Sigingo 4:7 - Mbeti ti Nzapa - Tënë so amu fini

⁷ KOTA GBIA akiri atene: “Kiri na maboko ti mo ni na ndö ti kate ti mo, na gbe ti bongo ti mo.” Moïse asara ye ni. So lo kiri lo zi ni, maboko ti lo ni akiri aga nzoni.

Sigingo 4:7 Referans Kwoze

2 Agbia 5:14

Tongaso Naaman azu na ngu ti Jourdain, lo li na ya ti ngu ni fani mbarambara alingbi na tënë so zo ti Nzapa atene. Na pekoni, tere ti lo aga *nzoni: poro ti tere ti lo akiri aga tongana ti kete molenge.

Matthieu 8:3

Jésus ayoro maboko ti lo, lo ndu koli ni si lo tene: “Mbi yeda! Ayeke nzoni tere ti mo aga nzoni!” Gi hio tongaso, buruma ti koli ni akai.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

Nzoni Tënë so Luc asu na mbeti 17:12

Na ndembe so lo yeke li na ya ti mbeni kete kodro, azo ti buruma baleoko aga ti tengbi na lo. Ala luti yongoro

Sigingo 4:8

KOTA GBIA atene lo: “Tongana ala yeda na tënë ti mo pepe, tongana ala ma yanga ti mo na kozo ye ti kpene ni pepe, fade ala yeke yeda na mo na use ye ti kpene ni.