Sigingo 9:16 - Mbeti ti Nzapa - Tënë so amu fini

¹⁶ Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Sigingo 9:16 Referans Kwoze

Rome 9:17

Na ya ti Mbeti ti Nzapa, Nzapa atene na Faraon: “Taa ye so mbi mu mo ti ga gbia ndali ni ayeke titene mbi fa ngangu ti mbi na lege ti mo si azo agonda iri ti mbi na ndö ti sese kue.”

Amato 16:4

Ye so kue KOTA GBIA asara, nda ni ayeke daa. Ataa zo ti sioni, lo sara lo ti ku na lango ti ye ti sioni.

Abia (Psaumes) 64:9

Tënë ti yanga ti ala akiri na ndö ti ala wani. Azo so kue abaa ala, ayeke yingi li ti ala.

1 Mbai 16:24

Ala tene tënë ti gonda ti lo na amara nde, ala tene tënë ti akota ye so lo sara na popo ti azo kue.

Sigingo 14:17

Ti mbi, mbi yeke sara titene be ti azo ti Ezipte akpengba si ala li na peko ti ala na ya ti kota ngu-ingo ni. Fade mbi yeke fa gonda ti mbi na ndö ti Faraon nga na ndö ti aturugu ti lo kue, apusu ti mbarata ti lo nga na azo ti kpengo na mbarata ti lo.

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.

Rome 9:22

Nzapa aye ti fa ngonzo ti lo na azo si lo ye ti sara si ala hinga ngangu ti lo. Andaa azo so lo sara ngonzo na tere ti ala si ala yeke nduru titene lo fâ ngbanga ti kuâ na li ti ala, lo kanga be ti lo mingi na ala,

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Sigingo 18:11

Fadeso mbi hinga, mbi tene, KOTA GBIA ayeke kota ahon anzapa kue. Lo fa ni na ngoi so azo ti Ezipte ayeke sara sana na azo ti Israel.”

Sigingo 14:4

Mbi yeke sara titene be ti Faraon akpengba si lo tumba peko ti ala. Tongaso, fade mbi yeke fa gonda ti mbi na ndö ti Faraon nga na ndö ti aturugu ti lo kue. Tongaso si azo ti Ezipte ahinga atene mbi laa mbi yeke KOTA GBIA.” Nilaa azo ti Israel asara ye ni tongaso.

1 Pierre 2:19

Biani, ndali ti so ala ye ti ma yanga ti Nzapa, ayeke nzoni ala kanga be ti ala tongana azo asara pasi na ala senge senge.

Malashii 1:14

Deba aga na ndö ti zo ti mayere so lo yeke na nzoni koli-nyama na popo ti anyama ti lo! Lo mu fade yanga ti mu nzoni nyama ni na mbi na sandaga, me na pekoni, lo mu gi nyama so mbeni mbage ti tere ti lo abuba awe. Biani, mbi yeke kota gbia so amara nde ayeke kpe mbeto ti mbi. Tënë so KOTA GBIA so ayeke na ndö ti dunia kue atene laa.”

1 Samuel 4:8

Azo, e kui awe! Zo wa laa ayeke zi e na maboko ti ngangu Nzapa so? Nzapa so laa abi ando akpale nde nde na ndö ti azo ti Ezipte na ya ti benyama.

Sigingo 9:15

Tongana mbi yoro fade maboko ti mbi ti bi sioni kobela ti bubango kodro na tere ti mo nga na tere ti azo ti mo, ka ala hunzi na ndö ti sese so biani awe.

Sigingo 9:17

Ataa so kue, mo ngba ti kanga lege na azo ti mbi titene ala gue.

Néhémie 9:10

Mo sara aye ti dongo be na aye ti kpene na tere ti Faraon na azo ti kua ti lo, nga na tere ti azo ti kodro ti lo kue, ngbanga ti so mo hinga lege ti sarango ye ti ala so ala sara na baba na tere ti akotara ti e. Mo sara si iri ti mo awu si angba ti wu laso.

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Abia (Psaumes) 106:8

Me KOTA GBIA asoo ala ti bata nengo ti lo, ti sara si azo ahinga ngangu ti lo.

Jérémie 32:20

“Ando na Ezipte, mo sara aye ti dongo be na aye ti kpene ngbii asi laso. Mo sara si iri ti mo awu na popo ti azo ti Israel nga na popo ti tanga ti azo kue, tongana ti so a yeke baa ni laso so.

Ezekiel 39:21

“Fade mbi yeke fa gonda ti mbi na popo ti amara nde. Ala kue ayeke baa ngbanga so mbi yeke fâ nga na maboko ti mbi so mbi yeke yoro na ndö ti ala.

Wungo ti azo 14:21

Me na iri ti mbi KOTA GBIA so mbi yeke na fini si gonda ti mbi asi singo na ndö ti sese kue:

Josué 4:24

Lo sara tongaso titene azo ti ndö ti sese kue ahinga atene, maboko ti KOTA GBIA ayeke ngangu; tongaso si ala, azo ti Israel, ala kpe mbeto ti KOTA GBIA, Nzapa ti ala lakue.’ ”

2 Samuel 7:23

Mbeni mara oko na ndö ti sese so alingbi na azo ti Israel, azo ti mo, ayeke daa? Mo gue, mo zi azo ti Israel na gbe ti ngbaa ti azo ti Ezipte ti sara si ala ga azo ti mo. Ambeni nzapa asara tongaso ndali ti azo ti ala awe? Mo sara si iri ti azo ti mo awu na lege ti akota ye nga na aye ti dongo be so mo sara na ya ti kodro ti mo, na dawa ti azo ti mo so mo zi ala na Ezipte; mo zi ala na maboko ti ambeni mara nga na maboko ti anzapa ti amara ni, ti sara si ala ga azo ti mo.

2 Agbia 19:35

Gi na bi ni, *ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!