Sigingo 33:16 - Mbeti ti Nzapa - Tënë so amu fini

¹⁶ Biani, tongana mo gue na e pepe, nyen laa ayeke fa atene, mo baa mbi na azo ti mo na nzoni le? Ye so ayeke fa atene, mbi na azo ti mo, e yeke nde na tanga ti amara ti ndö ti sese so ayeke so, mo yeke na popo ti e si mo yeke tambula na e.”

Sigingo 33:16 Referans Kwoze

Ndia ti fani use ni 4:7

KOTA GBIA Nzapa ti e ayeke lakue nduru na e tongana e iri lo ti mu maboko na e. Mbeni kota mara nde ayeke daa so anzapa ti lo ayeke nduru na lo tongana ti e so?

Wungo ti azo 14:14

Ala tene tënë ni na azo ti kodro so awe. Azo ni ahinga atene, mo KOTA GBIA, mo yeke na popo ti azo ti mo, mo yeke fa ka tere ti mo na ala. Mbinda ti mo ayeke luti na ndö ti ala; na kota lâ, mo yeke tambula na dawa ti ala na lege ti mbeni ngbongboro mbinda; na bi, mo yeke tambula na dawa ti ala na lege ti mbeni ngbongboro wâ.

1 Agbia 8:53

Biani, Kota Gbia NZAPA, mo laa mo soro e na popo ti amara kue ti sese so titene e ga azo ti mo. Mo tene tënë ni na e na lege ti Moïse, zo ti kua ti mo na ndembe so mo sara si akotara ti e asigigi na kodro ti Ezipte.”

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

Sigingo 34:10

KOTA GBIA atene na Moïse: “Mbi yeke sara titene mbi na ala e ga ambuki. Na le ti azo ti mo kue, fade mbi yeke sara aye ti dongo be so ade ti si laoko pepe na mbeni ndo na ndö ti sese so wala na popo ti mbeni mara. Fade azo so kue angoro mo ayeke baa akota ye so mbi sara na lege ti mo si aye ni ayeke zia mbeto na be ti ala.

2 Korente 6:17

Ndani laa *Kota Gbia Nzapa atene: “Ala sigigi na popo ti azo ni, ala duti yongoro! Ala ndu mbeni ye ti *sioni oko pepe, tongaso, fade mbi yeke yamba ala.”

2 Samuel 7:23

Mbeni mara oko na ndö ti sese so alingbi na azo ti Israel, azo ti mo, ayeke daa? Mo gue, mo zi azo ti Israel na gbe ti ngbaa ti azo ti Ezipte ti sara si ala ga azo ti mo. Ambeni nzapa asara tongaso ndali ti azo ti ala awe? Mo sara si iri ti azo ti mo awu na lege ti akota ye nga na aye ti dongo be so mo sara na ya ti kodro ti mo, na dawa ti azo ti mo so mo zi ala na Ezipte; mo zi ala na maboko ti ambeni mara nga na maboko ti anzapa ti amara ni, ti sara si ala ga azo ti mo.

Sigingo 8:22

Moïse akiri tënë: “E lingbi ti sara tongaso pepe, ngbanga ti so asandaga so e yeke ya na KOTA GBIA, Nzapa ti e so ayeke sioni ye mingi na le ti azo ti Ezipte. Tongana ala baa e na yango mara ti asandaga tongaso, fade ala yeke bo e na têne!

Abia (Psaumes) 147:20

Aye ni so, lo sara ni na ambeni mara pepe, amara ni ahinga atënë ti ndia ti lo pepe. Aleluya!

Ndia ti fani use ni 4:34

Mbeni nzapa nde atara laoko ti gue ti zi azo ti lo na gbe ti mbeni mara nde awe? Oko pepe, me KOTA GBIA Nzapa ti ala, azo ti Israel, ague, azi ala na sese ti Ezipte; ala wani abaa na le ti ala. Lo zi ala na lege ti ngangu ti maboko ti lo nga na lege ti maboko ti lo so lo yoro; na lege ti akota pasi, aye ti kpene na aye ti dongo be, akota ye ti ngangu nga na aye so ayeke zia mbeto na be ti zo.

Wungo ti azo 23:9

Na li ti akota têne so mbi yeke daa, mbi yeke baa ala; na li ti akete hoto so mbi yeke daa, le ti mbi angba ti baa ala; ala yeke azo so aduti nde. Ala bongbi tere na ambeni mara nde pepe.

Awayango-sandaga 20:24

Mbi tene lani na ala azo ti Israel, mbi tene: ‘Ala laa ayeke mu ande sese ti amara ni titene aga ti ala. Mbi laa mbi yeke mu sese ni na ala titene aga ti ala: *sese so ngu ti me ti bagara na mafuta ti wotoro asi singo daa!’ Mbi laa mbi yeke KOTA GBIA, Nzapa ti ala so mbi zia ala nde na popo ti amara nde.

Awayango-sandaga 20:26

“Ayeke nzoni ala duti nde, ala duti nzoni kue ndali ti mbi, ngbanga ti so mbi KOTA GBIA, mbi yeke nde si mbi yeke nzoni kue. Mbi zia ala nde na popo ti amara nde titene ala ga azo ti mbi.

Sigingo 34:9

Na pekoni, lo tene: “Kota Gbia, tongana mo baa mbi na nzoni le, ayeke nzoni KOTA GBIA, mo tambula na popo ti e! Biani, azo so ayeke azo ti ngangu li. Me ayeke nzoni mo zi sioni ti e na siokpari ti e na li ti e; mo baa e tongana ye so aga ti mo!”