Sigingo 31:2 - Mbeti ti Nzapa - Tënë so amu fini

² “Baa, mbi soro Besalel, molenge ti Uri ti koli; Uri ayeke molenge ti Hur, zo ti mara ti Juda.

Sigingo 31:2 Referans Kwoze

Sigingo 36:1

“Besalel, Oholiab na azo ti ndara so kue *KOTA GBIA amu na ala ndara na hingango ndo titene ala hinga ti sara akua kue ti da so ayeke nde si ayeke nzoni kue so, fade ala yeke sara aye so kue KOTA GBIA amu yanga na ala ti sara.”

Sigingo 35:30

Moïse atene na azo ti Israel, atene: “Ala baa, KOTA GBIA asoro Besalel, molenge ti Uri ti koli; Uri ayeke molenge ti Hur, zo ti mara ti Juda.

Jean 3:27

Jean akiri tënë na ala: “Tongana Nzapa amu ye na zo pepe, zo ni alingbi ti wara ni pepe.

Sigingo 37:1

Besalel asara sanduku ni na keke ti akasia. Yongoro ni ayeke santimetere ngbangbo oko baleuse na oku, nduru ni santimetere balembarambara na oku si yongo ni na nduzu santimetere balembarambara na oku.

Sigingo 33:17

KOTA GBIA atene na Moïse: “Ye so mo hunda so, fade mbi yeke sara ni, ngbanga ti so mbi baa mo na nzoni le si mbi hinga mo na iri ti mo.”

Sigingo 33:12

Moïse atene na KOTA GBIA: “KOTA GBIA, ma si! Mo wani laa mo tene na mbi, mo tene: ‘Mo mu azo so mo gue na ala’. Me mo fa na mbi zo so alingbi ti mu maboko na mbi pepe. Lani mo laa mo tene na mbi, mo tene: ‘Mbi hinga mo na iri ti mo’; mo tene nga: ‘Mbi yeke baa mo na nzoni le.’

Sigingo 17:10

Josué ague ti tiri bira na azo ti Amalek alingbi na tënë so Moïse atene na lo. Me Moïse, Aaron na Hur ague ti ala na li ti hoto.

Sigingo 38:22

Besalel, molenge ti Uri, molenge ti Hur, zo ti mara ti Juda asara aye so kue alingbi na yanga so KOTA GBIA amu lani na Moïse.

2 Mbai 1:5

Ti gbalaka so Besalel, molenge ti Uri, ata ti Hur amu bengba wen asara na ni, gbalaka ni ayeke na dawa ti da ti bongo ti KOTA GBIA, na Gabaon. Na ndo so laa Salomon na bongbi ti azo ni ayeke gi KOTA GBIA.

Sigingo 38:23

Zo so amu maboko na lo ayeke Oholiab, molenge ti Ahisamak ti koli, zo ti mara ti Dan. Oholiab ayeke zo ti sarango ye na kode na tere ti atêne ti ngangu ngere, zo ti sarango ye ti kode, zo ti kpongo apendere nzoroko na kamba ti *len so akpengba kpengbango na tere ti bongo so nzoroko ni akpa le ti nduzu, bongo so abe bengo na bengba bongo so ayeke za zango.

1 Agbia 7:14

Hiram ayeke molenge ti mbeni wali-mua so ayeke zo ti mara ti Neftali. Babâ ti Hiram ayeke zo ti Tir. Hiram ayeke zo ti sarango kua ti bengba wen, lo si singo na ndara, na hingango ndo nga na kode ti sarango kua na mara ti abengba wen nde nde. Nilaa gbia Salomon airi lo ti ga titene lo leke aye so kue lo ye.