ayeke na fini. Lo yeke Wasongo azo kue, mbirimbiri azo so ama na be.

Ahebro 9:26

Tongana ye ni ayeke fade tongaso, ngbene ye so dunia abaa gigi, ka Christ abaa pasi fani mingi awe. Me so lango ti ndani aga nduru awe, Christ asi fani oko biani biani titene lo zi asiokpari ti azo na lege ti mene ti lo wani.

Rome 2:4

So Nzapa ayeke sara nzoni be mingi na mo, lo yeke fâ ngbanga na li ti mo hio pepe si lo yeke kanga be ti lo ti ku mo so, so ayeke senge na le ti mo? Lo yeke sara nzoni be na mo titene mo zia ngbene lege ti sarango ye ti mo; mo hinga so pepe?

Tite 1:3

So ngoi ni alingbi awe, Nzapa, Wasongo e afa tënë ti lo, lo mu na mbi tënë ni si mbi yeke fa ni na peko ti yanga so lo mu na mbi.

2 Timothée 1:10

Nzapa afa nzoni be ti lo ni fadeso na lege ti gango ti Jésus Christ, Wasongo e. Lo hon ndö ti kuâ na ngangu awe si na lege ti Nzoni Tënë, lo fa polele na azo fini so angba lakue lakue.

1 Timothée 2:3

Baa, ye so ayeke nzoni si anzere na le ti Nzapa, Wasongo e laa.

1 Timothée 1:1

Mbi Paul, mbi yeke *watokua ti Jésus Christ na peko ti yanga ti Nzapa, Wasongo e, lo na Jésus Christ so e zia be ti e kue na ndö ti lo.

Nzoni Tënë so Luc asu na mbeti 1:47

Be ti mbi asi singo na ngia ndali ti Nzapa, Wasongo mbi,

1 Pierre 2:3

Biani, Mbeti ti Nzapa atene: “Ala wani atara so *Kota Gbia ayeke nzoni.”