Sigingo 38:8 - Mbeti ti Nzapa - Tënë so amu fini

⁸ Na pekoni, lo mu bengba wen, lo sara na mbeni kota sembe; lo sara nga gere ni na bengba wen. Lo mu tatara ti awali so ayeke sara kua na yanga ti da ti bongo so Nzapa na azo ti lo ayeke wara tere daa si lo sara na kota sembe ni.

Sigingo 38:8 Referans Kwoze

Nzoni Tënë so Luc asu na mbeti 2:37

Na pekoni, lo ga wali-mua; lo yeke na ngu balemiombe na osio, lo ngba gi na ya ti kota da ti Nzapa; bi na lâ, lo yeke sara kua ti Nzapa, lo yeke ke kobe si lo yeke sambela.

1 Samuel 2:22

Heli aga mbakoro mingi. Lo ma tënë ti ye so amolenge ti lo ayeke sara na azo ti Israel kue. Lo ma nga atene, amolenge ti lo ayeke lango na awali so ayeke sara kua na yanga ti da ti bongo so *KOTA GBIA na azo ti lo ayeke wara tere daa.

Sigingo 40:7

Mo yeke zia kota sembe ni na ndo so ayeke na popo ti da ni na gbalaka ni si mo yeke to ngu daa.

1 Timothée 5:5

Ti taa wali-mua so lo yeke duti gi lo oko, lo zia be ti lo ti ku Nzapa; lo sambela lakue bi na lâ titene Nzapa amu maboko na lo.

Jean 13:10

Jésus atene na lo: “Zo so asukula tere ti lo awe, lo lingbi ti kiri ti sukula tere ti lo pepe, me gi gere ti lo. Biani, tere ti lo avuru awe. Ti ala, tere ti ala avuru awe, me ala kue pepe.”

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Abia (Psaumes) 26:6

KOTA GBIA, mbi sukula maboko ti mbi ti fa so tënë ayeke na li ti mbi pepe, tongaso si mbi ngoro gbalaka ti mo.

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.

1 Jean 3:7

Amolenge ti mbi, ala zia mbeni zo ahanda ala pepe! Zo so ayeke sara ye ti mbirimbiri, lo yeke zo ti mbirimbiri, tongana ti so Jésus ayeke mbirimbiri.

Ahebro 9:10

Aye so kue ayeke gi asenge ndia ti azo, andia so ayeke na ndö ti tengo akobe, na nyongo ye, na tënë ti *sukulango asioni nde nde. Ndia so ayeke ngba ngbii asi na ndembe so Nzapa asara titene ye oko oko kue akiri aga fini ni.

Jean 18:16

Me Pierre angba ti lo na gigi nduru na yanga ti gbagba ni. Mbeni disiple ni, lo so kota wayango-sandaga ahinga lo so, asigigi, lo tene tënë na wali so ayeke bata yanga ti gbagba ni si lo zia lege na Pierre ti li.

Matthieu 26:69

Pierre ayeke duti na gigi na ya ti gbagba ni. Mbeni wali so ayeke sara kua kâ aga nduru na tere ti lo si atene na lo: “Mo nga, mo yeke mu peko ti Jésus, zo ti Galile so!”

Amato 8:34

Ti lo nzoni, zo so ama mbi, zo so ayeke bata yanga ti da ti mbi lakue; lo yeke sara sanziri na tere ti yanga ti da ti mbi.

1 Agbia 7:38

Hiram asara akota sembe baleoko na bengba wen; a zia ni na ndö ti apusu baleoko. Yongo ti kota sembe oko na nduzu ayeke metere use; sembe oko ayeke mu litere ti ngu 1 600.

Sigingo 31:9

gbalaka so a yeke ya *sandaga so a yeke gbi ni kue na wâ na ndö ni na agbakuru ni kue, kota sembe na gere ni,

Sigingo 38:7

Lo yoro akeke ni na ya ti akati so ayeke na tere ti gbalaka ni mbage na mbage ti yo na ni. Lo sara gbalaka ni na *mabaya si ya ni ayeke senge.

Sigingo 30:17

KOTA GBIA atene na Moïse:

2 Mbai 4:2

A kporo bengba wen si a sara na ngbongboro sembe. Ti londo na yanga ni ti si na mbeni yanga ni, yongo ni ayeke metere oku. Ti londo na ngbonda ni ti si na yanga ni na nduzu, yongo ni ayeke metere use na ndambo. Tongana a gboto kamba na yanga ni angoro na ni atengbi, alingbi metere baleoko na oku.

Ésaïe 3:23

atatara, anduzu bongo so a sara na *len, abongo ti gbeni nga na abongo ti bingo na tere.