Sigingo 37:20 - Mbeti ti Nzapa - Tënë so amu fini

²⁰ Na tere ti gere ti alamba ni wani, akopo osio so a sara ni si akpa ndika, na akutu ni nga na aye so akpa kongo ayeke na tere ni.

Sigingo 37:20 Referans Kwoze

Jérémie 1:11

Tënë ti KOTA GBIA asi na mbi, atene: “Jérémie, nyen laa mo baa, nyen?” Mbi kiri tënë: “Mbi baa maboko ti keke ti amande.”

Zo ti bongbingo azo 12:5

Na ngoi ni so, fade mbeto ti guengo na li ti hoto ayeke sara zo; kota mbeto ayeke sara zo na ndö ti lege; fade kua ti li ti zo ayeke vuru tongana tukia; tambula ti zo ayeke ne nengo tongana gbadola so ate ye ahon ndoni. Aye so asara si kobe anzere, nzerengo ni ahon. Tongaso laa zo ayeke gue na ndangba ndo ti lango ti lo. Awali so ahinga ti toto kuâ ayeke ku na ndö ti lege ti toto kuâ.

Wungo ti azo 17:8

Moïse na Aaron ague, aluti na yanga ti da ti bongo so KOTA GBIA na azo ti lo ayeke wara tere daa.

Sigingo 25:33

Na ndö ti maboko oko oko ti gere ti alamba ni, fade akopo ota so a sara ni si akpa ndika, na akutu ni nga na aye so akpa kongo ayeke duti na tere ni.

Sigingo 25:31

“Fade ala yeke sara mbeni gere ti alamba na lôro ti nzoni ni so a pika tere ni pikango. Gere ti alamba ni, amaboko ni, akopo ni, akutu ni nga na akongo ni ayeke bongbi kue ti ga gi ye oko.

Sigingo 25:34

Ti gere ti alamba ni wani, akopo osio so a sara ni si akpa ndika, na akutu ni nga na aye so akpa kongo ayeke duti na tere ni.

Sigingo 37:19

Na ndö ti maboko oko oko ti gere ti alamba ni, akopo ota so a sara ni si akpa ndika, na akutu ni nga na aye so akpa kongo ayeke na tere ni.

Sigingo 37:21

Na gbe ti akozo maboko use ti gere ti alamba ni so asigigi, oko na mbage, oko na mbage, kutu oko oko ayeke duti daa. Kutu oko oko aduti nga na gbe ti tanga ti amaboko use use so asigigi so. Ye ni aduti gi tongaso ndali ti amaboko omene so kue.