Tite 1:14 - Mbeti ti Nzapa - Tënë so amu fini

¹⁴ alingbi ala zia be ti ala pepe na ndö ti atoli ti azuife nga na ndö ti fango tënë ti azo so azia lege ti taa-tënë.

Tite 1:14 Referans Kwoze

2 Timothée 4:4

Fade ala yeke kanga mê ti ala ti ma taa-tënë si ala yeke zi mê ti ala kue ti ma gi ambai ti mvene.

Kolose 2:22

So kue ayeke gi andia so a leke ndali ti aye so ayeke hon hongo na peko ti so azo asara kua na ni. So ayeke gi andia na afango ye ti li ti azo laa!

2 Pierre 2:22

Ye so asi na ala alingbi na toli so ayeke taa-tënë; toli ni atene: “Mbo akiri na tere ti kobe so lo de na sese awe” si “nguru so a sukula lo fafadeso, akiri ati na ya ti potopoto.”

Galasii 4:9

Me fadeso ala hinga Nzapa awe – ti tene taa-tënë, Nzapa laa ahinga ala –. Ayingo so ayeke na ngangu pepe si ala yeke nga ye oko pepe so, ala ye ti kiri ti mu peko ti ayingo ni so tongana nyen? Ngbanga ti nyen si ala azo ti Nzapa, ala ye ti kiri ti ga angbaa ti ala?

Matthieu 15:9

Vorongo so ala yeke voro mbi so, ayeke gi senge senge, ngbanga ti so ala yeke fa gi andia so azo laa asigigi na ni.’ ”

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Marc 7:7

Vorongo so ala yeke voro mbi, ayeke gi senge senge, ngbanga ti so ala yeke fa gi andia so azo laa asigigi na ni.’ ”

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Tite 3:11

Mo hinga so mara ti zo tongaso, lo girisa lege awe. So lo ngba ti sara siokpari, lo fâ ngbanga na li ti lo wani awe.