Sigingo 39:13 - Mbeti ti Nzapa - Tënë so amu fini

¹³ Na osio molongo ni, ala zia krizolite, kornaline na zaspe. Ala zia têne oko oko na ya ti kadere so a sara na lôro.

Sigingo 39:13 Referans Kwoze

Aye so Nzapa afa 21:20

oku gere ni na oniks, omene gere ni na sardoane, mbarambara gere ni na krizolite, miombe gere ni na berile, gumbaya gere ni na topaze, baleoko gere ni na krizopraze, baleoko na oko gere ni na turkoaze, baleoko na use gere ni na ametiste.

Sigingo 28:11

Tongana ti so zo ti sarango ye na kode ayeke kpaka iri na ndö ti atêne, mo yeke kpaka iri ti amolenge ni na ndö ti atêne use so tongana ti so a yeke kpaka iri ti zo na ndö ti *ye ti kpongo na nzoroko. Na pekoni, mo yeke zia atêne ni na ya ti akadere use ti lôro.

Sigingo 39:12

Na ota molongo ni, ala zia yasente, agate na ametiste.

Sigingo 39:14

Ala kpaka iri ti amolenge ti Jacob baleoko na use na ndö ti têne oko oko tongana ti so a yeke kpaka iri ti zo na ndö ti *ye ti kpongo na nzoroko. Wungo ti atêne ni alingbi na wungo ti amara baleoko na use ti Israel.

B. ti abia 5:14

Maboko ti lo ayeke tongana aye ti maboko ti lôro so a zia topaze na tere ni. Tere ti lo ayeke tongana pembe ti doli so a zia safir na tere ni.

Tongo nda ti aye 2:12

lôro ti kodro ni ayeke lôro ti nzoni ni; bedelium na têne ti kornaline ayeke nga daa.

Sigingo 28:9

Fade mo yeke mu atêne ti kornaline use si mo yeke kpaka iri ti amolenge ti Jacob na ndö ni.

1 Mbai 29:2

Mbi mu ngangu ti mbi kue ti leke aye ndali ti kota da ti Nzapa ti mbi: mbi bongbi lôro ndali ti aye so a yeke sara ni na lôro, wen ti nginza ndali ti aye so a yeke sara ni na wen ti nginza, bengba wen ndali ti aye so a yeke sara ni na bengba wen, wen ndali ti aye so a yeke sara ni na wen nga na keke ndali ti aye so a yeke sara ni na keke. Mbi mu nga atêne ti kornaline na atêne so a yeke zia na tere ti aye titene apendere, avuko têne na atêne so nzoroko ni ayeke nde nde, amara ti atêne nde nde kue ti ngangu ngere nga na gba ti apendere têne ti sarango na da.

Ezekiel 1:16

Aruu ni osio kue akpa tere si tere ti ala ayeke za tongana têne ti krizolite. Na bango aruu ni, mo baa mo tene, ala li na ya ti amba ti ala si ala gbu tere.