Sigingo 19:8 - Mbeti ti Nzapa - Tënë so amu fini

⁸ Azo kue ayeda yanga oko, atene: “Atënë so kue KOTA GBIA atene so, fade e yeke sara ye alingbi na ni.” Moïse akiri na peko ti tënë ti azo ni na KOTA GBIA.

Sigingo 19:8 Referans Kwoze

Sigingo 24:7

Lo mu mbeti ti mbuki si lo diko na le ti azo ni. Azo ni atene: “Atënë so kue KOTA GBIA atene, fade e yeke sara ye alingbi na ni, fade e yeke ma yanga ti lo.”

Sigingo 24:3

Moïse aga afa na azo ni peko ti atënë kue ti KOTA GBIA nga na andia ti lo kue. Azo ni kue akiri tënë yanga oko, atene: “Atënë so kue KOTA GBIA atene, fade e yeke sara ye alingbi na ni.”

Néhémie 10:29

– Tanga ti azo ni, awayango-sandaga, azo ti mara ti Lévi, asanziri, azo ti hengo bia na azo ti sarango kua ti kota da ti Nzapa, ala na azo so aduti nde na ambeni mara so angba lani na ya ti kodro ni si ala yeke sara ye alingbi na *Ndia ti Nzapa, azo ni kue, ala na awali ti ala na amolenge ti ala ti koli na ti wali, azo so kue alingbi ti ma nda ti tënë,

Josué 24:24

Azo ni akiri tënë na Josué, atene: “Biani, e yeke sara kua na KOTA GBIA, Nzapa ti e; e yeke ma yanga ti lo!”

Sigingo 20:19

Ala tene na Moïse: “Mo wani, mo tene tënë na e si e ma. Me e ye titene Nzapa atene tënë na e pepe, tongaso pepe e yeke kui.”

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Josué 24:21

Azo ni akiri tënë na Josué, atene: “Ên-en! E yeke sara kua gi na KOTA GBIA.”