Sigingo 8:3 - Mbeti ti Nzapa - Tënë so amu fini

³ Me azo ti mazi ti Ezipte asara gi mara ti ye so na lege ti mazi ti ala. Ala nga asara si akongba asigigi amu ya ti kodro ni kue.

Sigingo 8:3 Referans Kwoze

Abia (Psaumes) 105:30

Akongba amu ya ti kodro ti ala kue, ataa ya ti akubu ti yangbo ti gbia.

Sigingo 12:34

Ndani laa azo ti Israel amu farini so ala gbu ya ni ti sara na mapa si ade ti suku pepe, ala gue na ni. Ala kanga ta ti gbungo ya ti farini ni na bongo ti ala si ala zia na ndö ti go ti ala.

Sigingo 8:2

Aaron ayoro maboko ti lo na ndö ti angu ti Ezipte si akongba asigigi amu ya ti kodro ni kue.

Sigingo 8:4

Faraon airi Moïse na Aaron si lo tene na ala: “Ala sambela KOTA GBIA titene lo zi akongba so na tere ti mbi nga na tere ti azo ti kodro ti mbi. Fade mbi yeke zia lege na azo ti Israel titene ala gue, aya *sandaga na KOTA GBIA.”

Sigingo 10:6

Ala yeke si singo na ya ti ayangbo ti mo, na ya ti ada ti azo ti gbe ti mo kue nga na ya ti ada ti azo ti Ezipte kue. Ye ni ayeke duti mbeni kota kpale so, ngbene ye na ngoi ti akotara ti mo ngbii asi fadeso, zo ade ti baa ni laoko pepe.’ ” Na pekoni, Moïse alondo na ndo ti Faraon, asigigi.

2 Mbai 22:11

Me na ndembe so a yeke fâ amolenge ni, Yosheba, molenge ti gbia ti wali amu Yoas, mbeni molenge ti Ahazia na hondengo ni. Lo honde molenge ni na wali ti batango lo na ya ti mbeni kubu so a zia agbogbo daa, na ya ti kota da ti Nzapa, tongaso si Atalii awara lege ti fâ lo pepe. – Yosheba, molenge ti gbia Yoram ayeke wali ti wayango-sandaga Yoyada, lo yeke nga ita ti Ahazia. –

Sigingo 7:11

Me gbia Faraon airi azo ti hingango nda ti aye nga na anganga; azo ti mazi ti Ezipte so asara gi mara ti ye so na lege ti mazi ti ala.

Sigingo 8:11

So Faraon abaa atene ye ni aga nzoni kete, lo sara ngangu li. Lo ma Moïse na Aaron pepe, alingbi na tënë so KOTA GBIA atene.