Sigingo 19:18 - Mbeti ti Nzapa - Tënë so amu fini

¹⁸ Guru ti wâ amu ndö ti hoto ti Sinai kue, ngbanga ti so KOTA GBIA azu na ndö ti hoto ni na ya ti wâ. Guru ni alondo tongana guru ti wâ ti mbeni fur; hoto ni kue ado ngangu mingi.

Sigingo 19:18 Referans Kwoze

Awafango-ngbanga 5:5

Ahoto ayingi na dawa ti mo, KOTA GBIA ti Sinai. Ala yingi na dawa ti mo, Nzapa ti Israel.

Abia (Psaumes) 144:5

KOTA GBIA, dingi le ti nduzu, mo zu na sese; ndu ahoto si guru asigigi daa.

Aye so Nzapa afa 15:8

Ya ti kota da ti Nzapa asi na guru ti wâ ndali ti gonda ti Nzapa na ngangu ti lo. Zo oko alingbi ti li na ya ti kota da ni pepe, ngbii aye ti sioni mbarambara so a-ange aga na ni so ahunzi si.

Sigingo 3:2

*Ange ti KOTA GBIA asi na lo na ya ti menga ti wâ, na ya ti mbeni kete keke ti ki. Moïse abaa ndo si lo baa so ya ti keke ni kue gi wâ, me wâ ni agbi keke ni pepe.

Jérémie 4:24

Mbi baa ahoto: ala yeke yingi si akete hoto kue ayeke do.

Tongo nda ti aye 19:28

Lo baa ndo na mbage ti Sodome na Gomore nga na mbage ti lando ni. Lo baa so guru ti wâ alondo na sese si ayeke gue na nduzu tongana guru ti kota wâ.

Abia (Psaumes) 104:32

Lo baa sese si sese ado; lo ndu ahoto, guru ti wâ asigigi daa.

Ndia ti fani use ni 33:2

Lo tene: “*KOTA GBIA alondo na hoto ti Sinai si aga. Tongana ti so lâ ayeke sigigi, lo sigigi ndali ti azo ti lo na sese ti Seir kâ. So lo ngba kâ na hoto ti Paran, lo su na ndö ti azo ti lo. *A-ange gbani gbani amu peko ti lo si lo na ala aga; lo gbu na ya ti maboko ti lo ti koli ndia so ayeke za tongana menga ti wâ.

Ndia ti fani use ni 5:22

So ayeke atënë so KOTA GBIA atene na ala na kota go, na ya ti wâ, na ya ti guru ti wâ nga na ya ti ngbongboro mbinda. Lo tene atënë ni na ala so kue abongbi na gbe ti hoto; lo zia mbeni tënë nde na ndö ni pepe. Na pekoni, lo su atënë ni na le ti akpangbara têne use si lo mu ni na mbi.

Sigingo 24:17

Azo ti Israel abaa gonda ti KOTA GBIA tongana mbeni wâ so ayeke gbi ye kue na li ti hoto ni.

Ahebro 12:26

Ando, go ti Nzapa ayingi sese kue; me fadeso, lo mu zendo so na e, lo tene: “Fade mbi yeke kiri ti yingi gi sese pepe, me mbi yeke yingi yayu nga.”

Ésaïe 6:4

Dekongo ti ala ni asara si yanga ti da ayingi na kadere ni kue; ya ti kota da ti Nzapa asi singo na guru ti wâ.

Tongo nda ti aye 15:17

So lâ akui awe, na bi ni so ndo avuko pitipiti, mbeni kota wâ so ayeke za si guru ayeke sigigi daa ahon na popo ti ambage ti anyama so lo suru ya ti ala so.

2 Pierre 3:10

Lango ti gango ti Kota Gbia ayeke duti tongana gango ti zo ti nzi. Na lango ni so, nduzu ayeke hon si toto ni ayeke duti ngangu mingi; wâ ayeke gbi aye so ayeke na le ti nduzu, sese na aye so kue ayeke na ndö ni ayeke ngba pepe.

Ahebro 12:18

Lani so ala ga nduru na Nzapa, ala ga nduru pepe na tere ti hoto so zo alingbi ti ndu ni na maboko, so ti tene hoto ti Sinai: na ndö ti hoto ni, wâ so ayeke gbi, ndo so avuko pitipiti, kota pupu so aya ngangu ayeke daa.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Matthieu 24:7

Fade mbeni mara ayeke londo ti tiri na mbeni mara, mbeni kodro-gbia ayeke londo ti tiri na mbeni kodro-gbia; kota nzara ayeke ga si sese ayeke yingi na ando nde nde.

Zakarii 14:5

Fade ala yeke mu lege ti popo-hoto ti mbi ti kpe ti hon, ngbanga ti so popo-hoto ni ague ngbii asi na Asal. Ala yeke kpe tongana ti so akotara ti ala akpe ando na lango so sese ayingi, na ngoi so Ozias ayeke gbia ti sese ti Juda. Na pekoni, fade KOTA GBIA, Nzapa ti mbi ayeke si, lo na *a-ange ti lo kue.

Abia (Psaumes) 114:7

Mo sese, do na gbe ti Kota Gbia, do na gbe ti Nzapa ti Jacob.

Abia (Psaumes) 77:18

Mbinda atuku gba ti ngu. Na le ti nduzu, bekpa atoto si ale ti kokora ti mo ahon na ndo kue.

Sigingo 20:18

Azo ti Israel kue ama sungbango ti bekpa na toto ti adidi ti koli-taba. Ala kue abaa wâ ti bekpa na guru ti wâ so ayeke sigigi na li ti hoto; tere ti ala kue ado na mbeto si ala luti yongoro.

Sigingo 19:13

Ataa zo wala nyama, fade zo ayeke ndu lo pepe, me a yeke bo lo bongo na têne wala a yeke kpo lo na likongo ti fâ lo. Tongana a huru didi ti akoli-taba, fade ambeni zo ayeke ma na li ti hoto ni.”

2 Tesalonike 1:7

Ala so ayeke baa pasi, fade lo yeke mu na ala lege ti wungo tere, e na ala kue. Lo yeke sara ye ni tongaso na ndembe so Kota Gbia Jésus ayeke londo na yayu ti si, lo na angangu *ange ti lo;

Aye so Nzapa afa 9:2

Lo zi yanga ti kota du ni, mbeni guru alondo na ya ni si ayeke sigigi; guru ni akpa guru ti mbeni kota wâ, asara si le ti nduzu na le ti lâ avuko.

Tongo nda ti aye 11:5

KOTA GBIA azu ti baa gbata ni na da so ayo na nduzu, so amolenge ti Adam ayeke leke ni so.

Sigingo 19:17

Moïse asara si azo ni asigigi na ya ti bâbâ ni titene ala wara tere na Nzapa. Ala luti yongoro na gbe ti hoto ni.

Sigingo 34:2

Kekereke na ndaperere, mo leke tere ti mo. Na kota ndaperere, mo gue na ndö ti hoto ti Sinai, mo luti kâ na dawa ti mbi na li ti hoto ni.

Ndia ti fani use ni 5:4

Na li ti hoto, KOTA GBIA atene tënë na ala le na le, na ya ti wâ.

Ésaïe 64:1

ka mo yeke ga tongana wâ so ayeke gbi akete keke so ahole, tongana wâ so ayeke sara si ngu akporo; ka mo sara si awato ti mo ahinga mo; na dawa ti mo, ka tere ti amara nde ado!

Ndia ti fani use ni 4:36

Ala ma go ti lo so alondo kâ na yayu ti fa na ala lege ti mango yanga. Na ndö ti sese, lo sara si ala baa kota wâ ti lo; lo tene tënë na ala na ya ti wâ ni.

Néhémie 9:13

Mo londo na yayu, mo zu na ndö ti hoto ti Sinai; ngbene ye na yayu kâ, mo tene tënë na ala, mo mu na ala atënë ti yanga ti mo so ayeke mbirimbiri, andia so ayeke na lege ti taa-tënë, andia na ambela so ayeke nzoni mingi.

Abia (Psaumes) 18:9

Guru ti wâ asigigi na hon ti lo, kota wâ so ayeke gbi aye kue na ale ti wâ so aza ngangu asigigi na yanga ti lo.

Abia (Psaumes) 68:9

Na ngoi ni so, sese ayingi, ngu ti nduzu atuku na dawa ti mo Nzapa, Nzapa ti Sinai, na dawa ti mo Nzapa, Nzapa ti Israel.

Abia (Psaumes) 77:19

So bekpa ti mo asungba ngangu, awâ ti bekpa aza na ndö ti dunia kue, sese ado si ayingi.

Abia (Psaumes) 114:4

Akota hoto ahuru tongana akoli-taba si akete hoto ahuru tongana akete taba.

Habakuk 3:6

Tongana lo luti, sese ayeke yingi. Tongana lo baa ndo, amara ayeke do na mbeto. Ahoto ti giriri, ya ni asungba, akete hoto ti giriri ayeke kungbi, ati na sese, akete hoto ni ayeke ando lege so lo yeke tambula daa.