Sigingo 34:10 - Mbeti ti Nzapa - Tënë so amu fini

¹⁰ KOTA GBIA atene na Moïse: “Mbi yeke sara titene mbi na ala e ga ambuki. Na le ti azo ti mo kue, fade mbi yeke sara aye ti dongo be so ade ti si laoko pepe na mbeni ndo na ndö ti sese so wala na popo ti mbeni mara. Fade azo so kue angoro mo ayeke baa akota ye so mbi sara na lege ti mo si aye ni ayeke zia mbeto na be ti ala.

Sigingo 34:10 Referans Kwoze

Ndia ti fani use ni 10:21

Lo laa alingbi ala sepela lo, lo laa lo yeke Nzapa ti ala. Ndali ti ala laa lo sara akota ye na aye ti ziango mbeto na be ti zo so ala wani abaa na le ti ala so.

Abia (Psaumes) 77:14

Nzapa, ye so kue mo sara ayeke nde si ayeke nzoni kue. Mbeni nzapa so ayeke kota tongana mo ayeke daa?

Ésaïe 64:3

Mara ti ye so mo sara ndali ti azo so azia be ti ala na ndö ti mo, mbeni nzapa nde asara ni laoko pepe, me gi mo oko. Zo oko ama tënë ni laoko pepe, zo oko ahinga tënë ni laoko pepe, zo oko abaa ni laoko pepe.

Abia (Psaumes) 66:5

Ala ga abaa aye so Nzapa asara! Akota ye so lo sara ayeke zia mbeto na be ti azo.

Jérémie 32:21

Na lege ti aye ti dongo be na aye ti kpene, mo sara si Israel, azo ti mo, asigigi na sese ti Ezipte; ala sigigi na lege ti ngangu ti maboko ti mo nga na lege ti maboko ti mo so mo yoro.

2 Samuel 7:23

Mbeni mara oko na ndö ti sese so alingbi na azo ti Israel, azo ti mo, ayeke daa? Mo gue, mo zi azo ti Israel na gbe ti ngbaa ti azo ti Ezipte ti sara si ala ga azo ti mo. Ambeni nzapa asara tongaso ndali ti azo ti ala awe? Mo sara si iri ti azo ti mo awu na lege ti akota ye nga na aye ti dongo be so mo sara na ya ti kodro ti mo, na dawa ti azo ti mo so mo zi ala na Ezipte; mo zi ala na maboko ti ambeni mara nga na maboko ti anzapa ti amara ni, ti sara si ala ga azo ti mo.

Abia (Psaumes) 78:12

Na Ezipte, na sese ti Soan, na le ti akotara ti ala, Nzapa asara ye ti kpene:

Abia (Psaumes) 66:3

Ala tene na Nzapa, atene: “Aye so mo sara ayeke zia mbeto na be ti zo! Ndali ti kota ngangu ti mo, awato ti mo ayeke woko tere ti ala na gbe ti mo.

Ndia ti fani use ni 32:30

Wato oko senge alingbi ti tumba peko ti aturugu ti Israel saki oko? Awato use senge alingbi ti sara si azo ti Israel saki baleoko akpe? Biani, mbi KOTA GBIA so mbi yeke Kota Têne ti batango ala, mbi zia ala na maboko ti awato ti ala ni awe.

Josué 6:20

Awayango-sandaga ahuru didi; gi so azo ama hurungo didi ni, ala dekongo ngangu si gbagba ni akungbi. Gi hio tongaso, azo ni ali na ya ti gbata ni, zo oko oko gi na dawa ti lo si ala mu gbata ni.

Sigingo 34:27

KOTA GBIA atene na Moïse: “Su andia so na mbeti, ngbanga ti so na lege ti andia so laa mbi yeke sara mbuki na mo nga na azo ti Israel.”

Abia (Psaumes) 145:6

Fade azo ayeke tene tënë ti aye ti kpene so mo sara na lege ti ngangu ti mo, mbi yeke tene peko ti akota ye so mo sara!

Abia (Psaumes) 106:22

lo sara aye ti kpene na kodro ti Kam, nga na aye ti ziango mbeto na be ti zo na tere ti kota ngu-ingo ti Asosongo.

Abia (Psaumes) 76:12

Ala azo, tongana ala mu zendo ti sara mbeni ye na *KOTA GBIA Nzapa ti ala, ayeke nzoni ala sara ye ni. Ala so kue angoro lo, ayeke nzoni ala ga na anzoni ye ti ala ti mu na Nzapa, lo so lo yeke zia kota mbeto na be ti azo so.

Abia (Psaumes) 65:5

Ti lo nzoni, zo so mo soro lo si mo sara titene lo ga nduru na mo, fade lo yeke duti na ya ti gbagba ti mo. Fade e yeke wara anzoni ye ti kota da ti mo, anzoni ye ti kota da ti mo so ayeke nde si ayeke nzoni kue so.

Abia (Psaumes) 147:20

Aye ni so, lo sara ni na ambeni mara pepe, amara ni ahinga atënë ti ndia ti lo pepe. Aleluya!

Ndia ti fani use ni 4:13

Lo sara si ala hinga tënë ti *mbuki ti lo. Lo mu yanga na ala titene ala bata mbuki ni na sarango ye alingbi na Andia baleoko so lo su na ndö ti akpangbara têne use.

Abia (Psaumes) 68:35

Ala azo, ala fa so Nzapa ayeke ngangu, nengo ti lo ti gbia ayeke na ndö ti Israel, ngangu ti lo ayeke na ya ti ambinda.

Sigingo 34:28

Moïse angba na KOTA GBIA na ndo so lango baleosio na bi baleosio. Lo te kobe pepe, lo nyon ngu pepe. Lo su na ndö ti atêne ni atënë ti mbuki so ayeke Andia baleoko.

Ndia ti fani use ni 9:19

Mbeto asara mbi ndali ti ngonzo ti KOTA GBIA na sioni ngonzo ti lo. Biani, ngonzo ti lo alondo tongana wâ na tere ti ala si lo ye ti fâ ala kue ti hunzi ala. Me ti so ni, KOTA GBIA akiri ama sambela ti mbi.

Abia (Psaumes) 72:18

Singila na *KOTA GBIA, Nzapa ti Israel, gi lo oko si lo yeke sara aye ti kpene!

Abia (Psaumes) 136:4

Lo oko laa lo sara akota ye ti kpene! – Biani, nzoni be ti lo angba kpu na kpu!

Mishe 7:15

Sara titene e baa aye ti kpene ti mo tongana ti so mo sara ando na ndembe ti sigingo ti e na kodro ti Ezipte.