Sigingo 34:18 - Mbeti ti Nzapa - Tënë so amu fini

¹⁸ “Alingbi ala sara matanga ti Mapa so a sara na mama ni pepe: na ya ti lango mbarambara na nze ti Abib, fade ala yeke te mapa so a sara na mama ni pepe alingbi na yanga so mbi mu na ala. Biani, lani na nze ti Abib laa ala sigigi na Ezipte.

Sigingo 34:18 Referans Kwoze

Awayango-sandaga 23:6

“Na lango baleoko na oku ti oko nze ni, ala yeke sara matanga ti Mapa so a sara na mama ni pepe ndali ti mbi KOTA GBIA. Na ya ti lango mbarambara, ala yeke te mapa so a sara na mama ni pepe.

Sigingo 13:4

Laso na nze ti Abib laa ala sigigi.

Awatokua 12:3

So lo baa ye so lo sara anzere na be ti azuife, lo tokua titene a gbu Pierre. Ye so asi na ndembe ti matanga ti Mapa so a sara na mama ni pepe.

Nzoni Tënë so Luc asu na mbeti 22:1

Matanga ti Mapa so a sara na mama ni pepe aga nduru awe; matanga so a iri ni *Pake.

Marc 14:1

*Matanga ti Pake na ti Mapa so a sara na mama ni pepe angba lango use. Akota wayango-sandaga na awafango-ndia ayeke gi lege ti gbu Jésus na lege ti mbeni mayere titene ala fâ lo.

Sigingo 23:15

Kozo matanga ni ayeke matanga ti Mapa so a sara na mama ni pepe. Na nze ti Abib, na ya ti lango mbarambara, mapa so a sara na mama ni pepe, ala yeke te ni alingbi na yanga so mbi mu na ala. Biani, na nze ti Abib laa ala sigigi na Ezipte. Fade zo ayeke ga na ya ti da ti mbi maboko senge pepe.

Sigingo 12:2

“Nze so ayeke duti ande kozo nze ti ala. Nze so laa ayeke duti kozo nze ti ngu oko oko.

Sigingo 12:42

Na ndembe so KOTA GBIA azi azo ti lo na kodro ti Ezipte asigigi na ala, na bi ni kue, lo baa ndo na ndö ti ala. Bi ni so ayeke ti KOTA GBIA. Legeoko nga, na bi ni so, alingbi ahale ti Israel ti angoi kue alango pepe.

Wungo ti azo 28:16

“Na lango baleoko na osio ti kozo nze ni, fade ala yeke sara *matanga ti Pake ndali ti *KOTA GBIA.

Wungo ti azo 28:17

Na lango baleoko na oku ti oko nze ni so, ala yeke to nda ti matanga ni. Na ya ti lango mbarambara, ala yeke te mapa so a sara na mama ni pepe.

Sigingo 13:3

Moïse atene na azo ni, atene: “Lango so lani ala sigigi na sese ti Ezipte, ndo so ala yeke angbaa daa so, ala dabe ti ala na ni! Biani, na lege ti ngangu ti maboko ti KOTA GBIA, lo zi ala, lo sigigi na ala na ya ti kodro ni. Mapa so a sara na mama ni, fade ala te ni pepe.

Sigingo 23:14

“Na ya ti ngu oko oko, fade ala yeke sara akota matanga ota ndali ti mbi.