Sigingo 24:6 - Mbeti ti Nzapa - Tënë so amu fini

⁶ Moïse amu ndambo ti mene ti anyama ni, lo zia na ya ti adu ti sembe; tanga ti mene ni, lo fi na ndö ti gbalaka ni.

Sigingo 24:6 Referans Kwoze

1 Pierre 1:19

me ye so azi ala ayeke mene ti Christ so ayeke ye ti kota ngere. Christ ayeke tongana molenge ti taba so mbeni mbage ti tere ti lo oko abuba pepe si sioni ye oko ayeke na tere ti lo pepe.

Sigingo 24:8

Moïse amu mene ni, lo fi na tere ti azo ni si lo tene: “So ayeke mene ti mbuki so Nzapa asara ndali ti ala laa; lo sara ni alingbi na atënë ti ndia so kue.”

Ahebro 9:18

Ndani laa kozo mbuki ni ato nda ti wara ngangu gi na ndembe so mene ti nyama atuku.

Awayango-sandaga 4:6

lo yeke yoro li ti maboko ti lo na ya ti mene ni si lo yeke fi ni fani mbarambara na tere ti ridoo so a kanga na yanga ti ndo so ayeke nde si ayeke nzoni kue, na dawa ti KOTA GBIA.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

Kolose 1:20

Nzapa ayeda nga si songo akiri na popo ti lo na aye ti dunia kue na lege ti Molenge ti lo. Lo mu siriri na aye kue na lege ti mene ti Molenge ti lo so ayuru na ndö ti keke ti kroa. Tongaso, songo akiri na popo ti lo na aye kue, ataa aye ti sese, ataa aye ti yayu kue.

Awayango-sandaga 3:8

Zo ni ayeke zia maboko ti lo na li ti taba ni si lo yeke fâ go ti lo na yanga ti da ti bongo so KOTA GBIA na azo ti lo ayeke wara tere daa. Tongaso, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 3:2

Zo ni ayeke zia maboko ti lo na li ti nyama ni si lo yeke fâ go ti lo na yanga ti da ti bongo so KOTA GBIA na azo ti lo ayeke wara tere daa. Awayango-sandaga, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 1:11

Zo ni ayeke fâ go ti nyama ni na dawa ti KOTA GBIA, na mbage ti Banga ti gbalaka ni. Tongaso awayango-sandaga, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 1:5

Zo ni ayeke fâ go ti nyama ni na dawa ti KOTA GBIA. Awayango-sandaga, amolenge ti Aaron, ayeke ya mene ni na KOTA GBIA. Na pekoni, ala yeke fi mene ni na tere ti gbalaka so ayeke na yanga ti da ti bongo so KOTA GBIA na azo ti lo ayeke wara tere daa; ala yeke fi ni angoro gbalaka ni kue.

Sigingo 29:20

Mo yeke fâ go ti taba ni, mo mu mene ni, mo zia na tere ti mê ti Aaron ti mbage ti koli; mo zia nga na tere ti mê ti amolenge ti lo, na ndö ti kota li ti maboko ti ala ti mbage ti koli nga na ndö ti kota li ti gere ti ala ti mbage ti koli. Na pekoni, mo yeke fi mene ni na tere ti gbalaka ni, angoro ni kue.

Sigingo 29:16

Mo yeke fâ go ti taba ni, mo mu mene ni, mo fi na tere ti gbalaka ni, angoro ni kue.

Sigingo 12:22

Fade ala yeke mu maboko ti *izope, ala yoro na ya ti mene so ayeke na ya ti kota sembe, ala kpaka na tere ti akadere ti yanga ti da ni nga na tere ti kadere ti nduzu. Na pekoni, alingbi zo oko na popo ti ala alondo na ya ti da ti lo asigigi pepe ngbii ndo ahan si.

Sigingo 12:7

Fade ala yeke mu mene ti nyama ni, ala sara na tere ti akadere ti yanga ti da nga na tere ti kadere ti nduzu ti da so a yeke te nyama ni daa.

1 Korente 11:25

Na peko ti tengo kobe, lo mu kopo si lo kiri lo sara gi tongaso, lo tene: “Kopo so ayeke fini *mbuki na lege ti mene ti mbi. Lakue tongana ala yeke nyon ni, ala sara ye so ti dabe ti ala na mbi.”

Ahebro 8:9

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Kota Gbia atene: Akotara ti ala angba na ya ti mbuki ni pepe, nilaa mbi nga, mbi do ala, mbi zia.

Ahebro 9:19

Moïse ato mbela ando na azo ti Israel na atënë ti ambela oko oko kue alingbi na ndia. Na pekoni, lo mu mene ti akete bagara na ti akoli-ngasa, lo mu nga ngu, kete keke ti *izope nga na ambeni bengba kua ti tere ti taba, lo yoro aye ni na ya ti mene ni si lo wani, lo fi na tere ti mbeti ti *Ndia nga na tere ti azo kue.

Ahebro 9:21

Na pekoni, Moïse amu mene ni si lo fi na tere ti da ti bongo ni nga na tere ti akungba so kue ala mu ti sara na kua ti Nzapa.

2 Agbia 17:15

Ala ke andia ti KOTA GBIA, ala ke tënë ti *mbuki so lo sara na akotara ti ala, ala ke awango so lo mu na ala. Ala mu peko ti afungo nzapa si ala wani aga ye so afun awe. Ala mu peko ti sarango ye ti amara so alango nduru na ala, ataa so KOTA GBIA ake na azo ti Israel titene ala sara ye pepe tongana ti amara so.

Abia (Psaumes) 99:6

Moïse na Aaron ayeke ando na popo ti awayango-sandaga ti lo; Samuel ayeke ando na popo ti azo so adi iri ti KOTA GBIA si lo yeke kiri tënë na ala.

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.