Sigingo 5:19 - Mbeti ti Nzapa - Tënë so amu fini

¹⁹ Azo ti Israel so ayeke akapita ti kua abaa so ye ni aga wâ na ala awe, ngbanga ti so a tene na ala, atene: “Fade ala yeke kiri na wungo ti abiriki ni na peko pepe. Na ya ti lango oko oko, ala yeke pika abiriki so wungo ni ayeke tongana ti kozo!”

Sigingo 5:19 Referans Kwoze

Zo ti bongbingo azo 5:8

Sese ayeke mu ye na azo kue. Ataa gbia ti kodro ayeke wara ye ti lo gi na lege ti fango yaka.

Zo ti bongbingo azo 4:1

Mbi kiri mbi baa ye ti ngangu so azo ayeke sara na amba ti ala na ndö ti sese so. A yeke sara ngangu na azo; me mbeni zo ti de be ti ala ayeke daa pepe. Azo so ayeke sara ngangu na amba ti ala laa ayeke na komandema; mbeni zo ti de be ti azo so a yeke sara ngangu na ala so ayeke daa pepe.

Ndia ti fani use ni 32:36

Biani, fade KOTA GBIA ayeke fâ ngbanga ti azo ti lo, lo yeke baa mawa ti azo ti kua ti lo na ndembe so lo yeke baa so ngangu ti ala ahunzi awe, mbeni zo ti mu maboko na ala ayeke daa pepe, ngbaa, wala zo so asigigi na gbe ti ngbaa ayeke daa mbeni pepe.

Sigingo 5:8

Fade ala tene na azo ti Israel ni ti sara biriki so wungo ni ayeke gi tongana ti kozo; ala kiri na wungo ni na peko pepe. Azo ni ayeke azo ti sopo! Ndani laa ala yeke dekongo, atene: ‘E gue, e mu *sandaga na Nzapa ti e si!’

Sigingo 5:18

Fadeso, ala kiri na yanga ti kua ti ala! A yeke kiri ti mu na ala pere pepe, me ala yeke sara gi wungo ti abiriki so a hunda na ala.”

Sigingo 5:20

So ala sigigi na ndo ti Faraon awe, ala gue, awara Moïse na Aaron so ayeke ku ala kungo.