Sigingo 32:9 - Mbeti ti Nzapa - Tënë so amu fini

⁹ KOTA GBIA atene na Moïse: Biani, mbi baa azo so awe; ala yeke azo ti ngangu li!

Sigingo 32:9 Referans Kwoze

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Ésaïe 48:4

Mbi hinga kue, ala yeke azo ti ngangu li, li ti ala akpengba tongana wen, li ti ala akpengba mingi.

Ndia ti fani use ni 9:13

KOTA GBIA akiri atene na mbi: “Mbi baa azo ni awe, ala yeke azo ti ngangu li!

Sigingo 34:9

Na pekoni, lo tene: “Kota Gbia, tongana mo baa mbi na nzoni le, ayeke nzoni KOTA GBIA, mo tambula na popo ti e! Biani, azo so ayeke azo ti ngangu li. Me ayeke nzoni mo zi sioni ti e na siokpari ti e na li ti e; mo baa e tongana ye so aga ti mo!”

Sigingo 33:5

KOTA GBIA atene na Moïse: “Tene na azo ti Israel, mo tene: ‘Ala yeke azo ti ngangu li! Tongana mbi gue na ala gi na ya ti kete nduru ngbonga, fade mbi yeke fâ ala kue ti hunzi ala. Fadeso, ala zi aye ti baba ti ala ni; mbi yeke baa ye so mbi yeke sara ndali ti ala.’ ”

Sigingo 33:3

Ala gue na *kodro so ngu ti me ti bagara na mafuta ti wotoro asi singo daa. Ti mbi, mbi yeke gue na ala pepe, ngbanga ti so ala yeke azo ti ngangu li. Tongana mbi gue na ala, fade mbi yeke fâ ala kue na lege ti hunzi ala.”

Ndia ti fani use ni 31:27

Biani, mbi hinga azo ti Israel kue: be ti ala akpengba mingi, ala yeke azo ti ngangu li. Laso, mbi de na fini na popo ti ala. Me ataa so kue, ala yeke tomboka na tere ti KOTA GBIA! Na peko ti kuâ ti mbi, fade ye ni ayeke ga ande tongana nyen?

2 Mbai 30:8

Fadeso, ala sara ngangu li tongana ti ababâ ti ala pepe; ala mu tere ti ala na KOTA GBIA, ala kiri aga na ndo ti lo so lo zia nde ndali ti lo wani kpu na kpu; ala sara kua na KOTA GBIA, Nzapa ti ala, tongaso si sioni ngonzo ti lo akai na tere ti ala.

Ndia ti fani use ni 9:6

Alingbi ala hinga atene, KOTA GBIA Nzapa ti ala ayeke mu ande sese ni na ala titene aga ti ala, me ayeke ndali ti mbirimbiri ti ala pepe. Biani, ala yeke azo ti ngangu li!

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Abia (Psaumes) 78:8

fade ala yeke sara ye tongana ti akotara ti ala pepe, akotara ti ala so ayeke ando azo ti ngangu li, azo ti kengo yanga, azo ti be use use, azo so abata yingo ti ala na Nzapa pepe.

Néhémie 9:17

Ala ke ti ma yanga ti mo; be ti ala agirisa na aye ti dongo be so mo sara ndali ti ala. Ala sara ngangu li si na ya ti tomboka ti ala, ala soro mbeni makonzi ti kiri na ala na gbe ti ngbaa na Ezipte. Me mo, mo zia ala pepe, ngbanga ti so mo yeke Nzapa so mo yeke zi siokpari na li ti zo, mo yeke sara nzoni be na zo si mo yeke baa mawa ti zo, mo yeke sara ngonzo hio hio pepe, nzoni be ti mo asi singo.

Ndia ti fani use ni 10:16

Tongaso, alingbi ala fâ be ti ala na *ganza, ala kiri asara ngangu li na KOTA GBIA pepe.

Osée 6:10

Na kodro ti Israel, mbi baa akota ye ti buba: kâ, Efraim ayeke sara ye ti ndumba si Israel aga *sioni ndali ni.

Jérémie 13:27

Asarango ye ti ndumba ti mo, totongo ti mo tongana ti mbarata so ayeke toto na peko ti wali-mbarata so, asarango ye ti ndumba ti mo na li ti ahoto, nga na ya ti ayaka ayeke mu kamene na zo! Mbi baa afungo nzapa ti mo so kue! So ye ti mawa ti nyen, Jérusalem! Mo ye ti ga *nzoni pepe! Mo yeke ngba ti sara ye tongaso ngbii asi lawa?”

Wungo ti azo 14:11

*KOTA GBIA atene na Moïse: “Azo so ayeke ngba ti ke mbi ngbii asi lawa? Ala yeke ke ti zia be ti ala na ndö ti mbi ngbii asi lawa, ataa aye ti kpene so kue mbi sara na popo ti ala?

2 Agbia 17:14

Me azo ti Israel ama tënë ni pepe. Ala sara ngangu li tongana ti akotara ti ala so ake ando ti ma na be na KOTA GBIA, Nzapa ti ala.

Néhémie 9:16

Me baba ahon ndö ti akotara ti e, ala sara ngangu li, ala ma atënë ti ndia ti mo pepe.