Sigingo 33:11 - Mbeti ti Nzapa - Tënë so amu fini

¹¹ KOTA GBIA ayeke tene tënë na Moïse le na le tongana ti so zo ayeke tene tënë na mba ti lo. Na pekoni, Moïse ayeke kiri na ya ti bâbâ. Me Josué, molenge ti Nune, maseka so ayeke mu maboko na Moïse ayeke ngba ti lo na ya ti da ti bongo ni.

Sigingo 33:11 Referans Kwoze

Wungo ti azo 12:8

Mbi yeke tene tënë na lo le na le, na hondengo ni pepe. Mbi yeke fa tere ti mbi na lo si lo yeke baa limo ti mbi. Ngbanga ti nyen laa ala kasa Moïse, zo ti kua ti mbi so?”

Ndia ti fani use ni 34:10

Na sese ti Israel, mbeni wayanga-Nzapa so akiri aduti tongana Moïse ayeke daa pepe: lo na KOTA GBIA ayeke tene tënë lani le na le.

Sigingo 33:9

Tongana Moïse ali na ya ti da ti bongo ni awe, ngbongboro mbinda ayeke ga ti luti na yanga ti da ni; KOTA GBIA ayeke tene tënë na Moïse.

Sigingo 24:13

Moïse alondo, lo na Josué, zo ti mungo maboko na lo, ala ma na li ti hoto ti Nzapa.

Ndia ti fani use ni 5:4

Na li ti hoto, KOTA GBIA atene tënë na ala le na le, na ya ti wâ.

Tongo nda ti aye 32:30

Jacob ahunda lo, atene: “Mbi gbu gere ti mo, fa na mbi iri ti mo.” Zo ni akiri tënë, atene: “Mo hunda iri ti mbi ngbanga ti nyen?” Na pekoni, lo sara tufa na ndö ti Jacob na ndo ni so.

Jacques 2:23

Ye so asi alingbi na tënë so Mbeti ti Nzapa atene: “Abraham ama na be na Nzapa, tongaso Nzapa abaa lo tongana zo ti mbirimbiri”. Nzapa airi lo kamarade ti ni.

Jean 11:11

Na peko ti tënë so, Jésus atene na ala: “Lazare so e na lo, e ye tere, alango awe; me mbi yeke gue ti zingo lo.”

Jean 3:29

Zo so ayeke na wali ayeke koli ti wali ni; me zo so lo na koli ti wali ni aye tere, lo yeke luti nduru na tere ti koli ni si lo yeke na ngia ti ma go ti koli ti wali ni. Nda ti ngia so mbi yeke na ni laa; laso ngia ni alingbi kue.

Ésaïe 42:8

Mbi yeke KOTA GBIA, so iri ti mbi laa. Gonda so ayeke ti mbi, mbi yeke zia na mbeni zo nde pepe; nengo so ayeke ti mbi, mbi yeke zia na ayanda pepe.

Mbeti ti Job 16:21

Ayeke nzoni zo ti gbungo koko ti mbi aleke tënë ti mbi na ti Nzapa tongana ti so zo ti gbungo koko ayeke leke tënë ti zo na mba ti lo.

2 Mbai 20:7

Mo laa mo yeke Nzapa ti e so mo tumba ando azo ti kodro so na dawa ti azo ti Israel, azo ti mo; mo mu kodro ni na *ahale ti Abraham so aye mo mingi; mo mu kodro ni na ala titene aga ti ala biani biani!

Sigingo 32:17

Josué ama dekongo ti azo ni; lo tene na Moïse: “Azo ayeke dekongo ti bira na ya ti bâbâ kâ!”

Sigingo 17:9

Moïse atene na Josué: “Soro ambeni koli, mo gue, mo tiri bira na azo ti mara ti Amalek. Kekereke, mbi yeke luti na li ti hoto, keke ti Nzapa na maboko ti mbi.”

Sigingo 33:10

Azo kue ayeke baa ngbongboro mbinda so aluti na yanga ti da ti bongo ni. Tongaso azo kue ayeke londo si zo oko oko ayeke kuku, akpo li ti lo na sese na yanga ti da ti lo wani.

Wungo ti azo 11:28

Josué, molenge ti Nune ayeke sara kua na gbe ti Moïse, ngbene ye so lo de molenge. Josué adekongo na Moïse, atene: “Babâ, kanga lege na ala!”

Wungo ti azo 12:7

Ti Moïse, zo ti kua ti mbi, ye ni ayeke tongaso pepe. Lo laa mbi zia be ti mbi na ndö ti lo ti baa ndo na ndö ti aye ti da ti mbi kue.

Ndia ti fani use ni 31:14

*KOTA GBIA atene na Moïse: “Lango ti kuâ ti mo aga nduru awe. Mo iri Josué; mo na lo ague na ya ti da ti bongo so mbi na azo ti mbi, e yeke wara tere daa. Kâ, fade mbi yeke mu yanga na lo.” Tongaso, Moïse na Josué ague na ya ti da ti bongo so KOTA GBIA na azo ti lo ayeke wara tere daa.