Sigingo 22:29 - Mbeti ti Nzapa - Tënë so amu fini

²⁹ “Fade ala sara gi mara ti ye so na kozo molenge ti bagara ti ala nga na kozo molenge ti taba ti ala. Fade molenge ti nyama ni ayeke ngba na tere ti mama ti lo lango mbarambara; na lango miombe ni, ala mu lo na mbi.

Sigingo 22:29 Referans Kwoze

Sigingo 23:16

Na pekoni, fade ala yeke sara matanga ti ale ti kobe na ndembe so ala yeke fâ akozo le ti kobe so ala lu na yaka. Na peko ti so, na hunzingo ti ngu, tongana ala hunzi fango ale ti kobe ni awe, fade ala yeke sara matanga ti bongbingo ale ti kobe ni.

Sigingo 13:2

“Akozo molenge-koli so kue ayeke na Israel, ala so azi lege ti dungo ni na mama ti ala, mo zia ala nde ndali ti mbi. Biani, akozo molenge-koli ti zo na akozo molenge-koli ti nyama ayeke ti mbi.”

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.

Sigingo 23:19

Fade ala yeke ga na akozo le ti kobe ti yaka ti ala na ya ti da ti mbi KOTA GBIA, Nzapa ti ala. Alingbi ala to molenge ti ngasa na ya ti ngu ti me ti mama ti lo pepe.”

Rome 8:23

Gi aye ti dunia oko pepe si ayeke dema: e so e wara Yingo tongana kozo nzoni ye so Nzapa amu na e, e nga, e yeke dema na ya ti be ti e ti ku titene Nzapa asara si e ga amolenge ti lo, so ti tene lo zi e na gbe ti ngbaa, e na tere ti e kue.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Mishe 7:1

Mawa na mbi! Mbi yeke tongana zo so ague ti gi ale ti keke na peko ti so azo ako ale ti keke ni kue awe; mbi yeke tongana zo so ague ti gi ale ti *vinye na peko ti so azo afâ ale ti vinye ni awe. Me mbi wara mbeni ye oko ti tengo ni pepe, ataa le ti vinye wala le ti fige so anzere na mbi mingi so.

Sigingo 34:19

“Amolenge so kue azi lege ti dungo ni na mama ti ala ayeke ti mbi. Ataa akozo molenge-koli ti nyama, ataa akozo molenge-koli ti taba wala ti ngasa, fade ala yeke mu ala na mbi.

Sigingo 13:12

Tongana ala si kâ, fade ala yeke mu na KOTA GBIA amolenge-koli so azi lege ti dungo ni na mama ti ala nga na amolenge ti nyama so azi lege ti dungo ni na mama ti ala. Ala kue ayeke ti KOTA GBIA.

Ezekiel 20:40

Biani, na ndö ti hoto ti mbi so ayeke nde si ayeke nzoni kue, na ndö ti yongoro hoto ti Israel laa azo ti Israel so kue ayeke na ya ti kodro ni ayeke voro mbi. So tënë ti yanga ti mbi, Kota Gbia NZAPA laa. Kâ, mbi yeke yamba ala na nzoni be, mbi yeke yeda na aye so kue ala zia nde ndali ti mbi, amatabisi ti ala nga na asandaga ti anzoni ye so ala yeke ya na mbi.

2 Mbai 31:5

Gi so azo ti Israel ama yanga so gbia amu so, ala ga na gba ti akozo le ti kobe ti ala: *ble, fini vin, mafuta, mafuta ti wotoro nga na akobe nde nde ti ayaka ti ala. Ala ga nga na gba ti *dime ti aye kue.

2 Agbia 4:42

Mbeni koli alondo na Baal-Shalisha aga. Lo ga na zo ti Nzapa mapa so a sara na akozo le ti kobe: mapa baleuse so a sara na *orze; lo ga nga na fini le ti *ble na ya ti sake oko, ble so lo fâ ni aninga pepe. Élisée atene na zo ti kua ti lo, atene: “Kangbi ni na azo, ala te!”

Sigingo 23:15

Kozo matanga ni ayeke matanga ti Mapa so a sara na mama ni pepe. Na nze ti Abib, na ya ti lango mbarambara, mapa so a sara na mama ni pepe, ala yeke te ni alingbi na yanga so mbi mu na ala. Biani, na nze ti Abib laa ala sigigi na Ezipte. Fade zo ayeke ga na ya ti da ti mbi maboko senge pepe.

Sigingo 34:20

Me tongana ayeke kozo molenge ti lele, fade ala yeke sanze lo na kete taba wala na kete ngasa. Tongana ala sanze lele ni pepe, fade ala pete go ti lo, ala fâ lo. Me ti akozo molenge-koli ti ala azo, fade ala yeke kiri ti vo ala vongo. “Fade zo ayeke ga na ya ti da ti mbi maboko senge pepe.

Wungo ti azo 18:13

Akozo le ti kobe ti sese ti ala so azo ayeke ga na ni na mbi ayeke ga ti ala. Zo so kue ayeke *nzoni na ya ti sewa ti ala alingbi ti te ni.

Awayango-sandaga 22:27

“Tongana mbeni bagara adu, wala mbeni taba adu, wala mbeni ngasa adu, alingbi amolenge ni angba na tere ti mama ti ala na ya ti lango mbarambara. Na lango miombe ni, tongana a mu ala na sandaga so a yeke gbi ni kue na wâ, fade mbi yeke yeda na ni.

Ndia ti fani use ni 15:19

Moïse atene: Ala azo ti Israel, fade ala yeke mu akozo molenge-koli ti abagara ti ala, ti ataba na ti ngasa ti ala, ala zia ni nde ndali ti *KOTA GBIA Nzapa ti ala. Ala yeke mu kozo molenge ti koli-bagara ti fâ na yaka pepe, ala yeke fâ kua ti tere ti kozo molenge ti taba pepe.