Sigingo 14:16 - Mbeti ti Nzapa - Tënë so amu fini

¹⁶ Ti mo, mu keke ti mo, mo yoro ni na nduzu na ndö ti kota ngu-ingo; mo kangbi ya ti ngu ni mbage na mbage titene azo ti Israel ahon na popo ni na ndö ti kuru sese.

Sigingo 14:16 Referans Kwoze

Sigingo 7:19

KOTA GBIA akiri atene na Moïse: “Tene na Aaron, mo tene: Mu keke ti mo, yoro maboko ti mo na ndö ti angu ti Ezipte, na ndö ti abale, na ndö ti angu so ayeke sua na ya ti adu, na ndö ti angu ti *alende, na ando so kue ngu ayeke daa. Fade angu ni ayeke ga mene. Tongaso fade mene ayeke mu ya ti kodro ti Ezipte kue, ya ti asembe so a sara na keke nga na asembe so a sara na têne.”

Sigingo 14:26

KOTA GBIA atene na Moïse: “Yoro maboko ti mo na ndö ti kota ngu-ingo titene ngu ni akiri na ndö ti azo ti Ezipte, na ndö ti apusu ti mbarata ti ala nga na ndö ti azo ti kpengo na mbarata ti ala.”

Sigingo 4:20

Tongaso Moïse amu wali ti lo na amolenge ti lo ti koli, lo zia ala na ndö ti lele si lo kiri na sese ti Ezipte. Lo mu na maboko ti lo keke so Nzapa atene na lo ti mu ni so.

Sigingo 4:17

Ti keke ni, mu na maboko ti mo! Fade mo yeke sara aye ti kpene na ni.”

Sigingo 4:2

Tongaso KOTA GBIA ahunda lo, atene: “Nyen laa ayeke na maboko ti mo so?” Moïse akiri tënë: “Keke laa.”

Ésaïe 10:26

Fade KOTA GBIA so ayeke na ndö ti dunia kue ayeke mu fimbo ti pika na azo ti Asirii tongana ti so lo pika ando azo ti Madian na tere ti kota têne ti Oreb. Lo yeke yoro keke ti lo na nduzu tongana ti so lo yoro ando na ndö ti kota ngu-ingo na Ezipte.

Sigingo 7:9

“Tongana Faraon ahunda na ala ti sara mbeni ye ti dongo be, fade mo Moïse, mo tene na Aaron ti mu keke ti lo, ti bi na sese na dawa ti Faraon; fade keke ni ayeke ga ngbo.”

Wungo ti azo 20:11

Moïse ayo maboko ti lo na nduzu, lo pika têne ni na nduru keke ti lo fani use. Mo ye ti baa, ngu asigigi gbani gbani na ya ti têne ni, bongbi ti azo ni anyon, ala na anyama ti ala.

Sigingo 14:15

KOTA GBIA atene na Moïse: “Mo yeke dekongo na mbi ngbanga ti nyen? Tene na azo ti Israel, ala mu lege ague.

Sigingo 17:5

KOTA GBIA atene na Moïse: “Mo hon na dawa ti azo ni. Mo mu ambeni *kangba ti Israel na tere ti mo. Keke so lani mo pika na kota ngu ti Nil so, mo mu ni na maboko ti mo, mo gue.

Sigingo 17:6

Ti mbi, fade mbi yeke luti na dawa ti mo, na ndö ti mbeni kota têne so ayeke na Horeb. Fade mo yeke pika têne ni, ngu ayeke sigigi daa si azo ni ayeke nyon.” Moïse asara tongaso na dawa ti akangba ti Israel.

Josué 8:18

KOTA GBIA atene na Josué: “Yoro likongo so ayeke na maboko ti mo na mbage ti Ai, ngbanga ti so mbi yeke zia gbata ni na maboko ti mo.” Josué ayoro likongo ni na mbage ti Ai.

2 Agbia 4:29

Élisée atene na Gehazi: “Leke tere ti mo; mu keke ti mbi ti wayanga-Nzapa, mo gue! Tongana mo wara mbeni zo na lege, mo bara lo pepe. Tongana mbeni zo abara mo, mo yeda pepe. Fade mo yeke zia keke ti mbi na ndö ti le ti molenge-koli ni.”

Habakuk 3:8

KOTA GBIA, be ti mo aso na tere ti akota ngu? Ngonzo ti mo alondo na tere ti akota ngu? Ngonzo ti mo ti wâ alondo na tere ti kota ngu-ingo? Tongana mo ko na ndö ti ambarata ti mo, apusu ti mbarata ti mo ayeke gue na mo ti so benda.