Sigingo 19:16 - Mbeti ti Nzapa - Tënë so amu fini

¹⁶ Na ota lango ni, na kota ndaperere, bekpa asungba na li ti hoto ni, wâ ti bekpa aza si gba ti nengo mbinda akanga li ti hoto ni. Azo ama toto ti adidi ti akoli-taba so atoto ngangu. Na ya ti bâbâ ni, tere ti azo kue ado na mbeto.

Sigingo 19:16 Referans Kwoze

Aye so Nzapa afa 4:1

Na pekoni, mbi baa mbeni ye nde: mbi baa mbeni yanga ti da so azi na yayu. Mbeni go so mbi ma kozoni si atoto tongana tatalita so, atene na mbi: “Mo ma na nduzu ge; fade mbi yeke fa na mo aye so, alingbi asi na pekoni.”

Ahebro 12:21

Ye so ala baa so ayeke ye ti mbeto mingi, nilaa Moïse atene: “Mbeto agbu mbi mingi si tere ti mbi ayeke do!”

Aye so Nzapa afa 11:19

Kota da ti Nzapa so ayeke na yayu, yanga ni azi si zo alingbi ti baa sanduku ti *mbuki so ayeke na ya ti kota da ni. Tongaso, wâ ti bekpa aza, a ma go ti azo, bekpa asungba, sese ayingi si *apembe ti bekpa atuku ngangu.

Aye so Nzapa afa 8:5

Na pekoni, ange ni amu kete ta ti zongo na dukani ni, lo tuku wâ ti ndö ti gbalaka ni na ya ni asi, lo bi ni na ndö ti sese. Tongaso, bekpa asungba, a ma go ti azo, wâ ti bekpa aza, sese ayingi.

Aye so Nzapa afa 4:5

Zango ti bekpa, na ambeni go so atoto ngangu, nga na toto ti bekpa alondo na tere ti mbata ti gbia ni si ayeke sigigi. Akota wâ ti lamba mbarambara ayeke za na dawa ti mbata ti gbia ni; alamba ni ayeke ayingo mbarambara ti Nzapa.

Abia (Psaumes) 77:18

Mbinda atuku gba ti ngu. Na le ti nduzu, bekpa atoto si ale ti kokora ti mo ahon na ndo kue.

Mbeti ti Job 38:25

Zo wa laa asuru lege na le ti nduzu ndali ti ngu-Nzapa so apika ngangu? Zo wa laa azi lege na mbinda so aga na sungbango ti bekpa?

Sigingo 20:18

Azo ti Israel kue ama sungbango ti bekpa na toto ti adidi ti koli-taba. Ala kue abaa wâ ti bekpa na guru ti wâ so ayeke sigigi na li ti hoto; tere ti ala kue ado na mbeto si ala luti yongoro.

Sigingo 19:9

KOTA GBIA atene na Moïse: “Baa, mbi yeke ga ti si na mo na ya ti gba ti nengo mbinda. Tongaso, azo ti Israel alingbi ti ma go ti mbi na ndembe so mbi yeke tene tënë na mo si ala lingbi ti zia be ti ala na ndö ti mo kpu na kpu.” Moïse akiri atene peko ti atënë ti azo ni na KOTA GBIA.

Sigingo 9:23

Moïse ayoro keke ti lo na nduzu. KOTA GBIA atokua bekpa na pembe ti bekpa: bekpa asungba na ndö ti sese, na pekoni, KOTA GBIA asara si pembe ti bekpa atuku na ndö ti kodro ti Ezipte.

Aye so Nzapa afa 1:10

Na lango ti *Kota Gbia, Yingo ti Nzapa agbu mbi. Na peko ti mbi, mbi ma mbeni go so atoto ngangu tongana tatalita.

Jérémie 5:22

Ala kpe mbeto ti mbi pepe? So tënë ti yanga ti KOTA GBIA laa. Tere ti ala ado na dawa ti mbi pepe? Mbi laa mbi zia mbutu ti sara si kota ngu-ingo angba na ndo so ayeke daa. So ayeke katikati so angba kpu na kpu; kota ngu-ingo ni ayeke hon ni pepe. Ataa *amapo ti ngu ni alondo tongana nyen, ngu ni alingbi ti hon ndö ni pepe.

Abia (Psaumes) 97:4

Awâ ti bekpa ti lo aza na ndö ti dunia kue, azo ti sese abaa ni si tere ti ala ado.

Abia (Psaumes) 50:3

“Ayeke nzoni Nzapa ti e aga! Lo kanga yanga ti lo pepe!” Mbeni wâ so ayeke gbi aye kue ayeke na dawa ti lo, mbeni ngangu pupu angoro tere ti lo kue.

2 Mbai 5:14

Awayango-sandaga alingbi pepe ti sara kua ti ala ndali ti mbinda ni, ngbanga ti so gonda ti KOTA GBIA asi singo na ya ti kota da ni.

Sigingo 40:34

Tongaso mbinda akanga ndö ti da ti bongo so Nzapa na azo ti lo ayeke wara tere daa si gonda ti KOTA GBIA asi singo na ya ni.

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Sigingo 19:11

Ayeke nzoni ala leke tere ti ala ndali ti ota lango ni. Biani, na ota lango ni laa mbi yeke zu na ndö ti hoto ti Sinai na le ti azo kue.

Sigingo 19:15

Na pekoni, lo tene na azo ni, lo tene: “Ala leke tere ti ala ndali ti ota lango ni. Ala bongbi na wali ti ala pepe.”

Sigingo 19:17

Moïse asara si azo ni asigigi na ya ti bâbâ ni titene ala wara tere na Nzapa. Ala luti yongoro na gbe ti hoto ni.

Sigingo 20:21

Azo ni aluti yongoro, me Moïse ague nduru na tere ti mbinda so avuko vukongo si Nzapa ayeke daa so.

Ndia ti fani use ni 5:5

Na ngoi ni so, mbi luti na popo ti ala na KOTA GBIA ti tene na ala peko ti atënë ti KOTA GBIA. Biani, ala sara mbeto ti wâ ni si ala ma na li ti hoto ni pepe. KOTA GBIA atene:

2 Samuel 22:10

Lo dingi le ti nduzu si lo zu na sese, vukongo mbinda ayeke na gbe ti gere ti lo.

Nahum 1:3

KOTA GBIA ayeke sara ngonzo hio hio pepe, lo yeke ngangu mingi. Me zo so asara siokpari, lo yeke zia lo senge pepe. Lo yeke tambula na ya ti kota pupu so ayeke ya ngangu, lo yeke tambula nga na ya ti ngu-Nzapa so ayeke pika mingi mingi so. Ambinda ayeke tongana fuku ti sese, fuku ti sese so ayeke londo na peko ti gere ti lo.

Abia (Psaumes) 81:8

So lani mo yeke na ya ti ye ti ngangu si mo dekongo na mbi so, mbi zi mo na ya ni. Mbi kiri tënë na mo na ya ti mbinda; mbi tara be ti mo na tere ti ngu ti Meriba. Luti kete