Sigingo 4:20 - Mbeti ti Nzapa - Tënë so amu fini

²⁰ Tongaso Moïse amu wali ti lo na amolenge ti lo ti koli, lo zia ala na ndö ti lele si lo kiri na sese ti Ezipte. Lo mu na maboko ti lo keke so Nzapa atene na lo ti mu ni so.

Sigingo 4:20 Referans Kwoze

Sigingo 17:9

Moïse atene na Josué: “Soro ambeni koli, mo gue, mo tiri bira na azo ti mara ti Amalek. Kekereke, mbi yeke luti na li ti hoto, keke ti Nzapa na maboko ti mbi.”

Wungo ti azo 20:11

Moïse ayo maboko ti lo na nduzu, lo pika têne ni na nduru keke ti lo fani use. Mo ye ti baa, ngu asigigi gbani gbani na ya ti têne ni, bongbi ti azo ni anyon, ala na anyama ti ala.

Sigingo 4:2

Tongaso KOTA GBIA ahunda lo, atene: “Nyen laa ayeke na maboko ti mo so?” Moïse akiri tënë: “Keke laa.”

Sigingo 4:17

Ti keke ni, mu na maboko ti mo! Fade mo yeke sara aye ti kpene na ni.”

Awatokua 7:29

So Moïse ama tënë so, lo kpe, lo gue, lo duti na kodro ti Madian. Kâ, lo du amolenge-koli use.

Sigingo 2:22

Sefora adu molenge-koli si Moïse adi iri ti lo Gershom, so ti tene ‘Gene na ndo so’. Biani, Moïse atene lani, atene: “Mbi yeke gene na sese ti awande.”

Sigingo 14:16

Ti mo, mu keke ti mo, mo yoro ni na nduzu na ndö ti kota ngu-ingo; mo kangbi ya ti ngu ni mbage na mbage titene azo ti Israel ahon na popo ni na ndö ti kuru sese.

Sigingo 18:6

Zetro atokua na Moïse, atene: “Mbi kogara ti mo Zetro laa mbi ga ti baa mo so, mbi na wali ti mo nga na amolenge ti mo use.”