Sigingo 24:18 - Mbeti ti Nzapa - Tënë so amu fini

¹⁸ Moïse ali na ya ti mbinda ni si lo ma na li ti hoto ni. Lo ngba kâ lango baleosio na bi baleosio.

Sigingo 24:18 Referans Kwoze

Ndia ti fani use ni 9:9

Mbi gue na li ti hoto ni ti mu akpangbara têne so a su atënë ti *mbuki na le ni, mbuki so KOTA GBIA asara lani na ala so. Mbi ngba na li ti hoto ni lango baleosio na bi baleosio; mbi te kobe pepe, mbi nyon ngu pepe.

Ndia ti fani use ni 10:10

Mbi ngba na li ti hoto ni lango baleosio na bi baleosio tongana ti kozoni. Ti so ni, KOTA GBIA akiri ama sambela ti mbi si lo zia lege ti fâ ala kue.

Sigingo 34:28

Moïse angba na KOTA GBIA na ndo so lango baleosio na bi baleosio. Lo te kobe pepe, lo nyon ngu pepe. Lo su na ndö ti atêne ni atënë ti mbuki so ayeke Andia baleoko.

Ndia ti fani use ni 9:25

So KOTA GBIA aye ti fâ ala kue, mbi ti na sese na gbe ti lo. Mbi ngba na ndo so lango baleosio na bi baleosio.

Ndia ti fani use ni 9:18

Moïse atene: Na pekoni, mbi ti na sese na gbe ti KOTA GBIA. Mbi ngba na ndo so lango baleosio na bi baleosio tongana ti kozoni; mbi te kobe pepe, mbi nyon ngu pepe. Mbi sara ye so ndali ti siokpari so kue ala sara: ala sara ye so ayeke sioni mingi na le ti KOTA GBIA, ala zia ngonzo mingi na be ti lo.

Nzoni Tënë so Luc asu na mbeti 4:2

Kâ, Zabolo atara be ti lo na ya ti lango baleosio. Na ya ti alango so kue, lo te kobe oko pepe si na pekoni, nzara asara lo.

Marc 1:13

Lo sara lango baleosio kâ; Satan atara be ti lo na ya ti alango ni so. Lo duti na ndo so anyama ti ngonda ayeke daa si *a-ange ayeke sara na lo.

Matthieu 4:2

Na ya ti lango baleosio na bi baleosio, lo ke kobe si na pekoni nzara asara lo.

1 Agbia 19:8

Élie alondo, lo te, lo nyon. So lo wara ngangu na lege ti kobe so awe, lo tambula lango baleosio, na bi baleosio ngbii lo si na Horeb, hoto ti Nzapa.

Sigingo 24:17

Azo ti Israel abaa gonda ti KOTA GBIA tongana mbeni wâ so ayeke gbi ye kue na li ti hoto ni.

Sigingo 19:20

KOTA GBIA azu na ndö ti hoto ti Sinai, na li ti hoto ni, lo iri Moïse si Moïse ague na ndö ti hoto ni.

Sigingo 9:33

Moïse alondo na ndo ti gbia Faraon nga na ya ti gbata ni, lo sigigi. Lo yoro maboko ti lo na mbage ti KOTA GBIA si lo sambela. Tongaso bekpa na pembe ti bekpa akai; ngu-Nzapa akiri apika pepe.

Sigingo 9:29

Moïse akiri tënë na lo: “Gi so mbi yeke sigigi na ya ti gbata ni, mbi yeke yoro maboko ti mbi na mbage ti KOTA GBIA ti sambela lo. Fade bekpa na pembe ti bekpa ni ayeke kai. Tongaso, mo yeke hinga, mo tene, sese ayeke ti KOTA GBIA.

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Sigingo 25:1

KOTA GBIA atene na Moïse:

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

1 Agbia 19:11

KOTA GBIA atene na lo: “Sigigi! Gue mo luti na dawa ti mbi na ndö ti hoto. Mbi KOTA GBIA, mbi yeke ga ti hon.” Kozo titene KOTA GBIA ahon, mbeni kota pupu aya ngangu mingi, asuru ya ti ahoto si afâ ya ti atêne; me KOTA GBIA ayeke na ya ti pupu ni pepe. Na peko ti pupu ni, sese ayingi; me KOTA GBIA ayeke na ya ti sese so ayingi so pepe.

Ndia ti fani use ni 5:31

Me ti mo, mo ngba ge na tere ti mbi. Fade mbi yeke fa na mo atënë ti yanga ti mbi kue, aye so ndia afa nga na atënë ti ndia so fade mo yeke fa ni na ala titene ala sara ye alingbi na ni na ya ti kodro so mbi yeke mu na ala titene aga ti ala.”