Sigingo 15:26 - Mbeti ti Nzapa - Tënë so amu fini

²⁶ Lo tene na ala, lo tene: “Tongana ala ma tënë ti mbi KOTA GBIA, Nzapa ti ala nzoni, tongana ala sara ye so ayeke mbirimbiri na le ti mbi, tongana ala dingi mê ti ala ti ma atënë ti yanga ti mbi, tongana ala sara ye alingbi na ambela ti mbi kue, fade mbi yeke zia mbeni kobela oko na tere ti ala pepe; kobela so lani mbi zia na tere ti azo ti Ezipte so. Biani, mbi KOTA GBIA laa mbi yeke kai kobela ti ala.”

Sigingo 15:26 Referans Kwoze

Abia (Psaumes) 103:3

Lo laa lo zi asioni so kue ayeke na li ti mbi, lo laa lo kai akobela ti mbi kue.

Ndia ti fani use ni 7:15

Fade KOTA GBIA ayeke kanga lege na akobela kue ti sara ala; lo yeke kanga lege si asioni kobela ti bubango kodro so asara azo ti Ezipte agbu ala pepe, asioni kobela so ala hinga tënë ni kue so. Lo yeke tokua kobela ni na ndö ti ala, azo ti Israel pepe, me lo yeke bata ni ndali ti azo so ake ala.

Sigingo 23:25

Tongana ala voro gi mbi oko KOTA GBIA, Nzapa ti ala, fade mbi yeke sara tufa na ndö ti kobe ti ala nga na ndö ti ngu ti ala; fade mbi yeke tumba kobela yongoro na tere ti ala.

Abia (Psaumes) 147:3

Azo so be ti ala afâ ka, lo laa lo yeke kai ni, lo yeke kanga ka ti ala.

Jérémie 33:6

“Me fade mbi yeke sara si gbata ni aga nzoni; mbi yeke kai kobela ti azo ni, mbi yeke mu na ala gba ti siriri si mbeni sioni ye ti si na ala ayeke daa pepe.

Osée 6:1

Nilaa ala yeke tene: “Ala ga, e kiri na mbage ti *KOTA GBIA. Lo laa lo zia ka na tere ti e, lo laa lo yeke sara si ka ni amu; lo laa lo pika e si e wara ka, lo laa lo yeke kanga le ti ka ni.

Awayango-sandaga 26:13

Mbi laa mbi yeke KOTA GBIA, Nzapa ti ala. Mbi mu ala na sese ti Ezipte, mbi sigigi na ala titene ala kiri aduti ngbaa ti azo ti Ezipte pepe. Mbi zi ala na gbe ti ngbaa titene ala tambula li ti ala na nduzu.”

Mbeti ti Job 5:18

Nzapa ayeke zia ka na tere ti zo, lo laa lo yeke kanga ka ni; lo yeke pika zo, lo laa lo yeke sara si tere ti zo aga nzoni.

Ndia ti fani use ni 28:60

Lo yeke tokua na tere ti ala asioni kobela kue ti kodro ti Ezipte so ala sara ando mbeto ni mingi so; akobela ni ayeke ngba na tere ti ala.

Ndia ti fani use ni 12:28

Alingbi ala ma atënë so kue mbi mu yanga daa na ala, ala sara ye alingbi na ni. Tongaso si fade ala na ahale ti ala ayeke baa nzoni kpu na kpu, ngbanga ti so ala sara fade ye so ayeke nzoni si ayeke mbirimbiri na le ti KOTA GBIA Nzapa ti ala.

1 Agbia 11:33

Mbi yeke sara ye ni tongaso, ngbanga ti so azo ti Israel ado mbi azia si ala voro Astarte, nzapa-wali ti azo ti mara ti Sidon; ala voro Kemosh, nzapa ti azo ti mara ti Moab nga na Milkom, nzapa ti azo ti mara ti Amon. Azo ti Israel amu lege so mbi fa na ala so pepe, ala sara ye so ayeke nzoni na le ti mbi pepe; ala sara ye na lege ti andia ti mbi pepe nga na lege ti asarango ye so mbi fa na ala so pepe. Ala sara ye tongana ti David, babâ ti Salomon pepe.

Ésaïe 57:18

Mbi baa lege ti sarango ye ti lo awe, me mbi yeke kai kobela ti lo. Mbi yeke fa lege na lo, mbi yeke sara titene be ti lo ade. Ti azo so ayeke sara mua ti lo,

Ndia ti fani use ni 13:18

Ye so a diko ni titene a buba ni kue so, alingbi maboko ti ala andu ni oko pepe. Tongaso, fade ngonzo ti KOTA GBIA so alondo tongana wâ so ayeke de, lo yeke sara nzoni be na ala si lo yeke baa mawa ti ala, lo yeke sara titene ala wu mingi, alingbi na zendo so lo mu na akotara ti ala.

2 Agbia 20:5

“Kiri, mo tene na Ezekias, makonzi ti azo ti mbi, mo tene: Tënë so KOTA GBIA, Nzapa ti David, kotara ti mo atene ayeke so: ‘Mbi ma sambela ti mo awe, mbi baa ngu ti le ti mo awe. Baa, mbi yeke kai kobela ti mo. Na peko ti lango ota, mo yeke kiri ti gue na ya ti kota da ti KOTA GBIA.

Ndia ti fani use ni 28:27

KOTA GBIA ayeke tokua aka ti sanzo na tere ti ala, tongana ti so lo tokua ni lani na tere ti azo ti Ezipte; lo yeke tokua kobela ti sukungo tere na tere ti ala, koto-mo-lango, sarango tere nga na ambeni kobela nde nde so ayeke kai pepe.

Ezekiel 18:5

“E mu tapande ti mbeni zo ti mbirimbiri: lo yeke sara ye na legeni nga na lege ti ndia.

Jérémie 8:22

Na sese ti Galaad, mafuta ti kai na kobela ayeke daa mbeni pepe? Awanganga ayeke kâ mbeni pepe? Ngbanga ti nyen si ka ti azo ti mbi ade ti mu pepe so?

2 Agbia 22:2

Yosias asara ye so ayeke mbirimbiri na le ti *KOTA GBIA. Lo mu taa gi peko ti sarango ye ti kotara ti lo David; lo zia lege ni ti hon mbage na mbage pepe.

Awayango-sandaga 26:3

“Tongana ala sara ye alingbi na andia ti mbi, tongana ala bata atënë ti ndia ti mbi si ala sara ye alingbi na ni,

1 Agbia 11:38

Tongana mo ma atënë so kue mbi yeke mu ande yanga na mo ti sarango ni, tongana mo tambula na lege so mbi yeke fa na mo, tongana mo sara ye so ayeke mbirimbiri na le ti mbi; mo sara ye alingbi na andia ti mbi nga na lege ti atënë ti yanga ti mbi tongana ti so David, zo ti kua ti mbi asara, fade mbi yeke na mo; mbi yeke sara titene ahale ti mo angba lakue na ndö ti mbata ti gbia na peko ti mo tongana ti so mbi sara na David. Fade mbi yeke mu na mo amara baleoko ti Israel.

Ndia ti fani use ni 28:58

Atënë ti ndia ti Nzapa so kue a su na ya ti buku so, alingbi ala sara kue ti sara ye alingbi na ni. Alingbi ala ne iri ti lo so alingbi na gonda, iri so ayeke mu mbeto na zo: “KOTA GBIA Nzapa ti ala”.

Sigingo 12:29

Na be ti bi, KOTA GBIA afâ akozo molenge-koli kue na ya ti kodro ti Ezipte: ti londo na kozo molenge ti gbia Faraon ti koli, lo so lo lingbi fade ti duti gbia na peko ti babâ ti lo, ngbii asi na kozo molenge ti azo so a gbu ala na kodro wande si abi ala na da ti kanga. Lo fâ nga akozo molenge-koli ti anyama.

Sigingo 19:5

Fadeso, tongana ala ma tënë ti mbi si ala bata tënë ti *mbuki ti mbi, fade ala yeke ga azo ti mbi wani na popo ti amara kue. Biani, sese kue ayeke ti mbi.

Sigingo 19:6

Me ti ala, ala yeke duti ande kodro-gbia ti awayango-sandaga ndali ti mbi; ala yeke ga mara so ayeke nde si ayeke nzoni kue.’ Baa, tënë so fade mo yeke tene na azo ti Israel laa.”

Sigingo 20:2

“Mbi laa mbi yeke KOTA GBIA, Nzapa ti mo; mbi laa mbi sara si mo sigigi na Ezipte, ndo so lani mo yeke ngbaa daa.

Ndia ti fani use ni 12:25

Ala te ni pepe, tongaso si fade ala na *ahale ti ala ayeke baa nzoni, ngbanga ti so ala sara fade ye so ayeke mbirimbiri na le ti KOTA GBIA.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

2 Agbia 2:21

Élisée ague na li ti ngu ni, lo tuku ingo ni na ya ti ngu ni si lo tene: “Tënë so *KOTA GBIA atene ayeke so: ‘Mbi sara si ngu so aga *nzoni awe! Fade ngu so ayeke kiri ti sara si kuâ aga na ya ti kodro so pepe; ayeke sara si sese ni akiri ti du ale ti kobe.’ ”

Jérémie 7:23

Yanga so mbi mu na ala ayeke so: Ayeke nzoni ala ma yanga ti mbi, tongaso si mbi yeke duti Nzapa ti ala si ala yeke duti azo ti mbi. Ala tambula mbirimbiri na lege so mbi fa na ala si ala yeke duti nzoni.

Jérémie 11:7

Biani, mbi gboto mê ti akotara ti ala na ndö ni, ti londo na ndembe so mbi sara si ala sigigi na sese ti Ezipte, ngbii asi laso; mbi mu ngoi ti mbi kue ti gboto mê ti ala na ndö ni si mbi kiri mbi tene: Ala ma tënë ti mbi.

Jérémie 17:24

‘Me ti ala, ala ma mbi nzoni; so tënë ti yanga ti KOTA GBIA laa. Na lango ti wungo tere, alingbi ala hon na akungba na ayanga ti gbagba ti gbata so pepe. Ala bata lango ni so nde ndali ti mbi, ala sara nga mbeni kua na lango ni so pepe.

Jérémie 30:17

Ala di iri ti mo: ‘Lo so a ke lo awe’, wala ‘*Sion so azo aye tënë ti lo pepe’. Me so tënë ti yanga ti KOTA GBIA laa: Fade mbi yeke sara si ka ti mo amu; mbi yeke sara si aka ti mo ahunzi.”

Wungo ti azo 12:13

Moïse asambela KOTA GBIA, atene: “Ae Nzapa, mo kai kobela ti lo maa!”

Ndia ti fani use ni 5:1

Moïse airi azo ti Israel kue si lo tene na ala: “Ala azo ti Israel, ala ma aye so ndia afa nga na atënë ti ndia so mbi yeke tene na ala laso. Ala manda ni si ala sara kue ti sara ye alingbi na ni.

Abia (Psaumes) 81:9

Azo ti mbi, ala ma mbi si, mbi yeke na mbeni tënë ti tene na ala. Mo Israel, tongana mo ma fade mbi, ka ayeke nzoni mingi!

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Osée 11:3

Andaa mbi laa mbi fa lege ti tambula na Efraim, mbi gbu maboko ti lo; me lo hinga pepe lo tene, mbi yeke bata lo.