Sigingo 24:9 - Mbeti ti Nzapa - Tënë so amu fini

⁹ Na pekoni, Moïse ama na li ti hoto, lo na Aaron, na Nadab, na Abihu nga na akangba ti Israel balembarambara.

Sigingo 24:9 Referans Kwoze

Sigingo 24:1

KOTA GBIA atene lani na Moïse, atene: “Mo ma na li ti hoto na mbage ti mbi, mo na Aaron, na Nadab, na Abihu nga na *akangba ti Israel balembarambara. Ala luti yongoro, ala kuku akpo li ti ala na sese.

Sigingo 19:24

KOTA GBIA atene na Moïse: “Kiri mo zu; na pekoni, mo na Aaron ama na li ti hoto ni. Ti awayango-sandaga nga na azo ni, ala do tere ti ala pepe ti ma na mbage ti mbi. Tongaso pepe, fade mbi yeke sara titene azo mingi na popo ti ala akui.”

Sigingo 28:1

“Moïse, na popo ti azo ti Israel, mo mu ita ti mo Aaron na tere ti mo, lo na amolenge ti lo Nadab, Abihu, Elazar na Itamar titene ala sara kua na mbi tongana awayango-sandaga.

Awayango-sandaga 10:1

Ambeni molenge ti Aaron ti koli, Nadab na Abihu amu kete ta ti zongo na dukani ti ala, ala zia ale ti wâ daa, ala zia dukani na ndö ni si ala zö ni. Tongaso ala zö na KOTA GBIA mbeni *sandaga ti dukani so ala zö ni na wâ so ayeke nde na ti so ndia amu yanga na ala daa.

Wungo ti azo 11:16

KOTA GBIA akiri tënë na Moïse: “Mo bongbi na mbi azo balembarambara na popo ti *akangba ti Israel, ala so mo hinga, mo tene, ala yeke akangba nga na azo so ayeke baa ndo na ndö ti azo ti Israel. Mo ga na ala kue na ya ti da so mbi na azo ti mbi, e yeke wara tere daa. Mo na ala kue ayeke luti na nduzu na dawa ti mbi.

Ezekiel 44:3

Me makonzi ti kodro alingbi ti duti na ndo so ti te kobe na dawa ti mbi KOTA GBIA. Lo yeke li na ya ti kota kubu ti yanga ni si lo sigigi gi na oko lege ni so.”

Sigingo 33:20

KOTA GBIA atene: “Mo lingbi ti baa le ti mbi pepe. Biani, zo so abaa le ti mbi, lo yeke ngba na fini pepe.”

Awafango-ngbanga 13:22

Manoa atene na wali ti lo: “Ti so ni, fade e yeke kui kue, ngbanga ti so e baa Nzapa awe.”

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

Ésaïe 6:1

Na ngu so gbia Ozias akui, mbi baa Kota Gbia aduti na ndö ti mbata ti gbia so ayo na nduzu mingi. Yanga ti yongoro bongo ti lo asi ya ti kota da ti Nzapa kue.