Sigingo 24:13 - Mbeti ti Nzapa - Tënë so amu fini

¹³ Moïse alondo, lo na Josué, zo ti mungo maboko na lo, ala ma na li ti hoto ti Nzapa.

Sigingo 24:13 Referans Kwoze

Sigingo 33:11

KOTA GBIA ayeke tene tënë na Moïse le na le tongana ti so zo ayeke tene tënë na mba ti lo. Na pekoni, Moïse ayeke kiri na ya ti bâbâ. Me Josué, molenge ti Nune, maseka so ayeke mu maboko na Moïse ayeke ngba ti lo na ya ti da ti bongo ni.

Wungo ti azo 11:28

Josué, molenge ti Nune ayeke sara kua na gbe ti Moïse, ngbene ye so lo de molenge. Josué adekongo na Moïse, atene: “Babâ, kanga lege na ala!”

Sigingo 3:1

Moïse ayeke bata ataba na angasa ti kogara ti lo Zetro, wayango-sandaga ti azo ti mara ti Madian. Mbeni lâ, lo mu anyama ni, lo gue na ala na mbage ti benyama kâ, lo si na Horeb, hoto ti Nzapa.

Sigingo 32:17

Josué ama dekongo ti azo ni; lo tene na Moïse: “Azo ayeke dekongo ti bira na ya ti bâbâ kâ!”

Sigingo 4:27

KOTA GBIA atene na Aaron: “Gue na benyama, mo wara Moïse kâ.” Aaron ague, awara lo na hoto ti Nzapa si asu ngbangba ti lo.

Sigingo 18:5

Zetro, kogara ti Moïse, lo na amolenge ti Moïse ti koli na wali ti Moïse ague ti wara Moïse na benyama, na ndo so lo sara bâbâ ti lo daa, na tere ti hoto ti Nzapa.

1 Mbai 7:27

Nune ayeke molenge ti Elishama si Josué ayeke molenge ti Nune.

Sigingo 19:3

Moïse ague na li ti hoto ti wara tere na Nzapa. Kâ na li ti hoto ni, KOTA GBIA airi lo si atene na lo: “Baa, tënë so fade mo yeke tene na azo ti mara ti Jacob, azo ti Israel ayeke so:

Josué 1:1

Na peko ti kuâ ti Moïse, zo ti kua ti *KOTA GBIA, KOTA GBIA atene na Josué, molenge ti Nune so lo yeke sara kua na tere ti Moïse, atene: