Sigingo 21:19 - Mbeti ti Nzapa - Tënë so amu fini

¹⁹ na pekoni tongana lo londo, lo sigigi ti tambula na keke, zo so apika mba ti lo so, fade a yeke sara sioni na lo pepe. Me fade lo yeke futa mbeni ye na mba ti lo ni alingbi na lango so mba ti lo ni asara na kua pepe so; fade lo yeke vo yoro na tere ti mba ti lo ni ngbii kobela ti lo akai.

Sigingo 21:19 Referans Kwoze

Zakarii 8:4

Tënë so KOTA GBIA so ayeke na ndö ti dunia kue atene ayeke so: Fade ambakoro-koli na ambakoro-wali ayeke kiri ti duti na be ti gbata ti Jérusalem; zo oko oko ayeke gbu keke ti tambula na ni, ngbanga ti so ngu ti ala ahon mingi awe.

2 Samuel 3:29

Ayeke nzoni ngbanga ti mene ti Abner akiri na ndö ti Yoab na asewa ti lo kue! Na ya ti sewa ti lo, ayeke nzoni mbeni zo aduti daa lakue so kobela so ayeke yuru na lege ti tere ti koli wala ti wali ayuru na tere ti lo, wala mbeni zo so kobela ti buruma asara lo, wala mbeni koli so aga zo ti sarango kua ti awali, wala mbeni zo so akui kuâ ti yongoro zeme wala zo so kobe atia lo.”

Sigingo 21:18

“Tongana azo atiri si mbeni abo mba ti lo na têne wala lo pika mba ti lo ni na gobo si lo kui pepe, me lo lango na gbogbo,

Sigingo 21:20

“Tongana zo apika ngbaa ti lo ti koli wala ti wali na kota keke si ngbaa ni akui gi na gbe ti maboko ti lo, alingbi a kiri na zo ni peko ti sioni so lo sara.