Sigingo 28:3 - Mbeti ti Nzapa - Tënë so amu fini

³ Ndali ni, fade mo yeke tene tënë na azo so kue ayeke sara ye na kode, ala so mbi mu na ala kota ndara ti fu abongo ti Aaron. Lo yeke yu abongo ni na ndembe so a yeke zia lo nde ti sara kua ti wayango-sandaga nga na ngoi so lo yeke sara kua ni.

Sigingo 28:3 Referans Kwoze

Efeze 1:17

Mbi hunda na Nzapa ti Kota Gbia ti e Jésus Christ, Babâ so ayeke na gonda, titene lo mu na ala Yingo ti ndara. Fade Yingo ni ayeke fa Nzapa na ala, tongaso si ala hinga lo nzoni.

Ésaïe 11:2

Fade yingo ti *KOTA GBIA ayeke duti na ndö ti lo: yingo ti ndara na ti hingango popo ti nzoni na sioni, yingo ti mungo wango na ti ngangu, yingo ti hingango ndo na ti kpengo mbeto ti KOTA GBIA.

Jacques 1:17

Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.

Ndia ti fani use ni 34:9

Josué, molenge ti Nune asi na yingo ti ndara, ngbanga ti so Moïse azia maboko lani na li ti lo. Azo ti Israel ama yanga ti Josué, ala sara ye alingbi na yanga so KOTA GBIA amu lani na Moïse.

Amato 2:6

KOTA GBIA laa ayeke mu ndara na zo; hingango ye na hingango ndo alondo na lo.

Sigingo 35:35

KOTA GBIA asara si ala wara ndara mingi ti sara na akua nde nde: kua ti sarango ye na kode na tere ti atêne ti ngangu ngere, kua ti sarango ye ti kode, kua ti kpongo apendere nzoroko na kamba ti *len so akpengba kpengbango na tere ti bongo so nzoroko ni akpa le ti nduzu, bongo so abe bengo na bengba bongo so ayeke za zango. Ala hinga ti sara akua nde nde, ala hinga ti gbu li ti sigigi na kode ti akua nde nde.

Sigingo 35:30

Moïse atene na azo ti Israel, atene: “Ala baa, KOTA GBIA asoro Besalel, molenge ti Uri ti koli; Uri ayeke molenge ti Hur, zo ti mara ti Juda.

Sigingo 35:25

Awali so kue ayeke na ndara mingi afu na maboko, bongo so nzoroko ni akpa le ti nduzu, bongo so abe bengo, bengba bongo so ayeke za zango, bongo so a sara na len; ala mu abongo ni aga na ni.

Sigingo 35:31

KOTA GBIA asara si yingo ti lo asi Besalel singo titene lo wara ndara, hingango ye nga na hingango ndo. Besalel ahinga ti sara aye ti kode nde nde:

Sigingo 36:1

“Besalel, Oholiab na azo ti ndara so kue *KOTA GBIA amu na ala ndara na hingango ndo titene ala hinga ti sara akua kue ti da so ayeke nde si ayeke nzoni kue so, fade ala yeke sara aye so kue KOTA GBIA amu yanga na ala ti sara.”

1 Agbia 7:14

Hiram ayeke molenge ti mbeni wali-mua so ayeke zo ti mara ti Neftali. Babâ ti Hiram ayeke zo ti Tir. Hiram ayeke zo ti sarango kua ti bengba wen, lo si singo na ndara, na hingango ndo nga na kode ti sarango kua na mara ti abengba wen nde nde. Nilaa gbia Salomon airi lo ti ga titene lo leke aye so kue lo ye.

Sigingo 35:10

Ayeke nzoni azo so kue ayeke sara ye na kode si ayeke na popo ti ala aga asara aye so kue KOTA GBIA amu yanga daa:

Sigingo 36:2

Moïse airi Besalel, Oholiab nga na azo so kue KOTA GBIA asara si ala si singo na ndara; ala kue ayeda na be ti ala wani ti sara akua ni.