Sigingo 4:23 - Mbeti ti Nzapa - Tënë so amu fini

²³ Mbi mu yanga na mo ti zia lege na lo ti gue ti voro mbi, me mo ke. Ndani laa, mbi yeke fâ kozo molenge ti mo ti koli.’ ”

Sigingo 4:23 Referans Kwoze

Sigingo 12:29

Na be ti bi, KOTA GBIA afâ akozo molenge-koli kue na ya ti kodro ti Ezipte: ti londo na kozo molenge ti gbia Faraon ti koli, lo so lo lingbi fade ti duti gbia na peko ti babâ ti lo, ngbii asi na kozo molenge ti azo so a gbu ala na kodro wande si abi ala na da ti kanga. Lo fâ nga akozo molenge-koli ti anyama.

Sigingo 11:5

Fade akozo molenge-koli so kue ayeke na kodro ti Ezipte ayeke kui: ti londo na kozo molenge ti mo Faraon, lo so lo lingbi ti duti gbia na peko ti mo, ngbii asi na kozo molenge ti ngbaa-wali so ayeke nika ale ti *ble, ala kue ayeke kui. Akozo molenge-koli ti anyama ayeke kui nga.

Abia (Psaumes) 135:8

Lo laa lo fâ akozo molenge-koli na Ezipte, akozo molenge ti azo na ti anyama.

Abia (Psaumes) 105:36

Lo fâ akozo molenge kue ti azo ti kodro ni, akozo molenge so azo ni adu na ngoi so tere ti ala angba ngangu.

Abia (Psaumes) 78:51

Na Ezipte, na popo ti *ahale ti Kam, lo fâ akozo molenge-koli kue, amolenge so azo adu ala na ngoi so azo ni angba na ngangu ti tere ti ala.

Sigingo 7:16

Mo tene na Faraon, mo tene: ‘KOTA GBIA, Nzapa ti ahebro atokua mbi ti tene na mo, atene: Zia lege na azo ti mbi titene ala gue, avoro mbi na benyama.’ Me mo ye ti ma pepe ngbii asi laso.

Sigingo 5:1

Na pekoni, Moïse na Aaron ague, awara gbia Faraon si ala tene na lo: “Tënë so KOTA GBIA, Nzapa ti Israel atene ayeke so: ‘Zia azo ti mbi ague na benyama si ala sara matanga kâ ti gonda na mbi.’ ”

Sigingo 6:11

“Gue mo tene tënë na Faraon, gbia ti Ezipte, titene lo zia lege na azo ti Israel ti sigigi na ya ti kodro ti lo.”

Sigingo 8:1

KOTA GBIA atene na Moïse: “Tene na Aaron, mo tene: ‘Yoro maboko ti mo nga na keke ti mo na ndö ti *abale, na ndö ti angu so ayeke sua na ya ti adu nga na ndö ti angu ti *alende; mo sara si akongba asigigi amu ya ti Ezipte kue.’ ”

Sigingo 8:20

KOTA GBIA asara ye ni tongaso: gba ti asioni vuma ali na ya ti yangbo ti gbia Faraon, na ya ti ada ti azo ti gbe ti lo na ti azo ti kodro ti Ezipte kue. Asioni vuma ni abuba kodro ni kue.

Sigingo 9:1

KOTA GBIA atene na Moïse: “Gue na ndo ti Faraon si mo tene na lo, mo tene: ‘Tënë so KOTA GBIA, Nzapa ti ahebro atene ayeke so: Zia lege na azo ti mbi titene ala gue, avoro mbi.

Sigingo 9:13

KOTA GBIA atene na Moïse: “Kekereke na kota ndaperere, mo londo mo gue, mo luti na dawa ti Faraon. Fade mo tene na lo: ‘Tënë so KOTA GBIA, Nzapa ti ahebro atene ayeke so: Zia lege na azo ti mbi titene ala gue, avoro mbi.

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Sigingo 18:8

Moïse afa na kogara ti lo peko ti ye so kue KOTA GBIA asara na Faraon nga na azo ti Ezipte ndali ti azo ti Israel. Lo fa nga na lo peko ti akpale so kue ala wara na lege si KOTA GBIA azi ala na ya ni.

Abia (Psaumes) 136:10

Lo fâ akozo molenge-koli na Ezipte, – Biani, nzoni be ti lo angba kpu na kpu!

Osée 11:1

*KOTA GBIA atene: “So Israel ade ando maseka, mbi ye lo, mbi iri molenge ti mbi ti koli titene lo sigigi na kodro ti Ezipte.

Sigingo 3:18

“Azo ti Israel ayeke ma ande mo; tongaso mo na akangba, ala yeke gue na ndo ti gbia ti Ezipte si ala yeke tene na lo: ‘KOTA GBIA, Nzapa ti ahebro afa tere ti lo na e. Fadeso, mu na e lango ota, e gue na benyama, e mu *sandaga na KOTA GBIA, Nzapa ti e.’

Sigingo 8:16

KOTA GBIA atene na Moïse: “Kekereke na kota ndaperere, mo londo mo gue, mo luti na dawa ti Faraon na ndembe so lo yeke gue na yanga ti *bale ti Nil. Fade mo tene na lo, mo tene: ‘Tënë so KOTA GBIA atene ayeke so: Zia lege na azo ti mbi titene ala gue, avoro mbi.

Sigingo 8:17

Tongana mo ke ti zia lege na azo ti mbi titene ala gue, fade mbi yeke tokua asioni vuma na ndö ti mo, na ndö ti azo ti gbe ti mo, na ndö ti azo ti kodro ti mo nga na ya ti ayangbo ti mo. Asioni vuma ni ayeke si singo na ya ti ada ti azo ti Ezipte, ala yeke mu ndö ti sese ti kodro so kue ala yeke duti daa.

Sigingo 9:2

Tongana mo ngba ti ke, tongana mo ngba ti gbanzi ala,

Sigingo 10:4

Tongana mo ngba ti ke, kekereke, mbi yeke tokua agbadola na ndö ti sese ti mo.

Sigingo 13:15

Lani Faraon akpengba be ti lo si lo ke ti zia lege na e ti gue. Tongaso KOTA GBIA afâ akozo molenge-koli kue ti kodro ti Ezipte, akozo molenge-koli ti zo na ti anyama. Ndani laa e yeke ya akozo molenge-koli ti anyama na *sandaga na KOTA GBIA. Me akozo molenge ti e ti koli, e yeke kiri ti vo ala vongo.’